ރާއްޖޭގައި ފުރަތަމަ ފަހަރަށް ބާއްވާ ފަލިޖެހުމުގެ ބައިނަލްއަގުވާމީ މުބާރާތުގައި އައްޑޫ ސިޓީގެ ފަސް ސްކޫލަކުން 130 ދަރިވަރުން ބައިވެއްޖެއެވެ.
"އެމްޑަބްލިއުއެސްސީ އިންޓަ ސްކޫލް ކޯސްޓަލް ރޯވިން ބީޗް ސްޕްރިންޓް 2021″ ގެ ނަމުގައި ކުރިއަށް ގެންދާ މި މުބާރާތް ފެށީ އިއްޔެ ހަވީރުއެވެ. ސްކޫލްތަކަށް ހުޅުވާލައިގެން ކުރިއަށް ފެންދާ މި މުބާރާތުގައި ރާއްޖެއިން ބައިވެރިވެފައި ވަނީ އައްޑޫ ސިޓީގެ ސްކޫލްތަކުންނެވެ. ރާއްޖެއިން ބޭރުން މި މުބާރާތުގައި ބައިވެފައި ވަނީ ޕާކިސްތާނާއި ތައިލެންޑް އަދި ޗައިނާގެ 23 އެތްލީޓުންނެވެ.
ރާއްޖޭގައި ބާއްވާ މިފަދަ ފުރަތަމަ މުބާރާތާއެކު، އިތުރު މުބާރާތްތައް ބާއްވައި އޮލިމްޕިކް ގޭމްސްގައި ބައިވެރިވުމަށް ރޯވިން އެސޯސިއޭޝަނުން އަންނަނީ މަސައްކަތް ކުރަމުންނެވެ. އައްޑޫގައި މި ފެށި މުބާރާތް އެހެން އަތޮޅުތަކުގައި ކުރިއަށް ގެންދަންވެސް އެ އެސޯސިއޭޝަނުން އަންނަނީ މަސައްކަތް ކުރަމުންނެވެ.
ތިން ދުވަހަށް ކުރިއަށް ގެންދާ މި މިބާރާތް އަންނަ އާދީއްތަ ދުވަހުގެ ނިޔަލަށް ކުރިއަށް ދާނެއެވެ.
advertisment
ހިޔާލު