ޖަޕާނު ބަސް ދަސްކޮށްދޭ ކޯސްތަކެއް އަންނަ އޮގަސްޓް މަހުގެ ތެރޭގައި ފަށަން ނިންމައި، އެ ކޯސްތަކުގައި ބައިވެރިވާން ދިވެހިރާއްޖޭގެ ޤައުމީ ޔުނިވަރސިޓީން ހުޅުވާލައިފިއެވެ.
އެމްއެންޔޫއިން އިއުލާން ކޮށްފައިވަނީ ޖަޕާންބަސް ދަސްކޮށްދޭ ދެ ކޯހަކަށެވެ. އެއީ ޖަޕަނީސް ލޭންގުއޭޖް އެލެމެންޓަރީ އެކަކާއި ޖަޕަނީސް ލޭންގުއޭޖް ބޭސިކް ކޯހެކެވެ. މި ދެކޯހަށް ވަންނަން ފޯމު ބަލައިގަތުމަށް ހަމަޖެހިފައިވަނީ 3 ޖުލައި 2025 ވާ ބުރާސްފަތި ދުވަހުން 14 އޮގަސްޓް 2025 ވާ ބުރާސްފަތި ދުވަހުގެ 23:59 ގެ ނިޔަލަށެވެ.
ޖަޕާން ފައުންޑޭޝަންގެ އެހީތެރިކަމާއެކު ދިވެހިރާއްޖޭގެ ޤައުމީ ޔުނިވަރސިޓީގެ ފެކަލްޓީ އޮފް އާޓްސްއިން ކުރިއަށް ގެންދިއުމަށް ހަމަޖެހިފައިވާ "ޖަޕަނީސް ލޭންގުއޭޖް އެލެމެންޓްރީ 1" ގައި ބައިވެރިވުމުގެ ޝަރުޠަކީ ޖަޕާނު ބަހުގެ ބޭސިކް ކޯހެއް ނިންމާފައި ވުން ނުވަތަ އެއާ އެއް ފެންވަރު ހުރުމެވެ. އެ ފެންވަރު ހުރިކަން އަންގައިދޭ ލިޔެކިޔުންތައް ފޯމާއެކު ހުށައަޅަން ޖެހެއެވެ.
12 އަހަރުން މަތީގެ ފަރާތްތަކަށް ބައިވެރިވެވޭ ގޮތަށް ކުރިއަށް ގެންދާ މި ކޯހަށް ކަނޑައަޅާފައި ވަނީ 30 ޖާގައެވެ. ފީއަކީ 900 ރުފިޔާއެވެ. ކިޔަވައި ދެނީ 15 ހަފްތާގެއަށް ބްލެންޑެޑް ކޮށެވެ. މި ކޯހުގެ ކިޔެވުން ކުރިއަށްދާއިރު، 6 ވަނަ ހަފްތާ (29 ސެޕްޓެންބަރު އަދި 1 އޮކްޓޫބަރު) އަދި 11 ވަނަ ހަފްތާ (10 އަދި 12 ނޮވެންބަރު) ގައި ކިޔެވުން ކުރިއަށް ގެންދާނީ ކްލާސްތަހާޒިރު ވެގެންނެވެ. އަނެއް 13 ހަފްތާގައި ކިޔަވައިދޭނީ އޮންލައިންކޮށެވެ. ކިޔެވުން ކުރިއަށް ގެންދާނީ ހޯމައާއި ބުދަދުވަހު ހަވީރު 18:30ން 20:30އަށެވެ.
ދިވެހިރާއްޖޭގައި ހުންނަ ޖަޕާނު އެމްބަސީގެ އެހީތެރިކަމާއެކު ދިވެހިރާއްޖޭގެ ޤައުމީ ޔުނިވަރސިޓީގެ ފެކަލްޓީ އޮފް އާޓްސްއިން ކުރިއަށް ގެންދިއުމަށް ހަމަޖެހިފައިވާ "ޖަޕަނީސް ލޭންގުއޭޖް ބޭސިކް" ކޯސް ވެސް ކުރިއަށް ގެންދަނީ 15 ހަފްތާގެ މުއްދަތަށެވެ.
ކުލާސްތަކަށް ހާޒިރުވެގެން ކުރިއަށް ގެންދާ މި ކޯގައި ކިޔެވުން ކުރިއަށް ގެންދަނީ ހޯމަ އަދި ބުދަ ދުވަހުގެ ހަވީރު 15:00 އިން 17:00 އަށެވެ. 12 އަހަރުން މަތީގެ ފަރާތްތަކަށް ބައިވެރިވެވޭ މި ކޯހުގެ ފީއަކީ 900 ރުފިޔާއެވެ.
"ޖަޕަނީސް ލޭންގުއޭޖް ބޭސިކް ކޯހަށް އެޕްލައި ކުރުމަށް މި ލިންކަށް ފިއްތާލައްވާ:
Application Form – Japanese Language Basic
"ޖަޕަނީސް ލޭންގުއޭޖް އެލެމެންޓްރީ 1" ކޯހަށް އެޕްލައި ކުރުމަށް މި ލިންކަށް ފިއްތާލައްވާ:
advertisment
ހިޔާލު