ސްކޫލްތަކުގައި ޕިއަރ އޮބްޒަރވޭޝަން މެދުވެރިކޮށް ޕްރޮފެޝަނަލް ޕްރެކްޓިސް އިތުރުކުރުން

ޢަބްދްﷲ ނަޞީޙް

ޕިއަރ އޮބްޒަރވޭޝަން އަކީ އެއްބާރުލުންދީގެން ކުރިޔަށްގެންދާ އިވެލުއޭޓިވް ނޫން ޕްރޮސެސްއެކެވެ. މުދައްރިސުން އެކަކު އަނެކެއްގެ ކްލާސްރޫމް ޕްރެކްޓިސްތައް ޕްރޮފެޝަނަލް ގްރޯތް ކުރުމުގެ މަޤްޞަދުގައި އޮބްޒަރވް ކުރާ ޕްރޮސެސްއެކެވެ. އިތުބާރާއި ހިއްސާކުރެވޭ ޒިންމާގެ ތެރޭގައި ބިނާވެފައިވާ ޕިއަރ އޮބްޒަވޭޝަންގެ ސަބަބުން ތައުލީމީ ފަރާތްތަކަށް އެމީހުންގެ ކިޔަވައިދިނުމާ މެދު ވިސްނުމާއި، އާ ސްޓްރެޓެޖީތައް ގެންގުޅުމާއި، ސްކޫލް ވައައިޑް ލަނޑުދަނޑިތަކާ އެއްގޮތްކުރުމުގެ ބާރު ލިބިގެންދެއެވެ. ރަސްމީ އިވެލުއޭޝަންތަކާ ހިލާފަށް ޕިއަރ އޮބްޒަރވޭޝަންގައި ބިނާކުރަނިވި މަޝްވަރާއާއި އަމިއްލަ ނަފްސު ރިފްލެކްޓްކުރުމާއި ކޮލެޖިއަލް ލާރނިންގ އަށް ބާރުއަޅާތީ، ކިޔަވައިދިނުމާއި އުނގެނުމުގައި މެދުނުކެނޑި ކުރިއެރުން ހޯދުމަށް މިއީ މުހިންމު ސްޓްރެޓެޖީއެކެވެ.

ޕިއަރ އޮބްޒަރވޭޝަން އަށް ވިސްނުން

ޕިއަރ އޮބްޒަރވޭޝަންގައި ހިމެނެނީ މުދައްރިސުން އެކަކު އަނެކެއްގެ ކްލާސްރޫމްތަކަށް ޒިޔާރަތްކޮށް، ކިޔަވައިދިނުމުގެ އުސޫލުތައް ބަލައި، ރިފްލެކްޓިވް ޑިސްކަޝަންތަކުގައި ބައިވެރިވާ ސްޓްރަކްޗަރޑް ނުވަތަ ނުރަސްމީ ފުރުސަތުތަކެކެވެ. އެއީ ރެސިޕްރޮކަލް ނުވަތަ ވަން ވޭ، ޝެޑިއުލް ނުވަތަ ވަކިވަކި އިންސްޓްރަކްޝަނަލް ސްޓްރެޓެޖީތަކަށް ނުވަތަ އާންމު ކްލާސްރޫމް މެނޭޖްމަންޓަށް ފޯކަސްކޮށްގެން ކުރެވިދާނެ ކަމެކެވެ. އަސާސީ އަމާޒަކީ އޯޕަންނެސް، ޝެއަރޑް ލާރނިންގ، އަދި އިންސްޓްރަކްޝަނަލް އެކްސެލެންސްގެ ސަގާފަތެއް ކުރިއެރުވުމެވެ- މުދައްރިސެއްގެ ޤާބިލުކަމަށް ފާޑުކިޔުން ނުވަތަ ވަޒަންކުރުމެއްނޫނެވެ.

ޕިއަރ އޮބްޒަރވޭޝަން ފްރޭމްވޯކް

ވަރުގަދަ ޕީއާރ އޮބްޒަރވޭޝަން ފްރޭމްވޯކެއްގައި ތިރީގައިވާ މައިގަނޑު ބައިތައް ހިމަނާލެވިދާނެއެވެ.

