ހދ. ނޭކުރެންދޫ ކައުންސިލުން އެރަށުގައި ހުންނަ ނޭކުރެންދޫ ސްކޫލަށް "ތްރީ އޮން ތްރީ" ފުޓުބޯޅަ ދަނޑެއް ހަދިޔާ ކޮށްފިއެވެ.
ނޭކުރެންދޫ ސްކޫލްގެ ގޯތިތެރޭގާއި ހަދާފައިވާ މި ދަނޑު ސްކޫލާ ހަވާލުކުރުން އޮތީ މިއަދު ބޭއްވި ޚާއްޞަ ރަސްމިއްޔާތެއްގައެވެ. ދަނޑު ހަވާލުކޮށް ދެއްވީ ކައުންސުލްގެ ރައީސް އަލީ އާދަމެވެ. ސްކޫލްގެ ފަރާތުން ހަވާލުވެވަޑައިގެންނެވީ ޕްރިންސިޕަލެވެ.
ކައުންސިލުން ހަދުޔާކުރި ދަނޑަކީ 25 ފޫޓް ފުޅާ 40 ފޫޓް ދިގު، ޓާފުއަޅައިގެން ހަދާފައިވާ ޒަމާނީ ފެންވަރުގެ ދަނޑެކެވެ.
ނޭކުރެންދޫ ކައުންސިލުން ބުނީ ދަނޑުގެ މަސައްކަތް ކުރިއަށް ގެންދިއުމަށް މަކުނުދޫ ދާއިރާގެ މެމްބަރު މުޙަންމަދު ރާއީގެ އެހީތެރިކަން ފޯރުކޮށްދެއްވި ކަމަށާއި، އަމަލީ މަސައްކަތުގެ ބޮޑުބައެއް ކުރެއްވީ ކައުންސިލްގެ މުވައްޒަފުން ކަމަށެވެ.
advertisment
ހިޔާލު