ވާރލްޑް ބޭންކުގެ އެހީގައި މިނިސްޓްރީ އޮފް ފިނޭންސުން ހިންގާ ރާއްޖޭގެ ޕަބްލިކް ފައިނޭންސް ޕްރޮޖެކްޓުގެ ދަށުން ރާއްޖޭގައި ޕްރޮކިއުމެންޓްގެ ދާއިރާ ތަރައްޤީކުރުމަށްޓަކައި ދިވެހިރާއްޖޭގެ ޤައުމީ ޔުނިވަރސިޓީއާއި ފިނޭންސް މިނިސްޓްރީ ގުޅިގެން ޕްރޮކިއުމެންޓް ދާއިރާއަށް ހާއްސަކުރެވިގެން ކޯސްތަކެއް ފަރުމާކުރުމުގެ މަސައްކަތް ފަށައިފިއެވެ. ވާރލްޑް ބޭންކުގެ ލަފަޔާއި އިރުޝާދުގެ ދަށުން، ކަމާގުޅޭ ދާއިރާތަކުގެ ފަންނީ މުއައްޒަފުންނަށް އަމާޒުކޮށްގެން 3 ދުވަހަށް ކުރިއަށް ގެންދާ މި މަސައްކަތު ބައްދަލުވުމުގައި ސަރުކާރުގެ މިނިސްޓްރީތަކާއި މި ދާއިރާއާގުޅުންހުރި ބައެއް މިނިވަން މުއައްސަސާތަކުގެ ބޭފުޅުން ބައިވެރިންގެ ގޮތުގައި ހިމެނެއެވެ.
ގައުމީ ޔުނިވަރސިޓީން ބުނީ މި މަސައްކަތު ބައްދަލުވުމުގައި ދިވެހި ރާއްޖޭގެ ޤައުމީ ޔުނިވަރސިޓީން ތައްޔާރުކުރަމުންދާ ޕްރޮކިއުމެންޓް ދާއިރާގެ ކޯސްތަކަށް ޙާއްސަކުރެވިގެން މުގައްރަރެއް ތައްޔާރު ކުރުމަށް އެހީތެރިވާނެކަމަށެވެ.
ޔުނިވަރސިޓީގައި ކުރިއަށްގެންދާ މި ބައްދަލުވުމަކީ މިހާތަނަށް މިދާއިރާއިން ރާއްޖޭގައި ފުޅާދާއިރާއެއްގައި މީހުން ބިނާ ކުރުމަށް ހިންގޭ މިފަދަ ފުރަތަމަ ބައްދަލުވުމެވެ.
advertisment
ހިޔާލު