ސިންގަޕުރުގެ ވަންޑާ ނޭޝަނަލް ޖޫނިއާ ސައިންސް އޮލިމްޕިއާޑުގައި ބައިވެރިވެ ރާއްޖޭގައި ހުންނަ ބްރައިޓްވޭ އިންޓަރނޭޝަނަލް ސްކޫލުގެ 43 ދަރިވަރުން މެޑަލް ހޯދައިފިއެވެ.
އުޒުބެކިސްތާނުގައި ބާއްވާ ފައިނަލް ރައުންޑަށް ދާނެ ކުދިން ހޮވުމަށް ރާއްޖޭގައި ކުރިއަށް ގެންދިޔަ ރައުންޑުގައި ބްރައިޓްވޭގެ ދަރިވަރުން 9 ރަން މެޑަލާއި 15 ރިހި މެޑަލާއި 19 ލޯ މެޑަލް ހޯދާފައިވެއެވެ. މެޑަލް ހާސިލްކުރި ހުރިހާ ދަރިވަރުން، އަންނަ ޑިސެމްބަރު 11 އިން 17 އަށް އުޒުބެކިސްތާނުގައި ބާއްވާ ގްލޯބަލް ރައުންޑް – ސްޓީމް އަހެޑް 2026 އަށް ވަނީ ކޮލިފައި ވެފައެވެ.
ސިންގަޕޫރު ސްކޫލް ސައިންސް ސިލަބަހުގެ މައްޗަށް ބިނާކޮށް ގްރޭޑް 3 އިން 10 އަށް ކިޔަވާ ދަރިވަރުންނަށް އަމާޒުކޮށްގެން ބާއްވާ މި މުބާރާތަކީ ވިސްނުމުގެ ހުނަރު މަތިކޮށް، ސައިންޓިފިކް ކޮންސެޕްޓްތަކުގެ އެހީގައި އުފެއްދުންތެރިކަމާއި ދިމާވާ ގޮންޖެހުންތަކާ އެކު ކުރިއަށް ދިއުމަށް ހިތްވަރު ދިނުމުގެ މަގްސަދުގައި ބާއްވާ މުބާރާތެކެވެ. ބައިނަލްއަޤްވާމީ މި ޙަރަކާތުގައި ދުނިޔޭގެ އެކި ކަންކޮޅުތަކުން ޒުވާން ސައިންސްވެރިން އެއްވެ، އެފަރާތްތަކުގެ މައްސަލަތައް ޙައްލުކުރުމާއި، އުފެއްދުންތެރިކަމުގެ ދާއިރާއިން އެއްބާރުލުންދީ ޤާބިލުކަން އިތުރުކުރާނެއެވެ.
ބްރައިޓްވޭގެ ދަރިވަރުން ހޯދި ކާމިޔާބީއަށް މަރުޙަބާ ކިޔައި ދަރިވަރުންނަށް އެ ސްކޫލުން ވަނީ ތަޢުރީފުކޮށްފައެވެ.
advertisment
ހިޔާލު