މަޤްޞަދާއި ދާއިރާ: މުދައްރިސު ތަރައްޤީކުރުމާއި، ޕެޑަގޮޖީ ރަނގަޅުކުރުމާއި، ސްކޫލްގެ ލަނޑުދަނޑިތަކާ އެއްގޮތްވުމަށް ފޯކަސްކުރާ ސާފު މަޤްޞަދުތައް.
އޮބްޒަރވޭޝަން ޕްރޮޓޮކޯލްސް: ފިލާވަޅުތައް ބެލުމާއި، ނޯޓް ކުރުމާއި، ޕްރޮފެޝަނަލިޒަމް އާއި ސިއްރު ބެލެހެއްޓުމަށް ކަނޑައެޅިފައިވާ ގައިޑްލައިންސް.
ފީޑްބެކް އަދި ރިފްލެކްޝަން: ފާހަގަކުރެވޭ މޮޑެލްތަކާއި ސްޓްރެޓެޖީތައް ބޭނުންކޮށްގެން ޕޯސްޓް އޮބްޒަރވޭޝަން ފީޑްބެކް ހޯދުމަށް ސްޓްރަކްޗަރޑް ފުރުސަތުތައް.
ޕްރޮފެޝަނަލް ޑިވެލޮޕްމަންޓް ލިންކޭޖް: އޮބްޒަރވޭޝަންތަކުން ލިބޭ ވިސްނުންތަކާއި، މިހާރު ހިނގަމުންދާ ޓީޗަރ ޑިވެލޮޕްމަންޓް ޕްލޭންތަކާއި ސްކޫލް ރަނގަޅުކުރުމުގެ މަސައްކަތްތަކާ ގުޅުވައިދިނުން.
މި އޮނިގަނޑުގެ ސަބަބުން ޕީއާރ އޮބްޒަރވޭޝަން އެއްގޮތަކަށް ތަންފީޒު ކުރެވޭ، ރަނގަޅަށް ވިސްނޭ، އަދި މުޅި ސްކޫލުގެ ޓީޗިންގ އަދި ލަރނިންގއަށް އަސަރުކުރާކަން ކަށަވަރުކުރެވެއެވެ.

ޕިއަރ އޮބްޒަރވޭޝަންގެ ފިޔަވަޅުތައް

ޕިއަރ އޮބްޒަރވޭޝަން ތަންފީޒުކުރުމުގައި ސްޓްރަކްޗަރޑް ސްޓެޕްތަކެއް ހިމެނެއެވެ:

1. ޕްރީ އޮބްޒަރވޭޝަން ބައްދަލުވުން
· މުދައްރިސުން ބައްދަލުކުރަނީ އޮބްޒަރވޭޝަންގެ ފޯކަސް (އެބަހީ، ސުވާލުކުރުމުގެ ސްޓްރެޓެޖީސް، ކްލާސްރޫމް މެނޭޖްމަންޓް) އާ ބެހޭގޮތުން މަޝްވަރާކުރުމަށެވެ.
· އޮބްޒަރވް ކުރެވޭ މުދައްރިސް ލެސަން ޕްލޭން ހިއްސާކޮށް، ފީޑްބެކް ބޭނުންވާ ވަކި ދާއިރާތަކެއް ފާހަގަކުރެއެވެ.

2. ކްލާސްރޫމް އޮބްޒަރވޭޝަން
· އޮބްޒަރވިންގ ޓީޗަރ ކްލާހަށް ޒިޔާރަތްކޮށް ސްޓްރަކްޗަރޑް އޮބްޒަރވޭޝަން ޓޫލް ނުވަތަ ޗެކްލިސްޓެއް ބޭނުންކޮށްގެން ނޯޓް ނަގައެވެ.
· ފިލާވަޅުގައި ބެލުމަށް ފޯކަސްކުރެވޭ ބައިތައް މެދުކެނޑުމެއްނެތި އެއްބަސްވެފައިވާ ގޮތައް ކުރިޔަށްގެންދިއުމަށް ސަމާލުކަން ދެވެއެވެ.

3. ޕޯސްޓް އޮބްޒަރވޭޝަން ފީޑްބެކް ސެޝަން
· ފިލާވަޅު ނިމުމުން މާގިނައިރުތަކެއް ނުވެ އިޙްތިރާމާއެކު ސިއްރު މަޝްވަރާއެއް ބާއްވައެވެ.
· ދެ ފަރާތުން ވެސް ރަނގަޅަށް ދިޔަ ކަންތައްތަކާ މެދު ވިސްނާ، ކުރިއެރުމަށް ކުރެވިދާނެ ދާއިރާތައް ދެނެގަ އެވެ.

