16 އަހަރުން ދަށުގެ 4.7 މިލިއަން ކުދިން ބޭނުން ކުރަމުން އައި މީސްމީޑިއާ އެކައުންޓް އޮސްޓްރޭލިއާގައި ބަންދުށްކޮށްފި

16 އަހަރުން ދަށުގެ 4.7 މިލިއަން ކުދިން ބޭނުން ކުރަމުން އައި މީސްމީޑިއާ އެކައުންޓް އޮސްޓްރޭލިއާގައި ބަންދުށްކޮށްފި

16 އަހަރުން ދަށުގެ ކުދިންނަށް މީސްމީޑިއާ ބޭނުން އޮސްޓްރޭލިއާގައި މަނާކުރިތާ އެއް މަސް ދުވަހުގެ ތެރޭގައި   4.7 މިލިއަނެއްހާ ކުދިން ބޭނުން ކުރަމުން އައި އެކައުންޓްތައް ބަންދުކޮށްފިއެވެ. މިއީ އެ ޤައުމުގައި ތިބި 16 އަހަރުން ދަށުގެ އާބާދީއަށް ބަލާއިރު ކޮންމެ ކުއްޖަކަށް ދެ އެކައުންޓަށްވުރެ އިތުރު އަދަދެކެވެ.

16 އަހަރުން ދަށުގެ ކުދިންނަށް މީސްމީޑީއާ ބޭނުން ކުރުން އޮސްޓްރޭލިއާގައި މަނާކުރީ ހުސްވި ޑިސެމްބަރު މަހުގެ 10 ވަނަ ދުވަހުން ފެށިގެންނެވެ. އެ ދުވަހުން ފެށިގެން އިންސްޓަގްރާމްއާއި ފޭސްބުކްއާއި ޔޫޓިއުބްއާއި ޓިކްޓޮކްއާއި ސްނެޕްޗެޓްއާއި އެކްސް އަދި ރެޑިޓް ހިމެނޭ ގޮތަށް އެންމެ މަޤްބޫލު 10 މީސްމީޑިޔާ މަންސަ ބޭނުން އޮތީ މަނާކޮށްފައެވެ.

ކުޑަކުދިން ބޭނުންކުރާ އެކައުންޓުތައް ބަންދުނުކުރާ މީސްމީޑިޔާ ކުންފުނިތައް33 މިލިޔަން އެމެރިކާ ޑޮލަރާ ހަމައަށް ޖޫރިމަނާ ކުރެވޭ ގޮތަށް އެ ޤާނޫނުގައި އޮތީ ހިމަނާފައެވެ.

މީސްމީޑިއާ ބޭނުން ކުރުން 16 އަހަރުން ދަށުގެ ކުދިންނަށް މަނާކުރި ފުރަތަމަ ޤައުމަކަކީ އޮސްޓްރޭލިއާއެވެ. އޮސްޓްރޭލިޔާގެ އީ- ސޭފްޓީ ކޮމިޝަނަރުގެ އޮފީހުން ބުނެފައިވާ ގޮތުގައި، ކުޑަކުދިން މީސްމީޑިއާ ބޭނުން ކުރުން މަނާކުރާ ކުރުމުން އެ ކުދިންގެ ނަފުސާނީ ދުޅަހެޔޮކަމަށް ކުރާ އަސަރު ދެނެގަންނަން ދިރާސާއެއް ކުރަން ރާވާފައިވާ ކަމަށެވެ.