ސްކޫލްތަކުގައި އުމްރާނީ ވަޞީލަތްތައް ޤާއިމްކުރުމުގެ މަސައްކަތް ކުރިއަށްދާކަން ފާހަގަކުރައްވައި، އޭގެ ތަފާސް ހިސާބު ރައީސުލްޖުމްހޫރިއްޔާ ވަނީ ރިޔާސީ ބަޔާނުގައި ފާހަގަކުރައްވާފައެވެ.
އެމަނިކުފާނު މިއަދު ވިދާޅުވީ، މިދިޔަ އަހަރުގެ ނިޔަލަށް 142 ކްލާސްރޫމްއާއި 9 މަލްޓިޕާޕަސް ހޯލްއާއި ސައިންސްލެބާއި ސްޓާފްރޫމްއާއި ލައިބްރާރީ ފަދަ މަޝްރޫޢުގެ 56 އެޑިއުކޭޝަން ސަޕޯޓް ފެސިލިޓީގެ މަސައްކަތް ވަނީ ނިންމާފައިވާ ކަމަށެވެ. ދިރާސީ އަހަރު ފެށުމުގެ ކުރިން އިތުރު 16 ކްލާސްރޫމްއާއި 7 މަލްޓިޕާޕަސް ހޯލްއާއި 250 އެޑިއުކޭޝަން ސަޕޯޓް ފެސިލިޓީ ނިންމައި މިހާރު ބޭނުންކުރަން ފަށާފައިވާ ކަމަށެވެ.
ރައީސުލްޖުމްހޫރިއްޔާ ވިދާޅުވީ، މިވަގުތު ވެސް 955 ކްލާސްރޫމްއާއި 78 މަލްޓިޕާޕަސް ހޯލްއާއި 2923 އެޑިއުކޭޝަން ސަޕޯޓް ފެސިލިޓީގެ މަސައްކަތް އެކި ސްކޫލްތަކުގައި ކުރިއަށްދާ ކަމަށެވެ.
advertisment
ހިޔާލު