އެމްއެމްއޭ ތަންވީލް ކުރެހުމުގެ މުބާރާތުން އެއްވަނަ ގދ. އޭއީސީގެ އީވާ އާއި ޖަމާލުއްދީނުގެ ޔަޝަލްއަށް 

އެމްއެމްއޭ ތަންވީލް ވެލިއު އެންޑް ވިޝަން އާރޓް ޝޯވކޭހުން އެއްވަނައަށް ގދ. އޭއީސީގެ ހައްވާ އީވާ ވިފާއު އާއި ޖަމާލުއްދީނުގެ އާމިނަތު ޔަޝަލް މައުސޫމް ހޯދައިފިއެވެ.

އީވާ އެއްވަނަ ހޯދީ ގުރޭޑް 8-9 ގެ ދަރިވަރުންގެ ކެޓަގަރީންނެވެ. ޔަޝަލް އެއްވަނަ ހޯދީ ގުރޭޑް 5-7 ގެ ކެޓަގަރީންނެވެ.

އީވާ ކުރެހި "ކަރަންސީ އޮފް ކަނެކްޝަން" އިން ދައްކުވައިދެނީ އެންމެން ގުޅިގެން މާލީ ނިންމުންތައް ނިންމުމުގެ ސަބަބުން އުންމީދީ މުސްތަގުބަލެއް ބިނާ ކުރެވިދާނެ ގޮތެވެ.

އެމްއެމްއޭ ތަމްވީލް ވެލިއުސް އެންޑް ވިޝަން އާޓް ޝޯކޭސްގެ ގްރޭޑް 8-9 ގެ ކެޓަގަރީން އެއްވަނަ ހޯދި އީވާގެ ކުރެހުން "ކަރަންސީ އޮފް ކަނެކްޝަން" އިން ދައްކުވައިދެނީ އެންމެން ގުޅިގެން މާލީ ޒިންމާ އަދާކުރުމާއި ހިއްސާ ކޮށްގެން ނިންމުންތައް ނިންމުމުގެ ސަބަބުން އުންމީދީ މުސްތަގުބަލެއް ބިނާ ކުރެވިދާނެ ގޮތެވެ.

ޔަޝަލް އޭނާގެ އާޓްވޯކް "ވެލްތު އިން ބްލޫމް" އިން ދައްކުވައިދެނީ އެއްބައިވަންތަކަމާއި ހަމްދަރުދީގެ އިތުރުން މަގްސަދުގައި ފައިސާ ބޭނުންކުރުމުން މުޖުތަމައުތައް ވަރުގަދަވާ ގޮތެވެ.

ތަމްވީލް ވެލިއުސް އެންޑް ވިޝަން އާޓް ޝޯކޭސްގެ ގްރޭޑް 8-9 ގެ ކެޓަގަރީން ދެވަނަ ލިބުނީ، ޞަލާޙުއްދީން ސްކޫލް (ގްރޭޑް 8ގެ ޢާއިޝަތު ޒީވާ ޒުލްފިޤާރަށެވެ. އޭނާގެ ކުރެހުމުން ދައްކުވައިދެނީ ކުޑަކުޑަ ހަދިޔާއަކުން ވެސް ބޮޑު އަސަރެއް ކޮށް، އޯގާތެރިކަމާއި، ތައުލީމާއި، ސިއްހީ ފަރުވާއާއި، އެއްބައިވަންތަކަމުގެ ޒަރިއްޔާއިން މުޖުތަމައު ކުރިއަރައި ދިޔުމަށް އެހީތެރިވެދޭނެ ކަމެވެ.

މި ބައިން ތިންވަނަ ލިބުނީ، ރިއާނާ އަހުމަދިއްޔާ އިންޓަނޭޝަނަލް ސްކޫލުގެ ގުރޭޑް 8ގައި ކިޔަވަމުން އަންނަ ކޭޓް ޖޭކޮބްސް އަށެވެ. އޭނާގެ ކުރެހުމުން "ހީލް ދަ ވޯލްޑް"ން އެހީއަށް ބޭނުންވާ މީހުންނަށް އެހީވެދީ، ދިރިއުޅުމުގެ ހާލަތު ރަނގަޅުކޮށް، ތިމާވެށި ހިމާޔަތް ކޮށްދީ، ކުދިންނަށް ތައުލީމުގެ ފުރުސަތު ފަހިކޮށްދެއެވެ.

ގުރޭޑް 5-7 ގެ ކެޓަގަރީން ދެވަނަ ހޯދީ، ރެހެންދި ސްކޫލުގެ ގުރޭޑް 7ގައި ކިޔަވަމުން އަންނަ އައިލީން ބިންތީ އަހުސާނެވެ.
އައިލީންގެ "މަނީ ޓޯކްސް ބަޓް ވެލިއުސް ލީޑް" ކުރެހުމުން ކިޔައިދެނީ، ހަގީގީ ލީޑާޝިޕް ބިނާވެފައި ވަނީ ނަޒާހަތްތެރިކަމާއި ދެމެހެއްޓެނިވި އުސޫލުތަކުގެ މައްޗަށް ކަމެވެ.

މި ކެޓަގަރީން ތިންވަނައަށް ހޮވުނީ ދ. އަތޮޅު ތަޢުލީމީ މަރުކަޒުގެ ގުރޭޑް 5ގައި ކިޔަވަމުން އަންނަ އަމްޔަސް ވަލީދު އާޔަތް އަލްބަރޫނީއެވެ. އޭނާގެ "ހެލްޕިން ހޭންޑްސް: ދަ ސްޕިރިޓް އޮފް ގިވިންގް" ގައި ދައްކުވައިދެނީ ހަމްދަރުދީ، ދީލަތިކަމާއި، އެހެން މީހުންނަށް އެހީވުމުން ހަގީގީ މުއްސަނދިކަން އެތައް ގުނައަކަށް އިތުރުވާ ކަމެވެ.