އައިޔޫއެމްއިން ބާއްވާ އައިސީއައިއޭގެ ޕްލެޓިނަމް ޕާޓްނަރަކަށް ގައުމީ ބޭންކް

އިސްލާމިކް ޔުނިވާސިޓީ އޮފް މޯލްޑިވްސް (އައިޔޫއެމް) އިން އިންތިޒާމުކޮށްގެން ބާއްވާ އިންޓަނޭޝަނަލް ކޮންފަރެންސް އޮން އިންޓެލެކްޗުއަލް އެޑްވާންސްމަންޓް (އައިސީއައިއޭ)ގެ ޕްލެޓިނަމް ޕާޓްނަރެއްގެ ގޮތުގައި ގައުމީ ބޭންކް (ބީއެމްއެލް) ހަމަޖައްސައިފި އެވެ.

އައިސީއައިއޭގެ 11 ވަނަ ކޮންފަރެންސް މި އަހަރު ކުރިއަށް ގެންދަނީ، މި މަހު 30 އިން 31އަށެވެ.

އިންޓަނޭޝަނަލް ކޮންފަރެންސް އޮން އިންޓެލެކްޗުއަލް އެޑްވާންސްމަންޓް (އައިސީއައިއޭ) އަކީ އިސްލާމިކް ޔުނިވާސިޓީ އޮފް މޯލްޑިވްސް (އައިޔޫއެމް) އިން ކޮންމެ އަހަރަކުވެސް ބާއްވަމުން އަންނަ ދިރާސީ މަހާސިންތާއެކެވެ. މިއީ އިލްމުވެރިންނާއި، ރިސާޗަރުން އަދި ދަރިވަރުންނަށް ތަފާތު އިލްމީ ދާއިރާތަކުން މައުލޫމާތު ހިއްސާކޮށް، ޒަމާނީ މައްސަލަތަކާ ބެހޭ ގޮތުން މަޝްވަރާ ކުރުމަށް ދުނިޔޭގެ ފެންވަރުގައި ބޭއްވޭ ކޮންފަރެންސެކެވެ.

މި ކޮންފަރެންސަށް މި އަހަރަށް ކަނޑައަޅާފައިވާ ތީމަކީ:

"ދެމެހެއްޓެނިވި ތަރައްޤީއަށް އުނގެނުމުގެ މުޖުތަމަޢު ބިނާކުރުން"އެވެ.

މި ކޮންފަރެންސްގައި ދުނިޔޭގެ އެކި ކަންކޮޅުތަކުން އިލްމުވެރިންނާއި، ޕްރޮފެޝަނަލުންނާއި، ސިޔާސަތު ކަނޑައަޅާ ފަރާތްތަކާއި، އީޖާދީ އުފެއްދުންތެރިން ބައިވެރިވެއެވެ.

އައިސީއައިއޭ ކޮންފަރެންސް އިފްތިތާހު ކުރީ 2016 ވަނަ އަހަރުއެވެ. ފުރަތަމަ ތިން އަހަރު އިންޓަރނޭޝަނަލް ކޮންފަރެންސް އޮން އިސްލާމިކް އެވޭކިނިންގެ ނަމުން ނަން ދެވިފައި އޮތުމުގެ ކުރިން، 2019 ވަނަ އަހަރު އެ ކޮންފަރެންސް މިހާރު އޮތް ނަމަށް ރީބްރޭންޑް ކޮށްފައިވެއެވެ.

އައިސީއައިއޭގެ މައިގަނޑު އަމާޒަކީ:

• ރާއްޖޭގައި ރިސާޗް އަދި އިންޓެލެކްޗުއަލް އިންކުއަރީގެ ސަގާފަތެއް ކުރިއެރުވުން.
• ޚިޔާލު ބަދަލުކުރުމަށް ރާއްޖެއާއި ބޭރުގެ އިލްމުވެރިން އެއްތަނަކަށް އެއްކޮށް.
• ޢިލްމީ ދިރާސާތަކާއި ޕޮލިސީ އެކުލަވާލުމާއި އާ ދެމެދު އޮތް ފަރަގު ކުޑަކުރުން.

 އައިސީއައިއޭ މި އަހަރު ކުރިއަށް ގެންދަނީ މައިގަނޑު ހަ ތީމަކަށް ބިނާކޮށެވެ. އެއީ:

• ސޯޝަލް ސައިންސަސް، ހިއުމެނިޓީސް އެންޑް އެޑިއުކޭޝަން
• ޤުރުއާނިކް ސައިންސް އެންޑް އިސްލާމިކް ސްޓަޑީޒް
• ޝަރީޢާ އާއި ޤާނޫނު
• ޓޫރިޒަމް، އެންވަޔަރަންމަންޓް އެންޑް ޓެކްނޮލޮޖީ
• މެނޭޖްމަންޓް، ބިޒްނަސް، އިކޮނޮމިކްސް، އެކައުންޓިންގ، ފައިނޭންސް އަދި ބޭންކިން
• ޢަރަބި ބަހާއި އަދަބިއްޔާތު

މީގެ ކުރިން ބޭއްވި ކޮންފަރެންސްތަކާ އެއްގޮތަށް މި އަހަރުގެ ކޮންފަރެންސްގައި ވެސް ކީނޯޓް ސެޝަންތަކާއި ކީނޯޓް ސެޝަންތަކާއި ޕެރަލަލް ސެޝަންތަކާއި ޕެނަލް ޑިސްކަޝަންތައް ކުރިއަށް ގެންދާނެއެވެ. އަދި ނެޓްވޯކިން ސެޝަންތަކާއި ވޯކްޝޮޕްތައް ވެސް ކުރިއަށް ގެންދާނެއެވެ.