ރެހެންދި ސްކޫލުގެ ދަރިވަރުންގެ ހަދިޔާ މިފަހަރު ފިޔަވައްޗަށް

10ވަނަ އަހަރީ ދުވަހާ ގުޅިގެން މިފަހަރު ރެހެންދި ސްކޫލުގެ ދަރިވަރުން ހަދިޔާ ދިނީ ފިޔަވައްޗަށް

ރެހެންދި ސްކޫލަށް ދިހަ އަހަރު ފުރުމާ ގުޅިގެން ކުރިއަށް ގެންދާ ހަރަކާތްތަކުގެ ތެރެއިން ފިޔަވަތީގައި އުޅޭ ކުދިންނަށް ހަދިޔާ ދީފިއެވެ.

10 ވަނަ އަހަރީ ދުވަހާ ގުޅުވައިގެން 11 ތަނަކަށް ހަދިޔާދޭން ނިންމާފައިވެއެވެ. މިހާތަނަށް އެ ސްކޫލުގެ ދަރިވަރުން ފަސް ތަނަކަށް ހަދިޔާ ދީފައިވެއެވެ. ފިޔަވަތީގެ އިތުރުން އޯޓިޒަމް ސެންޓަރާއި އިސްރަށްވެހިންގެ ނާދީއާއި ކެއަރ ސޮސައިޓީއާއި ޝައިން ލާނިންގ ޕްރީ ސްކޫލަށް ހަދިޔާ ދީފައިވެއެވެ.

ހަދިޔާ ދިނުމުގެ ހަރަކާތް ރެހެންދި ސްކޫލުން ކުރިއަށް ގެންދަނީ އެކި ގުރޭޑް ތަކަށް ބަހާލައިގެންނެވެ.

ރެހެންދި ސްކޫލުން ބުނީ، ފުރަތަމަ ޓާމުގައި ފެށި މި ހަރަކާތް މި އަހަރު ނިމުމުގެ ކުރިން އިތުރު ހަ ތަނަކަށް ދޭނެ ކަމަށެވެ.

ރެހެންދި ސްކޫލް ހުޅުވީ 2015 ވަނަ އަހަރުގެ ސެޕްޓެމްބަރު މަހުގެ 9 ވަނަ ދުވަހުއެވެ. އެ ސްކޫލަށް 10 އަހަރު ފުރޭނީ އަންނަ މަހުގެ 9 ވަނަ ދުވަހުއެވެ.