އދ. އަތޮޅުގެ ޕްރިންސިޕަލުންގެ ބައްދަލުވުން ކާމިޔާބު ކަމާއެކު ނިއްމާލައިފި

އދ. އަތޮޅު ސްކޫލްތަކުގެ ޕްރިންސިޕަލުންނަށް ޚާއްޞަކޮށްގެން ކުރިއަށް ގެންދިޔަ ބައްދަލުވުން ކާމިޔާބު ކަމާއެކު މިއަދު ނިއްމާލައިފިއެވެ.

ރޭ ފެށި މި ބައްދަލުވުން މިއަދު ނިއްމާލިއިރު އދ. އަތޮޅުގެ ހުރިހާ ރަށެއްގެ ޕްރިންސިޕަލުން ވަނީ ބައިވެރިވެވަޑައިގަންނަވާފައެވެ. މި ބައްދަލުވުން އޮމަދޫ ސްކޫލްގައި ބޭއްވިއިރު، ބައްދަލުވުމުގެ ކަންތައްތައް އިންތިޒާމް ހަމަޖައްސާފައި ވަނީ އެ ސްކޫލުންނެވެ.

މި ބައްދަލުވުމުގައި ޕްރިންސިޕަލުން މަޝްވަރާ ކުރެއްވީ، ސްކޫލްތަކުގެ ކިޔަވައި ދިނުން ހަރުދަނާކޮށް، ސކޫލްތައް ގުޅިގެން ކިޔަވައި ދިނުމާގުޅޭ ގޮތުންނެވެ.

މި ބައްދަލުވުމުގައި ބައެއް ސްކޫލްތަކުގެ ޕްރިންސިޕަލުން ބައިވެރިވެވަޑައިގެންނެވީ އޮންލައިން މެދުވެރިކޮށެވެ.

މި ބައްދަލުވުމުގައި ބައިވެރިވި ޕްރިންސިޕަލުން ވިދާޅުވީ، އޯލެވެލްގެ ނަތީޖާ، މިހާރަށްވުރެ ރަނގަޅު ކުރުމާ ގުޅޭ ގޮތުން ސްކޫލްތައް ގުޅިގެން ކުރެވިދާނެ ކަންތައްތަކާ ގުޅޭ ގޮތުން މަޝްވަރާ ކުރެވުނު ކަމަށެވެ.

އދ. އަތޮޅުގެ ދިހަ ރަށެއްގައި ސަރުކާރު ސްކޫލް ހިންގަމުން ގެންދެއެވެ.