ކުޅުދުއްފުށީ ޤުރުއާން ކިޔެވުމުގެ މުބާރާތުން އެއްވަނަ ޔޫސުފަށް

ދެވަނަ ޖަލާލުއްދީނުގެ ފާއިޤާއި އަފީފުއްދީނުގެ އަނަސްއަށް. ތިންވަނަ ޖަލާލުއްދީނުގެ ނޫރާއަށް. މުބާރާތުން އެއްވަނަ ސްކޫލަކީ އަފީފުއްދީން، ޤުރުއާން ކުލާހަކީ އަލްމަސާރު

ކުޅުދުއްފުށީ ޤުރުއާން ކިޔެވުމުގެ މުބާރާތުން އެއްވަނަ ޔޫސުފް ބިން އަހުމަދު މުފީދު ހޯދައިފިއެވެ. އޭނާ ބައިވެރިވީ އަލްމަސާރު އެކަޑެމިކް ސެންޓަރުގެ ފަރާތުންނެވެ.

މި މުބާރާތުން ދެވަނަ ހޯދީ، ޖަލާލުއްދީން ސްކޫލްގެ މުހައްމަދު ފާއިޤް ހުސެއިން ފަހުމީ އާއި އަފީފުއްދީން ސްކޫލްގެ އަލްޔަސް އަނަސް ހުސެއިނެވެ. މުބާރާތުން ތިންވަނަ ހޯދީ ޖަލާލުއްދީން ސްކޫލްގެ ހައްވާ ނޫރާ މުހައްމަދެވެ.

މުބާރާތުގެ އެންމެ މޮޅު ޤުރުއާން ކުލާހަކީ އަލްމަސާރު އެކަޑެމިކް ސެންޓަރެވެ. އެއްވަނަ ހޯދި ސްކޫލަކީ އަފީފުއްދީން ސްކޫލެވެ.

ކުޅުދުއްފުށީ ޤުރުއާން ކިޔެވުމުގެ މުބާރާތް ނިންމުމުގެ ރަސްމިއްޔާތުގެ ޝަރަފުވެރިކޮށްދެއްވީ ޤައުމީ ޔުނިވާސިޓީގެ އެސިސްޓެންޓް ޕްރޮފެސަރ ޑރ މުހައްމަދު އުމަރެވެ.

ކުޅުދުއްފުށީ ޤުރުއާން ކިޔެވުމުގެ މުބާރާތުގައި މި އަހަރު އެ ސިޓީގެ ތިން ސްކޫލުންނާއި 7 ގުރުއާން ކުލާހެއްގެ އިތުރުން އެއް ޔުނިވާސިޓީއަކުން 199 ދަރިވަރުން ވާދަކުރިއެވެ.