މި އަހަރުގެ ކޮންފަރެންސް ޚާއްޞަ ކުރީ، ބައިނަލްއަގުވާމީ އެއްބާރުލުމުގެ ތެރެއިން ރެފިއުޖީންނާއި ގެދޮރު ގެއްލިފައިވާ މަދަނީންނަށް ރައްކާތެރިކަން ކަށަވަރުކުރުމާ ގުޅޭ ގޮތުން.
އަމީނިއްޔާގެ މޮޑެލް ޔޫއެން ކޮންފަރެންސް (އޭއެސްއެމްޔޫސީ ބާއްވައިފިއެވެ. މިއީ މި ކޮންފަރެންސް އެ ސްކޫލުން ބާއްވާ ކޮންމެ އަހަރަކުވެސް ބާއްވައެވެ. މިދިޔަ އަހަރު ބޭއްވީ ދަރުމަވަންތަ ސްކޫލާ ގުޅިގެންނެވެ. މި އަހަރު އަމީނިއްޔާގެ 54 ދަރިވަރުން މި ކޮންފަރެންސްގައި ބައިވެރިވިއެވެ.
އަމީނިއްޔާގެ ވައިލެޓް މާލަމުގައި ބޭއްވި އޭއެސްއެމްޔޫސީގެ ޝިޔާރަކީ، ބައިނަލްއަގުވާމީ އެއްބާރުލުމުގެ ތެރެއިން ރެފިއުޖީންނާއި ގެދޮރު ގެއްލިފައިވާ މަދަނީންނަށް ރައްކާތެރިކަން ކަށަވަރުކުރުމެއެވެ. މި މުހިންމު ޝިއާރުގެ ދަށުން ކުރިއަށްދިޔަ މި ބައްދަލުވުމުގައި، ދުނިޔެއަށް ކުރިމަތިވެފައިވާ ބޮޑެތި ގޮންޖެހުންތަކާ މެދު މާނަވީ ގޮތެއްގައި ބަހުސްކޮށް، ތަފާތު ހިޔާލުތައް ބަދަލުކޮށް، ބައިނަލްއަގުވާމީ އެއްބާރުލުމުގެ މުހިންމުކަމާ ގުޅޭގޮތުން ފުޅާ ދާއިރާއެއްގައި ދަރިވަރުން މަޝްވަރާކޮށްފައިވެއެވެ.
އޭއެސްއެމްޔޫސީއަކީ، ދަރިވަރުންގެ މެދުގައި ހާރިޖީ ގުޅުންތަކުގެ ހުނަރާއި، ފާޑުކިޔުންތެރި ވިސްނުމާއި، ގުޅިގެން މަސައްކަތްކުރުމުގެ ރޫހާއި، މުއާމަލާތުކުރުމުގެ އިތުރުން މައްސަލަތައް ހައްލުކުރުމުގެ ގާބިލުކަން އިތުރުކުރުމަށް ލިބުނު ވަރަށް އަގުހުރި ފުރުސަތެކެވެ. އަދި މީގެ ސަބަބުން ދުނިޔޭގެ އެކި މައްސަލަތަކާ މެދު ދަރިވަރުންގެ ހޭލުންތެރިކަން އިތުރަށް ފުންވެގެންދިޔައެވެ.
މިއީ ހަމައެކަނި ކޮންފަރެންސެއް ނޫނެވެ. މިއީ ދަރިވަރުން ދުނިޔޭގެ ފެންވަރުގައި ވިސްނުން ބައްޓަންކުރުމަށާއި، ބައިނަލްއަގުވާމީ މަސްރަހުގައި ފުންކޮށް ވިސްނައި، ސުލްހަވެރި އަދި އެންމެން ބައިވެރިވާ ފާގަތި ދުނިޔެއެއް ބިނާކުރުމަށް އެކުގައި މަސައްކަތްކުރުމަށް ބާރުއަޅައިދިން ތައުލީމީ އަދި މާނަވީ ތަޖުރިބާއެކެވެ.
އަމީނިއްޔާއިން ބުނީ، މެޑަން ޔޫއެން ކޮންފަރެންސަށް އެ ސްކޫލުގެ ދަރިވަރުން އުއްމީދުކުރާ ކަމަށާއި އެކަމަށް ދުރާލާ ތައްޔާރުވާ ކަމަށެވެ.
advertisment
ހިޔާލު