ލިޔުނީ: ހަލީމަތު ނަޖްވާ
މާލޭގެ ކާރުބާރު ބޮޑު މަގުތަކުގެ މެދުގައި، ހަލަބޮލި ދިރިއުޅުމުގެ ތެރެއިން ކޮންމެ ބެލެނިވެރިއަކުވެސް ހޯދާނީ އެމީހެއްގެ ފުރާނައިގެ ކޮޅަށް އަމާންކަމާއި ލޯބި ލިބޭނޭ ފަދަ މާހައުލެކެވެ. މިއަދު މާލެ ސަރަޙައްދުގައި "ދޮންދޫނި ލިޓުލް ލަރނަރސް" ވިދާލައި، އެންމެންގެ އިތުބާރު ހޯދާފައިވަނީ ހަމައެކަނި އެތަނުގެ ފާރުތަކުގައި ކުރަހާފައިވާ ރީތި ކުލަތަކަކުންނެއް ނޫނެވެ. އެއީ އެ މުއައްސަސާގެ ހިތްތަކުގައި ބީހިލާ ފަދަ އޯގާތެރިކަމާއި، އިސްލާމީ ވަރުގަދަ ބިންގަލުގެ ސަބަބުންނެވެ.
ގިނަ ބެލެނިވެރިންގެ އުއްމީދު: ހުޅުމާލެއަށް އަށް އުފާވެރި ޚަބަރެއް
ހުޅުމާލޭގައި ގައި ދިރިއުޅެމުންދާ ގިނަ އަދަދެއްގެ އާއިލާތަކަކީ އެމީހުންގެ ޅަދަރިންނަށް އިތުބާރުހުރި، ރައްކާތެރި އަދި ފެންވަރު ރަނގަޅު ތަޢުލީމީ ބިންގަލެއް ހޯދައިދިނުމަށް ނުހަނު އެދިއެދި ތިބި ބެލެނިވެރިންނެވެ. މާލޭގައި "ދޮންދޫނި ލިޓުލް ލަރނަރސް" އިން ހޯދާފައިވާ ބޮޑު ކާމިޔާބީއާއި ބެލެނިވެރިންގެ އިތުބާރާއެކު، ހުޅުމާލޭގައި ގައި ދެވަނަ ކެމްޕަސް ހުޅުވުމަކީ ގިނަ ބެލެނިވެރިންތަކެއްގެ ދިގު އިންތިޒާރަކަށް ލިބިގެންދިޔަ ބޮޑު އުއްމީދެކެވެ.
2027ގައި ދަރިވަރުން ވެއްދުމަށް ހުޅުވާލުން
މި ކެމްޕަހުގެ ޚިދުމަތްތައް ރަސްމީކޮށް ފެށުމަށްޓަކައި ވާންޖެހޭ އެންމެހައި ތައްޔާރީތައް މިހާރު ދަނީ ބާރަށް ކުރިއަށެވެ. އެގޮތުން، މިނިސްޓްރީ އޮފް އެޑިއުކޭޝަންގައި ރަޖިސްޓްރީކޮށް ނިމުމާއެކު، 2027 ވަނަ އަހަރު ކުދިން ވެއްދުމުގެ ފުރުޞަތު ރަސްމީކޮށް ހުޅުވާލެވޭނެއެވެ. އިދާރީ އަދި ޤާނޫނީ ހުރިހާ މަރުޙަލާތަކެއް ފުރިހަމަކޮށް، އެންމެ މަތީ ފެންވަރުގެ ވަސީލަތްތަކާއެކު 2027 ގައި ކުދިންނަށް މަރުޙަބާ ކިޔުމަކީ މުޅި މުއައްސަސާގެ އެންމެ ބޮޑު އަމާޒެވެ.
