އުނގެނުމުގެ ކާމިޔާބީއަށް ކިޔަވައިދިނުމަށް ކަނޑައެޅިފައިވާ ވަގުތު ހެޔޮގޮތުގައި ބޭނުން ކުރުން

ޢަބްދްﷲ ނަޞީޙް

ތަޢުލީމު ދިނުމުގައި އެންމެ މުހިންމު އެއް ވަސީލަތަކީ ކިޔަވައިދިނުމުގެ ވަގުތެވެ. ވަގުތަކީ، އުނގެނުމުގެ ނަތީޖާގެ ފެންވަރަށް ސީދާ އަސަރުކުރާ ވަސީލަތެކެވެ. ދިރާސާތަކުން ތަކުރާރުކޮށް ދައްކާފައިވާ ގޮތުގައި މުދައްރިސުން ކިޔަވައިދިނުމުގެ ވަގުތު ބޭނުންކުރާ ގޮތަކީ ދަރިވަރުންގެ ތައުލީމީ ކާމިޔާބީއަށް ވަރަށް ބޮޑަށް އަސަރުކުރާނެ ކަމެކެވެ. މި ހޯދުންތަކުގެ އަލީގައި ތައުލީމީ މާހިރުންނާއި ދިރާސާވެރިން ވަނީ އުނގެނުމުގެ ނަތީޖާ ފައިދާހުރި ގޮތެއްގައި ރަނގަޅު ކުރުމަށްޓަކައި ކިޔަވައިދިނުމުގެ ވަގުތު އެންމެ ފުރިހަމައަށް ބޭނުންކުރުމަށް އެހީތެރިވެދޭ ސްޓްރެޓެޖީތައް ދެނެގަނެފައެވެ.

މުހިންމު އެއް ސްޓްރެޓެޖީއަކީ ކްލާސް ގަޑިތަކުގައި ނޮން އިންސްޓްރަކްޝަނަލް އިންޓަރަޕްޝަންތައް މަދުކުރުމެވެ. ދިރާސާތަކުން ފާހަގަކުރާ ގޮތުގައި އިދާރީ މަސައްކަތްތަކާއި، ނުވަތަ އުނގެނުމަށް ހުރަސްއެޅޭ ފަދަ އެހެނިހެން ޙަރަކާތްތައް މާބޮޑަށް އިތުރުވުމަކީ އުނގެނުމުގެ ޕްރޮސެސްއަށް ބުރޫއަރާ ދަރިވަރުންގެ ކޮންސެންޓްރޭޝަން ލެވެލް ދަށްވެދާނެ ކަމެކެވެ. ސްކޫލްތަކަށް މިކަންކަން ކުޑަކުރެވޭނީ އިދާރީ ޕްރޮސެސްތައް ސްޓްރީމްލައިންކޮށް، ވަގުތު ބޭކާރުވުން އެންމެ ކުޑަކުރުމަށް ސާފު ރޫޓިންތަކެއް ގާއިމްކޮށްގެންނެވެ.

ސާބިތުވެފައިވާ އަނެއް ގޮތަކީ ސާފު މަޤްޞަދުތަކެއް ހުރެގެން ފިލާވަޅުތައް ސްޓްރަކްޗަރ ކުރުމާއި ވަގުތު ރަނގަޅަށް ބެލެހެއްޓުމެވެ. ދިރާސާތަކުން ދައްކާ ގޮތުގައި އުނގެނުމުގެ މުހިންމު ލަނޑުދަނޑިތަކަށް އިސްކަންދޭ، ރަނގަޅަށް އިންތިޒާމުކޮށްފައިވާ ލެސަން ޕްލޭންތަކުގެ ސަބަބުން މުދައްރިސުންނަށް މުހިންމު ކޮންޓެންޓްތައް ފައިދާހުރި ގޮތެއްގައި ފޯރުކޮށްދެވޭކަން ކަވަރު ކުރެވޭނެ އެވެ. ގްރޫޕް ޑިސްކަޝަން ނުވަތަ މައްސަލަ ހައްލުކުރުމުގެ ހަރަކާތްތައް ފަދަ ހީވާގި އުނގެނުމަށް، ވަގުތު ކަނޑައެޅުމަކީ ވެސް ދަރިވަރުންގެ ޝާމިލުކަމާއި ޢިލްމު ހިފެހެއްޓުން އިތުރުކޮށްދޭ ކަމެކެވެ.

