ޑިސެމްބަރު މަހުގެ 6ން 10އަށް މި އިމްތިޙާނު ކުރިއަށް ގެންދަނީ އިސްލާމާއި ދިވެއްސާއި އިނގިރޭސިއާއި ހިސާބާއި ސައިންސްގެ މާއްދާއިން
ޕްރައިމަރީ ގުރޭޑް ނިންމާ ދަރިވަރުންގެ ފެންވަރު ވަޒަން ކުރަން ގުރޭޑް 6 ދަރިވަރުންނަށް ބާއްވާ ޤައުމީ އިމްތިހާނު އަންނަ މަހު ބާއްވަން ނެޝަނަލް އިންސްޓިޓިއުޓް ފޯރ އެޑިޔުކޭޝަން (އެންއައިއީ)އިން ނިންމައިފިއެވެ.
މި އިމްތިޙާނު ކުރިއަށް ގެންދާ ގޮތުގެ އިރުޝާދު ސްކޫލްތަކަށް ހިއްސާކޮށްފައިވާއިރު، ސްކޫލްތަކުން އަންނަނީ އެ އިމްތިޙާނަށް ތައްޔާރުވަމުންނެވެ.
މި އިމްތިޙާނު ބާއްވަން ތާވަލު ކޮށްފައި ވަނީ ޑިސެމްބަރު މަހުގެ ހަ ވަނަ ދުވަހުން ފެށިގެން 10 ވަނަ ދުވަހަށެވެ. އިމްތިޙާނު ނަގަނީ ފަސް މާއްދާއިންނެވެ. އެއީ ދިވެއްސާއި އިސްލާމާއި ހިސާބާއި އިނގިރޭސި މާއްދާގެ އިތުރުން ސައިންސް މާއްދާއެވެ.
އެންއައިއީއިން ސްކޫލްތަކަށް ފޮނުވާފައިވާ އިމްތިޙާނުގެ ތާވަލް:
- އިސްލާމް، 6 ޑިސެމްބަރު (7:15 އިން 8:30 އަށް)
- އިސްލާމް މާއްދާ: 6 ޑިސެމްބަރު (7:15 އިން 8:30 އަށް)
- ދިވެހި މާއްދާ: 7 ޑިސެމްބަރު (7:15 އިން 8:45 އަށް)
- އިނގިރޭސި މާއްދާ: 8 ޑިސެމްބަރު (7:15 އިން 8:45 އަށް)
- ހިސާބު މާއްދާ: 9 ޑިސެމްބަރު (7:15 އިން 8:45 އަށް)
- ސައިންސް މާއްދާ: 10 ޑިސެމްބަރު (7:15 އިން 8:30 އަށް)
އެޑިއުކޭޝަން މިނިސްޓްރީގެ އިސްބޭފުޅަކު ދަރިވަރު ނޫހަށް ބުނީ، ޕްރައިމަރީ ގްރޭޑް ނިންމާ ދަރިވަރުންގެ އުގެނުން މިންކުރެވޭނެ އެންމެ އެކަށީގެންވާ ލާނިންގ ޑޭޓާ މިހާރު ނުހުންނަ ކަމަށާއި ޤައުމީ މަންހަޖުގެ އިމްތިޙާނެއްގެ ގޮތުގައި ކީ ސްޓޭޖް 2 ނިންމާ ދަރިވަރުންނަށް ދެވޭ އިމްތިޙާނުގެ ސަބަބުން ޕްރައިމަރީ ގުރޭޑްތަކުގެ ދަރިވަރުންގެ ތައުލީމީ ފެންވަރު މަތިކުރަން ކުރަން މަސައްކަތްތައް ދެނެގަނެވޭނެ ކަމަށެވެ.
އިނގިރޭސި ވިލާތާއި ސިންގަޕޫރު ފަދަ ގައުމު ތަކުގައިވެސް ވިލާތުގައި ޕްރައިމަރީ ނިންމާ ދަރިވަރުންނަށް ވެސް މިފަދަ އިމްތިހާނުތަައް ދެވި، ފެންވަރު ވަޒަން ކުރެވޭ ކަމަށެވެ.
ސާނަވީ ނިންމާ ދަރިވަރުންގެ ނަތީޖާއަށް އަސަރުކުރަނީ ޕްރައިމަރީ ނަތީޖާ ދަށްވުމުން ކަމަށް ހައި އެޗީވަރސް އެވޯޑް ދިނުމުގެ ރަސްމިއްޔާތުގައި ތަޢުލީމާ ބެހޭ ވަޒީރު ޑރ. އިސްމާއިލް ޝަފީޢު ވިދާޅުވެފައިވެއެވެ.
މިނިސްޓަރު ވިދާޅުވީ، "އެއީ އެޑްރެސް ކުރަން ޖެހޭ އުޝޫއެއް" ކަމަށާއި އޯލެވެލް ހަދާ 7000 އެއްހާ ދަރިވަރުންގެ ތެރެއިން އެންމެ މަތީ ޝަރަފުވެރި ވަނަތައް ހޯދި 844 ދަރިވަރުން އޭލެވެލްއަށް ކިޔެވިއިރު، އެ ދަރިވަރުންގެ ތެރެއިން 36 އިންސައްތަ ދަރިވަރުން މަތީ އަރުތަވެރިންގެ ގިންތީގައި ހިމެނުމަކީ މަދު އަދަދެއް ކަމަށެވެ.
"މިއީ، ކިޔަވައިދިނުން ހަރުދަނާ ކުރުމާއި ސްކޫލުތަކުގެ ތެރެއިން ލިބޭ ފުރުޞަތުތައް ތަނަވަސްކޮށްދީގެން ކަމަށް ވިޔަސް، އެޑްރެސްކުރަން ޖެހޭ ކަމެއް" މިނިސްޓަރު ވިދާޅުވިއެވެ.
ދަރިވަރުންގެ ނަތީޖާ ރަނގަޅު ކުރުމަށް ކަރިކުލަމާއި ކޮންޓެންޓަށް ގެންނަން ޖެހޭ ބަދަލުތަކާއި މުދައްރިސުންނާއި ޕްރިންސިޕަލުންނަށް ފާއިތުވި އަހަރު އެންއައިއީން ވަނީ ތަމްރީނު ވެސް ފޯރުކޮށްދީފައެވެ.
advertisment
ހިޔާލު