ސްޓޫޑެންޓް ޕާފޯމަންސް: ރިސާޗް-އިންފޯމްޑް ޕާސްޕެކްޓިވް

ޢަބްދުﷲ ނަޞީޙް

ދަރިވަރުންގެ ޕާފޯމަންސް ކަމަށް ބުނެފައި އެވަނީ، ހަމައެކަނި ތަޢުލީމީ ޤާބިލުކަން ނޫން ކަމަށާއި، މުހިންމު ހުނަރުތަކާއި، ވިސްނުމާއި، ސުލޫކުތައް ތަރައްޤީވުން ދައްކުވައިދޭ، މަންހަޖުން ގަސްތުކުރާ އުނގެނުމުގެ ނަތީޖާތައް ހާސިލްކުރާ މިންވަރަށެވެ. އެއީ ކޮންމެ ތަޢުލީމީ ނިޒާމެއްގައިވެސް ކިޔަވައިދިނުމާއި އުނގެނުމުގެ ފައިދާހުރިކަން ދައްކުވައިދޭ މައިގަނޑު ނިޝާނެކެވެ. ދިރާސާގެ ހޯދުންތަކުގެ އަލީގައި މިހާރު ދަރިވަރުންގެ ޕާފޯމަންސް ވިސްނެނީ ހަމައެކަނި ތައުލީމީ ނަތީޖާއަށްވުރެ ދަރިވަރުންގެ ކުރިއެރުމުގެ ކޮގްނިޓިވް، ބިހޭވިއަރަލް، ސޯޝަލް، އަދި އިމޯޝަނަލް ކަންތައްތައް ދައްކުވައިދޭ ފުޅާ އަދި މަލްޓިޑައިމަންޝަނަލް ކޮންސްޓްރަކްޓެއްގެ ގޮތުގައެވެ.

ދިރާސާތަކުން ހާމަވާ ގޮތުގައި ދަރިވަރުންގެ ޕާފޯމަންސްގައި ގުޅިފައިވާ ބައެއް ޑިމޭންޝަންތައް ހިމެނެ އެވެ. ތަޢުލީމީ ކާމިޔާބީއަކީ މުހިންމު ކަމެއް ކަމުގައި ވާއިރު، އެއީ ވިސްނުމާއި، ތަޙުލީލީ ވިސްނުމާއި، މައްސަލަ ހައްލުކުރުމުގެ ޤާބިލުކަން ދައްކުވައިދޭ ކަމެކެވެ. ނަމަވެސް ދިރާސާތަކުން ދައްކާ ގޮތުގައި ސުލޫކީ ގޮތުން ޝާމިލުވުމަކީ – ހާޒިރީ، ގަޑިއަށް ފަރުވާތެރިވުން، ކްލާހުގައި ބައިވެރިވުން،  ފަދަ ތައުލީމީ މަތީ ނަތީޖާތަކާ ގުޅުން ހުރި ކަންތައްގތަކެކެވެ. މީގެ އިތުރުން ސޯޝަލް އެންޑް އިމޯޝަނަލް ލާނިން (އެސްއީއެލް) އާ ބެހޭ ދިރާސާތަކުން ދައްކާ ގޮތުގައި އަމިއްލަ ނަފްސު ބެލެހެއްޓުމާއި، ކެތްތެރިކަމާއި، އެއްބާރުލުމާއި، އިމޯޝަނަލް ހޭލުންތެރިކަން ތަރައްޤީކުރާ ދަރިވަރުންނަކީ ތަޢުލީމީ ގޮތުން ރަނގަޅު ނަތީޖާތަކެއް ހޯދައި، އެކުވެރިންނާއި ޓީޗަރުންނާ ގުޅުން ބަދަހިކުރާ ދަރިވަރުންނެވެ. އުފެއްދުންތެރިކަމާއި، ޑިޖިޓަލް ލިޓްރޭސީއާއި، ޙަޤީޤީ ޙާލަތްތަކުގައި ޢިލްމު ބޭނުންކުރުމުގެ ޤާބިލުކަން ފަދަ ޢަމަލީ ޤާބިލުކަންތައްތަކަކީވެސް ޚާއްޞަކޮށް 21 ވަނަ ގަރުނުގެ ތަޢުލީމުގައި ދަރިވަރުންގެ ޕާފޯމަންސްގެ މައިގަނޑު މާއްދާތަކެއްގެ ގޮތުގައި ފާހަގަކުރެވޭ ކަންކަމެވެ.

