އިންޓަ ސްކޫލް ވޮލީބޯޅަ މުބާރާތުގެ 19 އަހަރުން ދަށުގެ ފިރިހެން ޗެމްޕިއަންކަން ސީއެޗްއެސްއީއިން ހޯދައިފިއެވެ.
މ. އަތޮޅު ތައުލީމީ މަރުކަޒުގެ ފިރިހެން ޓީމާ ކުޅެ ސީއެޗްއެސްއީއިން ތަށި ހޯދީ 2-3 ސެޓުގެ ތަފާތަކުންނެވެ.
ފުރަތަމަ ސެޓް މ. އޭއީސީން ގެންދިޔައީ 22-25ންނެވެ. ދެވަނަ ސެޓު ސީއެޗްއެސްއީއިން ނިންމާލީ 19-25ންނެވެ. ތިން ވަނަ ސެޓު 21-25 ގެންދިޔައިރު، ހަތަރު ވަނަ ސެޓު 23-25ން މ. އޭއީސީން ގެންދިޔުމުން ނަތީޖާ ނެރުމަށް ކުޅުނު ފަހު ސެޓު ސީއެޗްއެސްއީ އިން ހޯދީ 10-15އިންނެވެ.
ފައިނަލް މެޗްގެ މޮޅު ކުޅުންތެރިޔަކީ ސީއެޗްއެސްއީގެ ޖޯޒީ ނަމްބަރު 6 އަހުމަދު ނާވީ އާދަމެވެ.
ސީއެޗްއެސްއީން ފައިނަލަށް ދިޔައީ ގުރޫޕް ސްޓޭޖްގައި ކުޅުނު 5 މެޗުގެ ހުރިހާ މެޗަކުން މޮޅުވެ 14 ޕޮއިންޓް ހޯދައިގެންނެވެ. ގުރޫޕް ސްޓޭޖްގައި މ. އޭއީސީ ބަލިވީ ސީއެޗްއެސްއީ އަތުންނެވެ.
advertisment
ހިޔާލު