342 ބައިވެރިންނާއިއެކު "އައްޑޫސިޓީ ޤުރުއާން ކިޔެވުމުގެ މުބާރާތް 2025″ މިދިއަ އާދިއްތަ ދުވަހު ފަށައިފިއެވެ.
އައްޑޫ ހައިސްކޫލްގައި ކުރިއަށް ގެންދާ މި މުބާރާތް ހުޅުއްވައި ދެއްވީ އައްޑޫ ސިޓީގެ މޭޔަރ ޢަލީ ނިޒާރެވެ. މިއީ އައްޑޫ ސިޓީ ކައުންސިލުން އިންތިޒާމްކޮށްގެން ބާއްވާ ކީރިތި ޤުރުއާން ކިޔެވުމުގެ 4 ވަނަ މުބާރާތެވެ.
މިމުބާރާތުގައި 12 ސްކޫލަކުން 287 ބައިވެރިން ބައިވެރިވެފައިވެއެވެ. އެއީ، ބަލައިގެން ކިޔެވުމުގެ ގޮފިން 179 އަދި ނުބަލާ ކިޔެވުމުގެ ގޮފިން 108 ދަރިވަރުންނެވެ.
މި މުބާރާތް ކުރިއަށް ގެންދަނީ ފަސް ކެޓާގަރީ އަކަށް ބަހާލާއިގެންނެވެ. 5 ކެޓަގަރީ އަކަށެވެ. އެއީ ސްކޫލްތަކުގެ ބައި، ޤުރުއާން ކްލާސްތަކުގެ ބައި، ޤުރުއާން މުދައްރިސުންގެ ބައި، އޮފީސްތަކުގެ ބައި، އަދި ހާފިޒުންގެ ބައެވެ. އޮފީސްތަކުގެ ބައިގައި 3 މުއައްސަސާ އެއް ބައިވެރިވިއެވެ. މި ހަތަރު ކެޓަގަރީ އިން 55 ބައިވެރިން ބައިވެރިވެފައިވެއެވެ. ޤުރުއާން ކްލާސްތަކުގެ ބައިން 4 ކްލާސް، ޤުރުއާން މުދައްރިސުންގެ ބައިން 2 ސްކޫލަކުން މުދައްރިސުން ބައިވެރިވެފައިވެއެވެ. އޮފީސްތަކުގެ ބައިން 3 މުއައްސަސާއެއް ބައިވެރިވެފައި ވެއެވެ.
މި މުބާރާތް ހުޅުއްވައި ދެއްވަމުން ދެއްކެވި ވާހަކަފުޅުގައި މޭޔަރ ވިދާޅުވީ، ކައުންސިލުން މިފަދަ މުބާރާތެއް ބާއްވަނީ އައްޑޫގެ ދަރިންގެ ހިތްތަކުގައި ކީރިތި ޤުރުއާންނަށް ލޯބި ޖެއްސުމަށާއި ދީނީ ރޫޙު އާލާކޮށް ދީނަށް ލޯބިކުރާ މުޖުތާމަޢެއް ބިނާކުރުމުގެ މަގްސަދުގައި ކަމުގައެވެ.
މިމުބާރާތުގެ ފަނޑިޔާރުންނަކީ ޑރ. އިލްޔާސް ޙުސައިން، އަލްޙާފިޡު މުހައްމަދު ސާލިޙް އަހްމަދު، އަދި އަލްޙާފިޡު ނަސީމް ފަތުޙީ އެވެ.
advertisment
ހިޔާލު