4. ޑޮކިއުމަންޓޭޝަން އަދި ފޮލޯއަޕް
· މުހިއްމު ޓޭކްއަވޭތައް ކުރިއަށް އޮތްތަނުގައި ރިފަރެންސް ކުރުމަށްޓަކައި ލިޔެކިޔުންތައް ބަލަހައްޓަންޖެހެއެވެ.
· ކުރިއަށްދާ ސައިކަލެއްގެ ތެރެއިން ފޮލޯއަޕް އޮބްޒަރވޭޝަން ނުވަތަ ޕީއާރ ކޯޗިންގ އިންތިޒާމުކުރެވިދާނެއެވެ.

ރިފްލެކްޝަން އަދި ގްރޯތް އަށް ބޭނުންކުރެވިދާނެ ފީޑްބެކް މޮޑެލްސް
ޕިއަރ އޮބްޒަރވޭޝަންގެ މައިގަނޑު އެއް ކަމަކީ އެފެކްޓިވް ފީޑްބެކް އެވެ. ތިރީގައިވާ ބައެއް މޮޑެލްތައް ބޭނުންކުރެވިދާނެއެވެ:

· ކެފޭ މޮޑެލް (ކޮލަބަރޭޓިވް، އެޕްރިޝިއޭޓިވް، ފޯކަސްޑް، އެވިޑެންސް ބެސްޓް)
ފާހަގަކުރެވޭ ހެކިތަކާއި ގުޅިގެން ކުރެވޭ މަޝްވަރާތަކަށް ފޯކަސްކޮށްގެން ވަރުގަދަ ކަންތައްތަކަށް ބިނާކޮށް ވާހަކަ ދެއްކުމަށް ހިތްވަރުދެއެވެ.

· ގްރޯ މޮޑެލް (ލަނޑު، ހަގީގަތް، އިޚްތިޔާރުތައް، ކުރިއަށް އޮތް މަގު)
މިއީ މުދައްރިސުންގެ ލަނޑުދަނޑިތައް ދެނެގަތުމާއި، މިހާރު އަމަލުކުރަމުންދާ ކަންކަމާ މެދު ވިސްނުމާއި، ރަނގަޅު ކުރުމުގެ ގޮތްތައް ހޯދުމާއި، ފިޔަވަޅުތައް ރާވައިގެން މުދައްރިސުންނަށް މަގުދައްކާ ކޯޗިންގ މޮޑެލްއެކެވެ.

· ރިފްލެކްޓިވް ސުވާލުކުރުން
"ރަނގަޅަށް މަސައްކަތް ކުރީ ކޮން ކަމެއް ހެއްޔެވެ؟" ނުވަތަ “ދެން އަންނަ ފަހަރު ތަފާތު ގޮތަކަށް ޓްރައި ކުރާނީ ކޮންކަމެއް ހެއްޔެވެ؟” މުދައްރިސުން އެމީހުންގެ އަމަލުތަކާ މެދު ފުންކޮށް ވިސްނުމަށް އެހީތެރިވުން.

· ނޮން ޖަޖްމަންޓަލް ލޭންގުއޭޖް
ފީޑްބެކް ދިނުމުގައި އިވެލުއޭޓިވް ޓާމްސް އިން ދުރުހެލިވެ، އޭގެ ބަދަލުގައި ފެނުނު ކަންތައްތައް ބަޔާންކޮށް ރިފްލެކްޓިވް ސުވާލުތައް ކުރަން ޖެހެ އެވެ.

