ޝަހާދާ ސާނަވީ އާއި ޝަހާދާ އިޢުދާދީ އިމްތިހާނުގެ ޖަވާބު ކަރުދާސް މާކު ކުރާނެ މީހުން ހޯދަނީ

ޝަހާދާ ސާނަވީ އާއި ޝަހާދާ އިޢުދާދީ އިމްތިހާނުގެ ޖަވާބު ކަރުދާސް މާކު ކުރާނެ މީހުން ހޯދަން ޑިޕާޓްމަންޓް އޮފް ޕަބްލިކް އެގްޒެމިނޭޝަނުން އިޢުލާން ކޮށްފިއެވެ.

ޕަބްލިކް އެގްޒެމިނޭޝަނުން ކުރި އިޢުލާނުގައި ބުނެފައިވާ ގޮތުގައި ޝަހާދާ ސާނަވީގެ ޖަވާބު ކަރުދާސް މާކުކުރަން ހޯދަނީ 23 މާކަރުންނެވެ. ޝަހާދާ ޢިއުދާދީ އިމްތިޙާނުގެ ޖަވާބު ކަރުދާސް މާކުކުރަން ހޯދަނީ 13 މާކަރުންނެވެ.

އިއުލާނުގައި ބުނެފައިވާ ގޮތުން، މާކަރުންގެ ގޮތުގައި މަސައްކަތް ކުރަން ބޭނުންވާ ފަރާތްތަކުން ފެބުރުވަރީ މަހުގެ 10 ވަނަ ދުވަހުގެ 13:00 ގެ ކުރިން ޢިއްޒުއްދީން ބިލްޑިންގ ގައިވާ ޑިޕާޓްމަންޓް އޮފް ޕަބްލިކް އެގްޒޭމިނޭޝަންސް، ގެ ކައުންޓަރަށް ނުވަތަ ތިރީގައި މިވާ އީމެއިލް އެޑުރެހަށެވެ.

މާކަރުންގެ ޝަރުޠެއް ކަމަށް ބުނެފައި ވަނީ، މިއަހަރުގެ ޝަހާދާ ސާނަވީ އަދި ޝަހާދާ އިޢުދާދީ އިމްތިޙާނުގައި ބައިވެރިވާ، އަދި އެމީހެއްގެ ދަރިއަކު ބައިވެރި ވެފައިވާ ފަރާތަކަށް ނުވުމާއި ޝަހާދާ ސާނަވީ ނުވަތަ ޝަހާދާ ޢިއުދާދީ ގެ ސިލަބަހަށް މިހާރު ކިޔަވައިދޭ މީހަކަށް ނުވުމާއި މާއްދާއާއި ގުޅޭ ދާއިރާއަކުން ދައްވެގެން ޑިޕްލޮމާ ހާސިލް ކޮށްފައި ވުމާއެކު، އުމުރުން 65 އަހަރު ވެފައިވާ ފަރާތެއް ކަމުގައި ނުވުމެވެ. މީގެ އިތުރުން ވޭތުވެދިޔަ އަހަރުތަކުގައި މިނިސްޓްރީ އޮފް އެޑިއުކޭޝަނުން ނުވަތަ މި ޑިޕާޓްމަންޓުން ނުވަތަ ކަމާގުޅުން ހުރި އިދާރާއަކުން ސުލޫކީ މައްސަލައެއްގައި ފިޔަވަޅު އަޅާފައިވާ ފަރާތެއް ކަމުގައި ނުވުން ހިމެނެއެވެ.

އުޖޫރައެއްގެ ގޮތުގައި މާކު ކުރާ ކޮންމެ ކަރުދާހަކަށް ކަނޑައެޅިފައިވާ އުޖޫރައަކީ ކަރުދާހަކަށް -/60ރ އެވެ. ރީޗެކް މަސައްކަތް ކުރާ ފަރާތްތަކަށް ކަނޑައެޅިފައިވާ އުޖޫރައަކީ ވެސް ކަރުދާހަކަށް -/60ރ އެވެ.