2023-2024 ވަނަ ދިރާސީ އަހަރު އަމީނިއްޔާ ސްކޫލުން އެންމެ މޮޅު ދަރިވަރަކީ ޢައްމާރު ބިން މުޞްޠަފާއެވެ. ދެވަނަ ދަރިވަރަކީ މުޙައްމަދު ޠަލޫޤު ސަމީރެވެ. ތިންވަނަ ދަރިވަރަކީ މާޝާ މުޖުތަބާ ޢަލީއެވެ.
އަމީނިއްޔާގެ އަހަރީ އިނާމް ދިނުމުގެ ޖަލްސާ ޝަރަފުވެރިކޮށްދެއްވީ މަތީ ތަޢުލީމާ ބެހޭ ވުޒާރާގެ ސްޓޭޓް މިނިސްޓަރު އަޙްމަދު ޝަފީޢުއެވެ.
އެއްވަނައަށް ދިޔަ އައްމާރަކީ ފާއިތުވި އަހަރު އެ ސްކޫލުގެ ކެޕްޓަނެވެ. އަދި ސާނަވީ ނިންމާ އިމްތިޙާނުތަކުން ޤައުމީ ގަދަ ދިހައެއްގެ ތިންވަނަ އޭނާ ހޯދާފައިވެއެވެ. ދެވަނައަށް ދިޔަ ޠަލޫޤަކީ ފާއިތުވި އަހަރު އެ ސްކޫލުގެ ދާއިން ކަނބާ ހައުސްގެ ކެޕްޓަނެވެ. ސާނަވީ ނިންމާ އިމްތިޙާނުތަކުން ޤައުމީ ގަދަ ދިހައެއްގެ ތިންވަނަ އޭނާ ވެސް ހޯދާފައިވެއެވެ.
އަމީނިއްޔާއިން ތިންވަނައަށް ދިޔަ މާޝާއަކީ ރާދަފަތި ހައުސްގެ މިދިޔަ އަހަރުގެ ކެޕްޓަނެވެ. ސާނަވީ ނިންމާ އިމްތިޙާނުތަކުން ޤައުމީ ގަދަ ދިހައެއްގެ ހަވަނަ އޭނާއަށް ލިބިފައިވެއެވެ.
advertisment
ހިޔާލު