ސްޓްރެޓެޖީސް ފޯރ އެފެކްޓިވް އިމްޕްލިމެންޓޭޝަން

ކާމިޔާބު ޕީއަރ އޮބްޒަވޭޝަން ޕްރޮގްރާމެއް ހިންގުމަށްޓަކައި ރަނގަޅަށް ވިސްނާފައިވާ އޮނިގަނޑަކާއި ސްކޫލް ވައައިޑް ސްޓްރެޓެޖީތައް އެކަށައަޅައި ގެންގުޅެން ޖެހެއެވެ. ފުރަތަމަ ކަމަކަށް ސްކޫލްތަކުން ބިނާކުރަން ޖެހޭނީ އިތުބާރާއި ސިއްރުވެރިކަމާއި ޕްރޮފެޝަނަލް އިހުތިރާމްގެ ސަގާފަތެކެވެ. މުދައްރިސުން ޕީއަރ އޮބްޒަރވޭޝަންގެ ލަނޑުދަނޑިތަކާއި ޕްރޮސެސްތަކާ މެދު އޮރިއެންޓޭޓް ކުރަން ޖެހޭއިރު، އެއީ ޙުކުމް ކުރުމުގެ ވަސީލަތެއް ނޫނެވެ. ތަރައްޤީގެ ވަސީލަތެއް ކަމަށް ބާރުއަޅަން ޖެހެއެވެ. މުހިންމު ސްޓްރެޓެޖީތަކުގެ ތެރޭގައި ހިމެނެނީ؛

* ސާފު މަޤްޞަދުތަކާއި ފޯކަސް ކުރާ ދާއިރާތައް: ކިޔަވައިދިނުމުގައި ފާހަގަކުރަންޖެހޭ ވަކި ކަންތައްތައް ކަނޑައެޅުން- ތަފާތުކުރުން، ދަރިވަރުންގެ ޝާމިލުވުން، ނުވަތަ ވަޒަންކުރުމުގެ ސްޓްރެޓެޖީތައް ފަދަ ކަންކަން.
* ތަމްރީނާއި ގައިޑްލައިން: ހޮވާލެވޭ މޮޑެލްތައް ބޭނުންކޮށްގެން ފައިދާހުރި ގޮތެއްގައި އޮބްޒަރވް ކުރެވޭނެ ގޮތާއި، ނޯޓްތައް ރެކޯޑްކުރުމާއި، ބިނާކުރަނިވި ފީޑްބެކް ދިނުމުގެ ތަމްރީނު ދިނުން.

* ޝެޑިއުލިންގ އެންޑް ލޮޖިސްޓިކްސް: އޮބްޒަރވޭޝަންތަކާއި ޕޯސްޓް އޮބްޒަރވޭޝަން ޑިސްކަޝަންތަކަށް ސްކޫލް ޓައިމްޓޭބަލްގެ ތެރޭގައި ވަގުތު ކަނޑައެޅުން.
* ރިފްލެކްޓިވް ޑައިލޮގް: ޕޯސްޓް އޮބްޒަރވޭޝަން ބައްދަލުވުންތަކަކީ އެއްބާރުލުންދީގެން ބާއްވާ ބައްދަލުވުންތަކެއްކަން ކަށަވަރުކޮށް، ފާޑުކިޔުމުން އެއްކިބާވެ، އުނގެނުމަށް ފޯކަސްކުރުން.
* ލީޑަރޝިޕް ސަޕޯޓް: ސްކޫލް ލީޑަރުން މި އިސްނެގުމުގައި ސަޕޯޓްކޮށް، އެ ޕްރޮސެސްގައި މޮޑެލް އެންގޭޖްމަންޓަށް ސަޕޯޓް ދޭން ޖެހެއެވެ.

ޓީޗަރ ގްރޯތް ކުރިއެރުވުން
ޕިއަރ އޮބްޒަރވޭޝަން އަކީ މުދައްރިސުންގެ ޕްރޮފެޝަނަލް ޑިވެލޮޕްމަންޓަށް ބޭނުންތެރި ވަރުގަދަ ވަސީލަތެކެވެ. އެއީ ތައުލީމީ ފަރާތްތަކަށް ފައިދާހުރި ސްޓްރެޓެޖީތައް ޢަމަލީ ގޮތުން ފެނުމާއި، އަމިއްލަ ޢަމަލުތަކާ މެދު ވިސްނާ، އާ ޕެޑަގޮޖިކަލް ވިސްނުންތަކެއް ހޯދުމުގެ ފުރުޞަތު ލިބިގެންދާ ކަމެކެވެ. ގިނަ ފަހަރަށް މުދައްރިސުން ރިޕޯޓްކުރާ ގޮތުގައި އިތުބާރު އިތުރުވެ، ކިޔަވައިދިނުމުގެ އުސޫލުތަކުގެ ފުޅާ ރެޕަޓޯއަރީއެއް އުފެދި، ޕްރޮފެޝަނަލް އައިޑެންޓިޓީގެ އިހުސާސް ވަރުގަދަވެ އެވެ. އަދި މި ޕްރޮސެސްގެ ސަބަބުން އެއްބާރުލުން އާލާވެ، ޕްރޮފެޝަނަލް އައިސޮލޭޝަން މަދުވެ، ސަޕޯޓިވް ޓީޗިން ކޮމިއުނިޓީއެއް ބިނާވެ އެވެ.