އެތައް ދިރާސާއަކުން ހޯދިފައިވާ ހޯދުންތަކުން ދައްކާ ގޮތުގައި ދަރިވަރުންގެ ޕާފޯމަންސް ބައްޓަން ކުރެވެނީ ޒާތީ، އާއިލީ، ސްކޫލް، އަދި ތިމާވެށީގެ ކަންތައްތައް އެއްކޮށްގެންނެވެ. މޮޓިވޭޝަން، ސެލްފް ޑިސިޕްލިން، ކޮގްނިޓިވް އެބިލިޓީ، އަދި ނަފްސާނީ ރަނގަޅުކަން ފަދަ އަމިއްލަ ސިފަތަކުގެ ސަބަބުން އުނގެނުމުގެ ނަތީޖާއަށް ވަރަށް ބޮޑަށް އަސަރުކުރެއެވެ. މޮޓިވޭޓް ވެފައިވާ އަދި އަމިއްލައަށް ރެގިއުލޭޓް ކުރެވިފައިވާ ދަރިވަރުން މާއްދާތަކުގެ ތެރެއިން މަތީ ނަތީޖާތަކެއް ހޯދައެވެ. އާއިލީ ބައިވެރިވުމަކީ ވެސް ޕާފޯމަންސް ލަފާކުރާ މުހިންމު ކަމެކެވެ؛ ދިރާސާތަކުން ދައްކާ ގޮތުގައި ބެލެނިވެރިންގެ އެހީތެރިކަމާއި، އިޖުތިމާއީ އިގްތިސާދީ ހާލަތާއި، ގޭގައި ސްޓޭބަލް މާހައުލެއް ހުރުމަކީ ދަރިވަރުންގެ ކާމިޔާބީއަށް ވަރަށް ބޮޑު ދައުރެއް އަދާކުރާ ކަންކަމެވެ. ހަމައެފަދައިން ސްކޫލް ފެންވަރުގެ ކަންތައްތަކުގެ ތެރޭގައި މުދައްރިސުންގެ ފެންވަރާއި، ލީޑަރޝިޕްގެ އުސޫލުތަކާއި، ވަސީލަތްތައް ލިބިފައިވުމާއި، ކްލާސްރޫމްގެ ހެޔޮ މާހައުލެއް ހިމެނޭ، ސީދާ ދަރިވަރުންގެ ތަޢުލީމީ އަދި ޖަޒުބާތީ ތަރައްޤީއަށް އަސަރުކުރެއެވެ. ދިރާސާތަކުން އެއްގޮތަކަށް ބާރުއަޅާ ގޮތުގައި ސަޕޯޓިވް، ވަސީލަތްތައް ރަނގަޅު ސްކޫލްތަކަކީ ތައުލީމީ ގޮތުން މަތީ ކާމިޔާބީތަކާއި ރަނގަޅު ދިރިއުޅުމެއް އުފެދުމަށް އެހީތެރިވެދޭ ސްކޫލްތަކެކެވެ. ޕީއާރ އިންފްލޫއެންސް އިން ޕާފޯމަންސް އިތުރަށް ބައްޓަން ކުރާއިރު، ޕޮޒިޓިވް ޕީއާރ ގްރޫޕްތަކުން އެންގޭޖްމަންޓާއި ކޮންފިޑެންސް އަދި އެކަޑަމިކް މޮޓިވޭޝަން ޕްރޮމޯޓް ކުރެއެވެ.