ކްލާސްރޫމް މެނޭޖްމަންޓް ދަށްވުމުގެ ސަބަބުން ގެއްލޭ ވަގުތުގެ މައްސަލައަށް ހައްލެއް ހޯދުމަށް ކިޔަވައިދިނުމަށް ކަނޑައެޅިފައިވާ ވަގުތު ހެޔޮގޮތުގައި ބޭނުން ކުރަން ޖެހެ އެވެ. ދިރާސާތަކުން ދައްކާ ގޮތުގައި ވަރުގަދަ މެނޭޖްމަންޓް ޕްރެކްޓިސްތަކެއް ހުންނަ ކްލާސްރޫމްތަކުގައި ސުލޫކީ ގޮތުން އުދަނގޫތައް މަދުވެ، މުދައްރިސުންނަށް ފިލާވަޅުތައް ފޯރުކޮށްދިނުމަށް ފޯކަސް ކުރެވޭނެ އެވެ. ސާފު އުސޫލުތައް ގާއިމްކުރުމާއި، ޕޮޒިޓިވް ރިއިންފޯސްމަންޓް ބޭނުންކުރުމާއި، މުދައްރިސާއި ދަރިވަރުންނާ ދެމެދު ވަރުގަދަ ގުޅުންތަކެއް ބިނާކުރުން ފަދަ ސްޓްރެޓެޖީތަކުގެ ސަބަބުން އުނގެނުމުގެ އުފެއްދުންތެރި މާހައުލުތައް އުފެދިފައިވާކަން ވަނީ ފާހަގަކުރެވިފައެވެ.

ޓެކްނޮލޮޖީ އިންޓަގްރޭޓް ކުރުމަކީ އިންސްޓްރަކްޝަނަލް ޓައިމް އޮޕްޓިމައިޒް ކުރުމަށް ބޭނުންކުރާ އަނެއް ވަރުގަދަ ވަސީލަތެކެވެ. ލާނިން މެނޭޖްމަންޓް ސިސްޓަމްތަކާއި އިންޓަރެކްޓިވް ޕްލެޓްފޯމްތައް ފަދަ ޑިޖިޓަލް ޓޫލްތަކުގެ ސަބަބުން ޓީޗަރުންނަށް އެސެސްމަންޓްތަކާއި ކޮންޓެންޓް ޑެލިވަރީ ފަދަ ހަރަކާތްތައް ސްޓްރީމްލައިން ކުރެވޭނެ އެވެ. ދިރާސާތަކުން ދައްކާ ގޮތުގައި ޓެކްނޮލޮޖީގެ ބޭނުން ފައިދާހުރި ގޮތެއްގައި ބޭނުން ކުރުމުން ވަގުތު ސަލާމަތް ކުރެވުމުގެ އިތުރުން އިންޑިވިޖުއަލައިޒްޑް ލާނިން ޕްރޮމޯޓްކޮށް، ދަރިވަރުންނަށް އަމިއްލަ ސްޕީޑުގައި ކުރިއެރުން ލިބިގެންދެ އެވެ.