ދަރިވަރުންގެ އުނގެނުމަށް ކުރާ އަސަރު
ޕީއާރ އޮބްޒަރވޭޝަން މެދުވެރިކޮށް ޓީޗަރުން އެމީހުންގެ އިންސްޓްރަކްޝަނަލް ސްޓްރެޓެޖީތައް ރީފައިން ކުރާއިރު، ދަރިވަރުންނަށް ސީދާ ފައިދާ ލިބެއެވެ. ކްލާސްރޫމްތައް ވެގެންދަނީ ދަރިވަރުންގެ ބޭނުންތަކަށް ޝާމިލުވެ، ހުރިހާ ފަރާތްތަކެއް ހިމެނޭ ގޮތަށް، އަދި ދަރިވަރުންގެ ބޭނުންތަކަށް ފޯކަސްކުރެވޭ ތަނަކަށެވެ. ކިޔަވައިދިނުން ސާފުވެ، ފައިދާހުރި ގޮތެއްގައި ދަރިވަރުންގެ މޮޓިވޭޝަން، ސުލޫކާއި، ތައުލީމީ ނަތީޖާ ރަނގަޅުވެގެންދެއެވެ. މީގެ އިތުރުން މުދައްރިސުން މުޅި އުމުރަށް އުނގެނުމާއި އެއްބާރުލުން މޮޑެލް ކުރާއިރު، ދަރިވަރުން އަމިއްލައަށް މި ސުލޫކުތައް ގެންގުޅުމުގެ ފުރުސަތު ބޮޑުވެއެވެ.
ޕީއާރ އޮބްޒަރވޭޝަން މެދުވެރިކޮށް މުޅި ސްކޫލް ރަނގަޅުކުރުން
ރަނގަޅަށް އިންޓަގްރޭޓް ކުރެވިފައިވާ ޕީއާރ އޮބްޒަރވޭޝަން ޕްރޮގްރާމަކީ މުޅި ސްކޫލުގައި މެދުނުކެނޑި ރަނގަޅުވުމުގެ ސަގާފަތެއް އުފެއްދުމަށް އެހީތެރިވެދޭ ޕްރޮގްރާމެކެވެ. އެއީ އިންޑިވިޖުއަލް ޓީޗަރ ގްރޯތް އާއި ސްކޫލްގެ ތަސައްވުރާ އެއްގޮތްކޮށް، އިންސްޓްރަކްޝަނަލް ކޮންސިސްޓެންސީ ޕްރޮމޯޓްކޮށް، ކޮލެޖިއަލް ގުޅުން ބަދަހިކޮށްދިނުމެވެ. މުޅި ސްކޫލްގެ ފައިދާތަކުގެ ތެރޭގައި ޕްރޮފެޝަނަލް ޑައިލޮގް އިތުރުވުމާއި، ލީޑަރޝިޕް ވަރުގަދަވުމާއި، ތައުލީމީ ގޮތުން މޮޅުވުމަށް ޝެއަރޑް ކޮމިޓްމަންޓް ބިނާވުން ހިމެނެއެވެ.

ރިސާޗް އިންސައިޓްސް
ކިޔަވައިދިނުމުގެ ފެންވަރު ރަނގަޅުކުރުމުގައި ޕީއާރ އޮބްޒަރވޭޝަންގެ އަގު އެއްގޮތަކަށް ދިރާސާތަކުން ދައްކައެވެ. ހެޓީގެ ދިރާސާއިން ފާހަގަކުރައްވަނީ މުދައްރިސުން އެއްބާރުލުން ދިނުމުން ދަރިވަރުންގެ ކާމިޔާބީއަށް ކުރާ އަސަރު ބޮޑުކަމުގައެވެ. ޖޮއިސް އެންޑް ޝަވަރސް ހާމަކުރައްވާފައިވާ ގޮތުގައި ޕްރޮފެޝަނަލް ޑިވެލޮޕްމަންޓްގައި ޕީއާރ ކޯޗިންގ ހިމެނޭއިރު ޓީޗަރުން އާ ހުނަރުތައް ކްލާސްރޫމް ޕްރެކްޓިސްއަށް ބަދަލުކުރުމުގެ ފުރުސަތު ބޮޑުވެއެވެ. އޯއީސީޑީގެ ދިރާސާއަކުން ފާހަގަކުރާ ގޮތުގައި ޕީއާރ އޮބްޒަރވޭޝަން ހިމެނޭ އެއްބާރުލުންދޭ ސަގާފަތްތަކެއް ހުންނަ ސްކޫލްތަކުގައި މުދައްރިސުންގެ ހިތްހަމަޖެހުމާއި ދަރިވަރުންގެ ޕާފޯމަންސް މަތިވެއެވެ.

