މައުމޫން ފައުންޑޭޝަންގެ އެހީގައި މާސްޓަރސްއަށް ކިޔެވުމުގެ ފުރުޞަތު އައިޔޫއެމްއިން ހުޅުވާލައިފި
މައުމޫން ފައުންޑޭޝަންގެ އެހީގައި މާސްޓަރސްއަށް ކިޔެވުމުގެ ފުރުޞަތު އައިޔޫއެމްއިން ހުޅުވާލައިފިއެވެ.
މައުމޫން ފައުންޑޭޝަނުން ދެނީ، ޓީޗިންގ އެންޑް ލަރނިންގ އިސްލާމިކް އެޑިޔުކޭޝަން ދާއިރާއިން މާސްޓަރސްއަށް ކިޔެވުމުގެ ސްކޮލަރޝިޕެކެވެ. މި ސްކޮލަރޝިޕްގެ ޝަރުޠު ތަކުގެ ތެރޭގައި ހިމެނެނީ، ދިވެހިރައްޔިތަކަށް ވުމާއި 2026 ވަނަ އަހަރުގެ ދެވަނަ ސެމިސްޓާގައި އައިޔޫއެމްގައި ކިޔަވާ ދަރިވަރަކަށް ވުމާއި އުމުރުން 35 އަހަރު ފުރިފައި ނުވުމެވެ.
މި ސްކޮލަރޝިޕަށް އެޕްލިކޭޝަން ހުށައަޅަން ޖެހޭ ސުންގަޑިއަކީ ޖުލައި މަހުގެ 28 ވަނަ ދުވަހުގެ 14:00ގެ ކުރިއެވެ.
މައުމޫން ފައުންޑޭޝަނުން އަންނަނީ މަތީ ތައުލީމުގެ ފުރުޞަތުތައް ދިވެހި ދަރިވަރުންނަށް ފަހި ކޮށްދެމުންނެވެ. މިދިޔަ އަހަރު ވެސް އައިޔޫއެމްގައި ޤުރުއާނުގެ ދާއިރާއިން މާސްޓަރސްއަށް ކިޔެވުމުގެ ފުރުޞަތު އެއް ދަރިވަރަކަށް އެ ފައުންޑޭޝަނުން ދީފައިވެއެވެ.
advertisment
ހިޔާލު