ދިވެހި ތަރިކައިގެ "ސިގްނޭޗަރ ރިސަރޗް" ސްކޮލަރޝިޕް 40 ފަރާތަކާ މިއަދު ހަވާލުކޮށްފިއެވެ. ދިވެހި ތަރިކަ ދިރާސާކުރާ ޤައުމީ މަރުކަޒުން ކުރިއަށް ގެންދާ ދިވެހި ތަރިކަ އިއާދަ ކުރުމުގެ މަޝްރޫޢުގެ ތެރެއިން މި ސްކޮލަރޝިޕަށް ހޮވުނު ފަރާތްތަކަށް ލިޔުން ހަވާލުކޮށްދެއްވީ ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދެވެ.
ދިވެހި ތަރިކައަށް ޚާއްސަ ސިފަތައް ހޯދައި ދެނެގަތުމަށް އަމާޒުކުރެވިގެން ހުޅުވާލެވޭ "ސިގްނޭޗަރ ރިސަރޗް ސްކޮލަރޝިޕް" ފުރުސަތުތަކަކީ ދިވެހިރާއްޖޭގެ އިސްލާމީ ޔުނިވަރސިޓީގެ މާސްޓަރސް ޑިގްރީއެއް ހާސިލުކުރެވޭގޮތަށް، ދިވެހި ތަރިކަ ދިރާސާކުރާ ޤައުމީ މަރުކަޒުން ސްޕޮންސަރކުރާ ރިސަރޗް މަސައްކަތްކުރުމަށް ދޭ ފުރުސަތުތަކެކެވެ. މި ސްކޮލަރޝިޕަކީ ދިވެހި ތަރިކައިގެ ޢިލްމު އުފެއްދުމާއެކު،ޤާބިލު ތަރިކަވެރީންތަކެއް އުފެއްދުމުގެ މަޤުޞަދުގައި ހިންގާ މަޝްރޫއެކެވެ.
މި މަޝްރޫޢުގެ ދަށުން ހުޅުވާލީ 40 ސްކޮލަރޝިޕް ފުރުސަތަށް 60 ފަރާތުން ކުރިމަތިލިއެވެ. ސްކޮލަރޝިޕަށް ހޮވޭ ފަރާތްތަކުން ބައިވެރިވާ މާސްޓަރ އިން ރިސަރޗް އެންޑް ޕަބްލިކޭޝަންސް ކޯހުގެ ފީ ދައްކައިދޭނީ ދިވެހި ތަރިކަ ދިރާސާކުރާ ޤައުމީ މަރުކަޒުންނެވެ.
މި ސްކޮލަރޝިޕްގެ ދަށުން ހިންގާ ރިސަރޗް މަސައްކަތް 2 އަހަރުން ނިންމަން ޖެހެއެވެ. މި ކޯސް ފުރިހަމަ ކުރާ ފަރާތްތަކަށް ދިވެހިރާއްޖޭގެ އިސްލާމީ ޔުނިވަރސިޓީގެ "މާސްޓަރ އިން ރިސަރޗް އެންޑް ޕަބްލިކޭޝަންސް" ސަނަދު ހާސިލްކުރެވޭނެއެވެ.
ސްކޮލަރޝިޕަށް ހޮވޭ ފަރާތްތަކުން ބައިވެރިވާ މާސްޓަރ އިން ރިސަރޗް އެންޑް ޕަބްލިކޭޝަންސް ކޯހުގެ ފީ ދައްކައިދޭނީ ދިވެހި ތަރިކަ ދިރާސާކުރާ ޤައުމީ މަރުކަޒުންނެވެ. މި ކޯސް ފުރިހަމަ ކުރާ ދަރިވަރުން ރިސަރޗް މަސައްކަތުގައި ކޮންމެ މަހަކު އެއްފަހަރު ދެ ދުވަހުގެ މުއްދަތަށް ދިވެހި ތަރިކަ ދިރާސާކުރާ ޤައުމީ މަރުކަޒުގައި ދާއިރާގެ މަސައްކަތްކުރަން ޖެހެއެވެ.
ދިރާސާކުރާ މައުޟޫޢު ކަނޑައަޅާނީ ދިވެހި ތަރިކަ ދިރާސާކުރާ ޤައުމީ މަރުކަޒުންނެވެ. އަދި ބައިވެރިވާ ފަރާތްތަކަށް ތަރިކައިގެ ދާއިރާގެ ކޮންމެވެސް އެއް ފަންނެއް ފުންކޮށް ދަސްކުރުމުގެ ފުރުސަތު ލިބި ތަރިކައިގެ ދާއިރާގެ ޢިލްމީ އަދި ދިރާސީ ފޮތްތައް ޝާއިޢުކުރުމުގެ ފުރުސަތު ލިބޭނެއެވެ.
ދާއިރާއަށް އަހުލުވެރިވުމާއި އުނގެނުން ކުރިއަށް ގެންދެވޭނެ ޢިލްމީ ފޭޑިއަކީ: "ކޮމިއުނިޓީ އޮފް ޕްރެކްޓިސް" "ޕްރެކްޓިސިންގް އިން ޕަބްލިކް"އެވެ.
ދިވެހި ތަރިކަ ދިރާސާކުރާ ޤައުމީ މަރުކަޒުން ބުނެފައިވަނީ، މި ސްކޮލަރޝިޕްގެ ދަށުން ފުރިހަމަކުރާ މާސްޓަރސް ކޯހުގައި ކިޔަވައިދޭނީ އިނގިރޭސި ބަހުންނެވެ. މި ސްކޮލަރޝިޕްގެ ދަށުން ކޯސް ފުރިހަމަކުރުމަށްފަހު 2 އަހަރު ދުވަހުގެ މުއްދަތަށް ދިވެހި ތަރިކައިގެ ދާއިރާއަށް ޚިދުމަތްކުރަން ޖެހެއެވެ.
advertisment
ހިޔާލު