މައިވަންތަ ލޯތްބެއްގެ އިހުސާސްކޮށްދޭ މުދައްރިސުން
ދޮންދޫނި ޕްރީސްކޫލަށް ވަދެގެންދާއިރު ފެންނަނީ ހަމައެކަނި ކިޔަވައިދޭ މުދައްރިސުންނެއް ނޫނެވެ. އެއީ ކޮންމެ ދަރިވަރަކީ އަމިއްލަ ދަރިއެއްގެ ގޮތުގައި ދެކެ، މައިވަންތަ ލޯތްބާއި އޯގާތެރިކަން ފޯރުކޮށްދޭ ދެވަނަ މަންމައެއް ފަދަ މުރައްބީންނެވެ. ކުދިންގެ ފިރުކެމުންދާ ފިޔަވަޅުތަކުގައި ހިފަހައްޓައި، އެ ކުދިންގެ ކޮންމެ ހިނިތުންވުމަކާއި ކޮންމެ ކަރުނައަކަށް އިޖާބަދެނީ ނުހަނު ކެތްތެރިކަމާއެކުގައެވެ. މި މުދައްރިސުންނަކީ ކުދިންގެ ނަފްސާނީ އަދި ޖިސްމާނީ ބިނާކުރުމުގައި އަގުނުކުރެވޭ ފަދަ މަސައްކަތްތަކެއް ކުރައްވާ ބައެކެވެ. ކްލާސްރޫމުގެ ތެރޭގައި އެ މުދައްރިސުން ދައްކަވާ އޯގާތެރި ބަސްމަގާއި، ހިނިތުންވުމާއެކު ދެއްވާ އަޅާލުމަކީ، ގޭގެ ހިތްފަސޭހަ މާހައުލުން ބޭރަށް ނުކުންނަ ކުޑަކުއްޖާއަށް ލިބޭ އެންމެ ބޮޑު ހިތްހަމަޖެހުމެވެ.
ނަމޫނާ މެނޭޖްމަންޓެއް: ގާތްކަމާއި ހިތްހެޔޮކަން
ސްކޫލުގެ ހިންގުމުގެ އިސް ސަފުން ފެށިގެން އާދައިގެ މުވައްޒަފަކާއި ހަމައަށް އޮންނަނީ ބަދަހި ގުޅުމެކެވެ. ސްކޫލުގެ ޕްރިންސިޕަލަކީ ކުދިންނާ ނުހަނު ގާތް ގުޅުމެއް ބަހައްޓަވައި، ކޮންމެ ކުއްޖެއްގެ ކުރިއެރުމަށް ވަކިވަކިން ފާރަވެރިވެވަޑައިގަންނަވާ ބޭފުޅެކެވެ. ކުދިންނަށް ދެއްވާ ޚާއްޞަ ސަމާލުކަމުގެ ސަބަބުން، ކުދިން ޕްރިންސިޕަލް ދެކެނީ އެކުވެރިއެއްގެ ގޮތުގައެވެ. ހަމައެފަދައިން، ޑެޕިއުޓީ ޕްރިންސިޕަލްގެ ހިތްހެޔޮކަމާއި، ބެލެނިވެރިންނަށް ދެއްވާ ތަރުބަވީ ނަސޭހަތްތަކަކީ ދަރިން ބިނާކުރުމުގެ މަރުޙަލާގައި ބެލެނިވެރިންނަށް ލިބޭ ވަރަށް ބޮޑު ތަސައްލީއެކެވެ. ސްކޫލުގެ ސުޕަވައިޒަރުންނަކީ ބެލެނިވެރިންނާއެކު އޮންނަ ގުޅުން ދެމެހެއްޓުމުގައި މަސައްކަތްކުރައްވާ ހިތްހެޔޮ ބައެކެވެ. މި ގާތްކަމުގެ ސަބަބުން ބެލެނިވެރިންނަށް އިހުސާސްވަނީ އެމީހުންގެ ދަރިން ތިބީ އަމާން، އިތުބާރުހުރި އާއިލީ މާހައުލެއްގައި ކަމެވެ.
