ހިރިޔާ ސްކޫލުގެ އެންމެ މޮޅު ދަރިވަރަކީ މާޔިޒު

2ވަނަ އަނަމީ އަށް 3ވަނަ އަޔާނީ އަށް

ފާއިތުވި 2023-2024 ވަނަ ދިރާސީ އަހަރު ހިރިޔާ ސްކޫލުން އެންމެ މޮޅު ދަރިވަރަކަށް މާޔިޒު ބިން މުސްތާޤު ހޮވައިފިއެވެ.

ހިރިޔާ ސްކޫލުގެ އަހަރީ އިނާމް ދިނުމުގެ ޖަލްސާ އޮތީ މެއި މަހުގެ 29 ވަނަ ދުވަހުގެ ރޭ އެ ސްކޫލުގައެވެ. ޝަރަފުވެރިކޮށްދެއްވީ ދިވެހިރާއްޖޭގެ އިސްލާމިކް ޔުނިވަރސިޓީގެ ކުއްލިއްޔާ އޮފް އެޑިޔުކޭޝަންގެ ޑީން ޑރ. އައިޝަތު ޝިނާއެވެ.

އެއްވަނައަށް ދިޔަ މާޔިޒަކީ ފާއިތުވި އަހަރު ހިރިޔާ ސްކޫލުގެ ކެޕްޓަނެވެ. ސާނަވީ ނިންނާ އިމްތިޙާނުތަކުން އޭނާ ވަނީ ދެ ވަނަ ހޯދާފައެވެ. މާއިޒް ވަނީ ކޮމަންވެލްތް މަޒުމޫނު ލިޔުމުގެ މުބާރާތުން ލޯ މެޑަލް ހޯދާފައެވެ. ސްކޫލުގައި ކުރިއަށް ގެންދިޔަ ޤުރުއާން މުބާރާތުން ނުބަލައި ކިޔުމުން ތިން ވަނަ ހޯދާފައެވެ. އަދި އިންޓަރ ސްކުލް ބައިސިކަލް ޗެމްޕިއަންކަން ހިރިޔާއަށް ހޯދައިދިނުމުގައި އެ ޓީމުގެ ބައިވެރިވެރިއެއްގެ ގޮތުން ނަމޫނާ ދައްކާފައެވެ.

ހިރިޔާ ސްކޫލުން 2ވަނަ އަށް އެންމެ މޮޅޫ ދަރިވަރަކީ އާމިނަތު އަނަމީ އިމާދެވެ. ހަނދުވަރީ ހައުސްކެޕްޓަން ކޮށްފައިވާ އަނަމީ ވަނީ ޤުރުއާން މުބާރާތްތަކުން ފަޚުރުވެރި ވަނަތަކެއް ހޯދާފައެވެ. ސާނަވީ އިންމާ އިމްތިޙާނުތަކުން އޭނާ ދިޔައީ 4ވަނަ އަށެވެ.

ހިރިޔާ ސްކޫލުން 3ވަނަ ދަރިވަރަކަށް ހޮވުނީ،  އާމިނަތު އަޔާނީ ނާޒިމެވެ. އަޔާނީ ވަނީ ސާނަވީ ނިންމާ އިމްތިޙާނުތަކުން ޤައުމީ ގަދަ ދިހައެއްގެ ހަތަރުވަނަ ހޯދާފައެވެ.

އެއްވަނަ އަށް ދިޔަ ދަރިވަރު، މާޔިޒު އަމިއްލަ ތަޖުރިބާގެ އަލީގައި ބުނީ، ކިޔަވާ ކޮންމެ ކުއްޖަކު އެންމެ ފުރަތަމަ ކަމަކަށް ދީނި ވާޖިބުތައް އަދާކުރަން ޖެހޭ ކަމަށެވެ. ޤުރުއާނަށް ލޯބިކޮށް، ހިތްއަލިވުމާއި ފިލާވަޅުތައް ހިތަށް ނެގުމަށް އޮތް އެންމެ މުޖައްރިބު މަގަކީ ޤުރުއާން ކިޔެވުމާ އެއަށް އަމަލު ކުރުން ކަމަށެވެ. އަދި އަމިއްލަ ޝަޢުޤާއެކު ކުރާހިތުން ކޮންމެ ކަމެއް ވެސް ކުރުމަށެވެ. އަދި ކުރާ ކަމެއް އެކަމެއް ކުރެވެން އޮންނަ އެންމެ ރަނގަޅަށް ކުރުމަށާއި ވަގުތަށް ފަރުވާތެރިވުމަށެވެ. އިތުރު ހަރަކާތްތަކުގައި ބައިވެރިވެ ފައިދާހުރި ކަންތައްތަކުގައި ވަގުތު ހޭދަކުރުމަށެވެ.