ދަރިވަރުންގެ ޕާފޯމަންސް އިވެލުއޭޓް ކުރުމަށް ބޭނުންވަނީ ތަފާތު އަދި ދިރާސާގެ މައުލޫމާތު ލިބިފައިވާ އެސެސްމަންޓް އެޕްރޯޗްތަކެކެވެ. ޖުމްލަ ކާމިޔާބީ މިންކުރުމަށް ސަމަޓިވް އެސެސްމަންޓްތައް މުހިންމު ނަމަވެސް، ތައުލީމީ ދިރާސާތަކުން ފޯމެޓިވް އެސެސްމަންޓްތައް ބޭނުންކުރުމަށް ވަރަށް ބޮޑަށް ތާއީދުކޮށް، މެދުނުކެނޑި ފީޑްބެކް ލިބި، އުނގެނުމުގެ ފަރަގުތައް އަވަހަށް ދެނެގަނެވޭނެ އެވެ. ޕްރޮޖެކްޓްތަކާއި، ޕްރެޒެންޓޭޝަންތަކާއި، އަމަލީ މަސައްކަތްތައް ފަދަ ޕާފޯމަންސް ބެސްޓް އެސެސްމަންޓްތަކުގެ ސަބަބުން ފުން އުނގެނުން ކުރިއެރުވުމާއި، މާނަހުރި ގޮތްގޮތުން ޢިލްމު ބޭނުންކުރުމުގެ ޤާބިލުކަން ދަރިވަރުންނަށް ދައްކާލެވޭނެކަން ވަނީ ފާހަގަކުރެވިފައެވެ. ތަޢުލީމީ، ސުލޫކީ، އަދި އިޖްތިމާޢީ ޖަޒުބާތީ ކަންތައްތަކަށް ރިޢާޔަތްކުރާ ހޮލިސްޓިކް އެސެސްމަންޓް އެޕްރޯޗްތަކުން ދަރިވަރުންގެ ތަރައްޤީގެ ޞައްޙަ މަންޒަރެއް ލިބި، ދަރިވަރުން މަރުކަޒުކޮށްގެން އިވެލުއޭޓްކުރުމުގައި ދުނިޔޭގެ ދިރާސާގެ ޓްރެންޑްތަކާ އެއްގޮތްވެއެވެ.

ދަރިވަރުންގެ ނަތީޖާ ގަވާއިދުން މޮނިޓަރ ކުރުމަކީ އުނގެނުމުގެ ނަތީޖާ ރަނގަޅުކުރުމުގައި ވަރަށް މުހިންމު ދައުރެއް އަދާކުރާ ކަމެކެވެ. ހެކިތަކުން ދައްކާ ގޮތުގައި މެދުނުކެނޑި ޓްރެކިންގ އާއި ޑޭޓާ ޑްރައިވް ނިންމުންތައް ނިންމުމަކީ މުދައްރިސުންނަށް އެމީހުންގެ އިންސްޓްރަކްޝަން އެޖެސްޓްކުރުމާއި، ޓާގެޓްޑް އިންޓަރވެންޝަންތައް ހުށަހެޅުމާއި، އުނގެނުމުގެ ތަޖުރިބާތައް ޕާސަނަލައިޒް ކުރުމަށް އެހީތެރިވެދޭ ކަމެކެވެ. ސްކޫލްތަކަށް ބަލާއިރު، ޕާފޯމަންސް ޑޭޓާއިން ކަރިކިއުލަމް ޕްލޭނިންގ، ރިސޯސް އެލޮކޭޝަން، ޓީޗަރ ޕްރޮފެޝަނަލް ޑިވެލޮޕްމަންޓް، އަދި އޯގަނައިޒޭޝަނަލް އިމްޕްރޫވްމަންޓަށް އެހީތެރިވެދެއެވެ. ބެލެނިވެރިންނަށް ދަރިވަރުންގެ ކުރިއެރުމާ ބެހޭ މައުލޫމާތު ވަގުތުން ދިނުމުން ގޭތެރެއާއި ސްކޫލުގެ އެއްބާރުލުން ހަރުދަނާވެ، ބޭނުންވާ ތަންތަނުގައި އަވަސް ސަޕޯޓް ކަށަވަރުކޮށްދެއެވެ. ދިރާސާތަކުން ތަކުރާރުކޮށް ކަށަވަރުކޮށްދެނީ ނިޒާމީ ގޮތެއްގައި މޮނިޓަރ ކުރުމަކީ ތައުލީމީ ކުރިއެރުމާއި ދަރިވަރުންގެ މޮޓިވޭޝަން ވެސް އިތުރުކޮށްދޭ ކަމެކެވެ.