ޓީޗަރުންނަށް ޕްރޮފެޝަނަލް ޑިވެލޮޕްމަންޓަކީ ވެސް ކިޔަވައިދިނުމުގެ ވަގުތު އެންމެ ފުރިހަމައަށް ބޭނުންކުރުމުގައި ވަރަށް މުހިންމު ދައުރެއް އަދާކުރާ ކަމެކެވެ. އިންސްޓްރަކްޝަނަލް ސްޓްރެޓެޖީތަކާއި، ކްލާސްރޫމް މެނޭޖްމަންޓް ފަދަ ޕްރެކްޓިސްތަކަށް ފޯކަސްކުރާ ތަމްރީނު ޕްރޮގްރާމްތަކުގެ ސަބަބުން މުދައްރިސުންނަށް ކްލާހުގައި ކޮންމެ ހިނދުކޮޅެއްގެ ބޭނުން އެންމެ ފުރިހަމައަށް ބޭނުންކުރެވޭނެ ހުނަރުތައް ލިބިގެންދެއެވެ. ދިރާސާތަކުން ދައްކާ ގޮތުގައި ޕްރޮފެޝަނަލް ލާނިންގގައި މެދުނުކެނޑި ބައިވެރިވާ ޓީޗަރުންނަށް ކިޔަވައިދިނުމާއި އުނގެނުން އޮޕްޓިމައިޒް ކުރާ އިނޮވޭޓިވް ޕްރެކްޓިސްތައް ތަންފީޒު ކުރެވޭނެ އެވެ.

މީގެ އިތުރުން ކިޔަވައިދިނުމުގެ ވަގުތު ރައްކާތެރިކުރުމަށްޓަކައި ސްކޫލް ލީޑަރުން ސަޕޯޓިވް ޕޮލިސީތަކާއި މާހައުލުތައް އެކުލަވާލަން ޖެހެއެވެ. ދިރާސާތަކުން ފާހަގަކުރެވެނީ ތައުލީމީ ދާއިރާގެ ފަރާތްތަކަށް ކިޔަވައިދިނުން ނޫން ޒިންމާތައް ކުޑަކުރުމާއި، އެމީހުންގެ ވަގުތާއި ހަކަތަ ރާވައި، ފައިދާހުރި ފިލާވަޅުތައް ފޯރުކޮށްދިނުމަށް ޚާއްޞަކުރެވޭނެ ކަމެވެ. ސްކޫލް ލީޑަރުންނާއި ޓީޗަރުންނާއި ބެލެނިވެރިން ގުޅިގެން ކުރާ މަސައްކަތުން ކްލާސްރޫމްގައި އުނގެނުމަށް ހޭދަވާ ވަގުތު ރައްކާތެރިކުރުމުގެ މުހިންމުކަން އިތުރަށް ވަރުގަދަވެގެންދެއެވެ.

އުނގެނުމުގެ ރަނގަޅު ނަތީޖާތަކެއް ހޯދުމަށްޓަކައި ކިޔަވައިދިނުމުގެ ވަގުތު އެންމެ ފުރިހަމައަށް ބޭނުންކުރުމަކީ ކޮންމެހެން ބޭނުންތެރި ކަމެކެވެ. ޑިސްޓްރަޕްޝަންތައް އެންމެ ކުޑަކޮށް، އެފެކްޓިވް ލެސަން ސްޓްރަކްޗަރސް ބޭނުންކޮށް، ކްލާސްރޫމް މެނޭޖްމަންޓް އިތުރުކޮށް، ޓެކްނޮލޮޖީ ބޭނުންކޮށް، ޓީޗަރ ޑިވެލޮޕްމަންޓަށް އިންވެސްޓްކޮށްގެން ސްކޫލްތަކަށް އުނގަންނައިދިނުމާއި އުނގެނުމަށް ފަހި މާހައުލުތައް އުފެއްދިދާނެއެވެ. ތަޢުލީމުދިނުމުގައި ޓައިމް އޮން ޓާސްކްގެ މުހިންމުކަން ދިރާސާތަކުން ފާހަގަކުރަމުންދާއިރު، މި ސްޓްރެޓެޖީތަކުން ދަރިވަރުންގެ ފުރިހަމަ ޤާބިލުކަން ހޯދުމަށް އެހީތެރިވުމަށް ޢަމަލުކުރެވޭނެ ހައްލުތައް ލިބިގެންދެއެވެ.