އިސްލާމީ ތަރުބިއްޔަތާއި ޤުރުއާނުގެ އުޖާލާ ބިންގާ
ދޮންދޫނި ލިޓުލް ލަރނަރސްގެ އެންމެ ޚާއްޞަ އެއް ސިފައަކީ، އެތަނުން ދޭ އިސްލާމީ ތަރުބިއްޔަތެވެ. ތަޢުލީމީ ބިންގާ އެޅެމުންދަނީ މާތްވެގެންވާ އިސްލާމްދީނުގެ ރިވެތި އުޞޫލުތަކުގެ މަތީގައެވެ. ކުޑަކުދިންގެ ހިތްތަކުގައި މާތް ﷲ އަށް އޮންނަ ލޯބި އިތުރުކުރުމާއި، ކޮންމެ ކަމެއްގެ ފެށުމުގައި "ބިސްމި" ކިޔުމާއި، ކުދިކުދި ދުޢާތަކަށް އަހުލުވެރިކުރުވުމަކީ އެތަނުގެ މަންހަޖުގެ މުހިންމު ބައެކެވެ. ވަކިން ޚާއްޞަކޮށް، ކީރިތި ޤުރުއާން އުނގެނުމަށާއި، ޤުރުއާން ހިފްޒްކުރުމަށް އެ މުއައްސަސާއިން ދޭ ބާރަކީ ފާހަގަކޮށްލަންޖެހޭ ކަމެކެވެ. ކުދިންގެ އުމުރާ ގުޅޭގޮތަށް، ޝައުޤުވެރި މާހައުލެއްގައި ޤުރުއާން ހިފްޒްކުރަން ހިތްވަރުދިނުމަކީ މިއަދުގެ ބެލެނިވެރިން އެންމެ ބޮޑަށް އެދޭނެ، ދީނީ ވަރުގަދަ ބިންގަލެކެވެ. މީގެ ސަބަބުން ކުދިންގެ އަޚްލާޤަށް އަންނަ ހެޔޮ ބަދަލުތަކަކީ ބެލެނިވެރިންނަށް ލިބޭ އެންމެ ބޮޑު އުފަލެވެ.
އުނގެނުމުގެ ޒަމާނީ އަދި އުފެއްދުންތެރި މާހައުލެއް
މި ބަގީޗާއަކީ ހަމައެކަނި ކުޅިވަރު ކުޅޭ ތަނެއް ނޫނެވެ. މިއީ އުނގެނުމުގެ ޝައުޤުވެރިކަން އުފައްދައި، ކުދިންގެ އަމިއްލަ ނަފްސަށް އޮންނަ އިތުބާރު ބިނާކޮށްދޭ ތަނެކެވެ. ކޮންމެ ކުއްޖަކަށް ވަކިވަކިން އަޅާލައި، އެކުދިންގެ ބޭނުންތައް ދެނެގަނެ، ބެލެނިވެރިންނާއެކު ގާތް ގުޅުމެއް ބޭއްވުމަކީ މި މުއައްސަސާގެ އިތުބާރު އިތުރުވެގެންދާ މައިގަނޑު ސަބަބެވެ. ތަފާތު އެކި ހަރަކާތްތަކުގެ ތެރެއިން ކުދިންގެ ފަންނީ ހުނަރުތަކާއި، ވިސްނުން ތަރައްޤީކޮށްދިނުމުގައި ދޮންދޫނި ލިޓުލް ލަރނަރސް އަކީ ނަމޫނާ މުއައްސަސާއެކެވެ.
އާދެ! "ދޮންދޫނި ލިޓުލް ލަރނަރސް" އަކީ މާލެއާއި ހުޅުމާލޭގެ ތަޢުލީމީ އުދަރެހުން ވިދާލި އުއްމީދީ އުޖާލާ އިރެކެވެ. އެއީ މިއަދުގެ ޅަދަރިންގެ ހިތްތަކުގައި އިސްލާމީ ރިވެތި އުޞޫލުތަކާއި، އަޚްލާޤާއި، ޢިލްމީ އުނގެނުމުގެ މާތް ސިފަތައް އިންދައިދޭ، ލޯތްބާއި ތަރުބިއްޔަތުން ފޮޅިފައިވާ ފުރިހަމަ ބަގީޗާއެކެވެ.
މިނިސްޓްރީ އޮފް އެޑިއުކޭޝަންގެ ރަޖިސްޓްރީ މަރުޙަލާއަށްފަހު، 2027 ވަނަ އަހަރު ކުދިން ވެއްދުމަށް ހުޅުވާލެވޭ ފުރުޞަތަކީ، އެކަމަށް އިންތިޒާރުކޮށްގެން ތިބި ހުޅުމާލޭގައި ދިރިއުޅޭ ގިނަ އަދަދެއްގެ ބެލެނިވެރިންނަށް ލިބިގެންދިޔަ ނުހަނު ބޮޑު އުފަލެކެވެ. މިއީ މާދަމާގެ އުޖާލާ މުސްތަޤުބަލަކަށްޓަކައި، ކޮންމެ ބެލެނިވެރިއަކަށްވެސް ފުރިހަމަ އިތުބާރާއި ހިތްހަމަޖެހުމާއެކު އެމީހެއްގެ ލޯބިވާ ދަރިފުޅު އަމާނާތްތެރިކަމާއެކު ހަވާލުކުރެވޭނެ އަމާން ބަނދަރެކެވެ.
advertisment
ހިޔާލު