ކެނދިކުޅުދޫ ސްކޫލުގެ ޕަރކިންގ ޒޯނުގެ މަސައްކަތް ނިންމާލައިފި

ކެނދިކުޅުދޫ ސްކޫލުގެ ޕާރކިންގ ޒޯނުގެ މަސައްކަތް ނިންމާލައިފިއެވެ.

15 ދުވަހުގެ މުއްދަތުގެ ތެރޭގައި ނިންމާލައިފައިވާ، މި ޕަރކިންގ ޒޯނަކީ، ވަރަށް ގިނަ ބައެއްގެ އެހީތެރިކަމާއެކީ ނިންމާލެވުނު މަސައްކަތެއްކަން، އެ ސްކޫލުގެ ޕްރިންސިޕަލް މުޙައްމަދު ޝަރީފް ފާހަގަކުރެއްވިއެވެ.

ޕަރކިންގ ޒޯނުގެ މަޝްރޫޢުގެ މަސައްކަތަށް، މާލީ އެހީތެރިކަން ފޯރުކޮށްދެއްވާފައިވަނީ ފިއުލް ސަޕްލައި މޯލްޑިވްސް އަދި މޯލްޑިވްސް ޕޯސްޓް ލިމިޓެޑެވެ. މި މަޝްރޫޢުގެ އެހެނިހެން މަސައްކަތްތައް ކޮށްދެއްވާފައިވަނީ ފެނަކަ ޕްރޮޖެކްޓްގެ ފަރާތުންނެވެ. މީގެއިތުރުން، ސްކޫލުގެ މުވައްޒަފުންނާއި ޕީޓީއޭގެ ފަރާތުން ލިބުނު އެހީ ޕްރިންސިޕަލް ފާހަގަކުރިއެވެ.

މި ޕަރކިންގ ޒޯނަކީ 100ފޫޓު 9ފޫޓުގެ ޒޯނެކެވެ.

ސްކޫލުގެ ޢުމްރާނީ ތަރައްޤީއަށް އިތުރު މަޝްރޫޢޫތައްވެސް މި ސްކޫލުގައި ހިންގުމަށް ވަނީ ނިންމާފައެވެ. އެގޮތުން، ސްކޫލުގެ ކެންޓީން އެޅުމުގެ މަސައްކަތް ފަށާފައިވާއިރު، ސްކޫލް ޓަރފް އަދި ވޯކްވޭ ވަނީ މިދިޔަ މަހު ނިންމާފައެވެ.

ހަމަމިއާއެކު، ސްކޫލުގެ ކްލާސްރޫމްތައް ޑިޖިޓަލައިޒް ކުރުމުގެ މަސައްކަތާއި، ބެލެނިވެރިންގެ ހިޔާ އެޅުމުގެ މަސައްކަތާއި، އޯލެވެލް އަދި އޭލެވެލް ހަދާ ދަރިވަރުންގެ ވަރކްޝޮޕް އަދި ޓްރެއިނިންގތައް ބޭއްވުމުގެ މަސައްކަތްތަކަކީ މި ސްކޫލުން ކުރުމަށް ނިންމައިފައިވާ ކަންތައްތަކެވެ.