އަދި ދަރިވަރުންގެ ޕާފޯމަންސް މާނަކުރާ ގޮތަށް ނުފޫޒު ފޯރުވާ އުފެދެމުންދާ ޓްރެންޑްތަކަށް ވެސް މިޒަމާނުގެ ދިރާސާތަކުން އަލިއަޅުވާލަ އެވެ. ކޮމްޕެޓެންސީ ބެސްޓް ލާރނިންގ، ޑިޖިޓަލް ލިޓްރޭސީ، ޕްރޮޖެކްޓް ބެސްޓް ލާރނިންގ، އަދި ނަފްސާނީ ސިއްހަތަށް ބާރުއެޅުމަކީ މިހާރު ގިނަ ތަޢުލީމީ ނިޒާމުތަކުގެ މައިގަނޑު ބައިތަކެކެވެ. ދިރާސާތަކުން ދައްކާ ގޮތުގައި، އިންކުއަރީ ބެސްޓް، އަދި ޓެކްނޮލޮޖީ އިންޓަގްރޭޓެޑް އުސޫލުތަކުގެ ތެރެއިން ދަސްކުރާ ދަރިވަރުންނަށް މައްސަލަ ހައްލުކުރުމުގެ ހުނަރު ވަރުގަދަވެ، އެންގޭޖްމަންޓް މަތިވެ އެވެ. މީގެ އިތުރުން ނަފްސާނީ ސިއްހަތާއި ޖަޒުބާތީ ދުޅަހެޔޮކަމަކީ ފައިދާހުރި އުނގެނުމަކަށް ކޮންމެހެން ބޭނުންތެރި ކަމެއް ކަމަށް އިތުރަށް ދެނެގަނެވޭނެކަން ޖަޒުބާތީ ހަމަޖެހުމާއި ތައުލީމީ ނަތީޖާ ރަނގަޅުވުމާއި ކްލާސްރޫމްގެ ސުލޫކު ރަނގަޅުވުމާ ގުޅުވައިދޭ ގިނަ ދިރާސާތަކުން ދައްކަ އެވެ.

ދަރިވަރުންގެ ޕާފޯމަންސަކީ ދަރިވަރުންގެ ތަޢުލީމީ، ސުލޫކީ، އިޖުތިމާޢީ، އަދި ޖަޒުބާތީ ގޮތުން ކުރިއެރުން ދައްކުވައިދޭ ކޮމްޕްލެކްސް އަދި ތަރައްޤީވަމުން އަންނަ ކޮންސެޕްޓެކެވެ. ދިރާސާގެ ހޯދުންތަކުން ޕާފޯމަންސް ވަޒަންކުރުމާއި އެހީތެރިވުމަށް ހޯލިސްޓިކް އަދި ސްޓޫޑެންޓް ސެންޓަރޑް އެޕްރޯޗެއްގެ ބޭނުންތެރިކަން އިތުރުވެގެންދެއެވެ. އުނގެނުމަށް ނުފޫޒު ފޯރުވާ އެތައް ކަންތައްތަކެއް ޙައްލުކޮށް، ދިރާސާއަށް ބިނާކޮށް ވަޒަންކުރުމާއި މޮނިޓަރިންގ ޕްރެކްޓިސްތައް ތަޢާރަފްކޮށްގެން، ތަޢުލީމީ ފަރާތްތަކަށް ތަޢުލީމީ މޮޅުކަމާއި، ޖަޒުބާތީ ރަނގަޅުކަމާއި، ކޮންމެ ދަރިވަރެއްގެ ޖުމްލަ ތަރައްޤީ ކުރިއެރުވުމަށް އުނގެނުމުގެ މާޙައުލުތައް އުފެއްދިދާނެއެވެ.