ގްލޯބަލް ބެސްޓް ޕްރެކްޓިސް
މަތީ ފެންވަރުގެ ތައުލީމީ ނިޒާމުތަކުގައި ޕީއާރު އޮބްޒަވޭޝަން ސްޓޭންޑަޑް ޕްރޮފެޝަނަލް ޕްރެކްޓިސްއެއްގެ ގޮތުގައި ހިމަނާފައިވެ އެވެ. ސިންގަޕޫރުގައި ޓީޗަރ ގްރޯތް މޮޑެލް ބޭނުންކުރެއެވެ. މި މޮޑެލްގައި ހުރިހާ ޓީޗަރުންވެސް ރިފްލެކްޓިވް ޕްރެކްޓިސްތަކުގައި ބައިވެރިވާނެ ކަމަށް ބެލެވެއެވެ. ޖަޕާނުގައި “ފިލާވަޅު ދިރާސާ” އަކީ މުދައްރިސުން ގުޅިގެން ފިލާވަޅުތައް ޕްލޭންކޮށް، އޮބްޒަރވޭޓްކޮށް، ތަޙުލީލުކުރާ ޕީއާރ އޮބްޒަރވޭޝަންގެ ސްޓްރަކްޗަރޑް ފޯމެކެވެ. ފިންލޭންޑްގައި ޕްރޮފެޝަނަލް އޮޓޮނޮމީ އާއި ޕީއާރް ލާނިންގ އަކީ މުދައްރިސުން މެދުނުކެނޑި ތަރައްޤީ ކުރުމުގެ މުހިންމު ކަންތައްތަކެއްގެ ގޮތުގައި ބަލާ ޕްރެކްޓިސްކުރެއެވެ. މި ނިޒާމުތަކުގައި ޕީއާރ އޮބްޒަރވޭޝަން ޕްރެކްޓިސްތައް ދެމެހެއްޓުމުގައި ވަގުތާއި، ޕޮލިސީ ސަޕޯޓާއި، ލީޑަރޝިޕްގެ މުހިންމުކަމަށް ބާރުއަޅައެވެ.

ޕިއަރ އޮބްޒަރވޭޝަން އަކީ ސްޓްރެޓެޖީއަކަށްވުރެ މާ ބޮޑު ކަމެކެވެ. އެއީ ރިފްލެކްޓިވް ޕްރެކްޓިސް، ޕްރޮފެޝަނަލް ގްރޯތް، އަދި ދަރިވަރުންގެ ކާމިޔާބީއަށް ޖަމާޢަތުގެ ޒިންމާ އުފުލޭ ސަގާފަތް ބިނާކުރުމުގެ ޕްރޮސެސްއެކެވެ. ވަރުގަދަ އޮނިގަނޑަކާއި، ސާފު އުސޫލުތަކާއި، ބިނާކުރަނިވި ފީޑްބެކް މޮޑެލްތަކުން ތާއީދު ލިބޭއިރު، ކިޔަވައިދިނުމުގެ ވަކިވަކި އުސޫލުތައް ބަދަލުކޮށް، މުޅި ސްކޫލްގެ އުނގެނުމުގެ ނަތީޖާ އިތުރުކުރެވޭނެއެވެ. ބަދަލުވަމުން އަންނަ ތައުލީމީ މާހައުލެއްގައި ސްކޫލްތަކުން މޮޅުވުމަށް މަސައްކަތް ކުރާއިރު، ޕިއަރ އޮބްޒަވޭޝަން ފާހަގަކޮށްލެވެނީ ކުރިއަށް އޮތްތަނުގައި ކުރިއެރުން ހޯދުމަށް މުހިންމު، ދެމެހެއްޓެނިވި މަގެއްކަމުގައެވެ.