އަމީނިއްޔާ އާއި އިސްކަންދަރުގެ ދަރިވަރުންނަށް ޓްރެފިކް މޮނިޓަރސް ޕްރޮގްރާމް ފަށައިފި

މަގުމަތީގެ ސަލާމަތާއި ރައްކާތެރިކަމަށް ސްކޫލު ދަރިވަރުން އަހުލުވެރިކުރުވުމަށް ކުރިއަށް ގެންދާ ޓްރެފިކް މޮނިޓަރސް ޕްރޮގްރާމް އަމީނިއްޔާ ސްކޫލާއި އިސްކަންދަރު ސްކޫލު ދަރިވަރުންނަށް ފަށައިފިއެވެ.

މި ޕްރޮގާރާމު ފެށުމަށް އިއްޔެ ބޭއްވި ރަސްމިއްޔާތު ޝަރަފުވެރިކޮށްދެއްވީ ގަލޮޅު ޕޮލިސް ހެޑް، ޗީފް އިންސްޕެކްޓަރ އޮފް ޕޮލިސް މުހައްމަދު ލުތުފީއެވެ. މި ރަސްމިއްޔާތުގައި، ރޯޑް ސޭފްޓީ އެވެއާނެސް އެންޑް ޕްރިވެންޝަން ހެޑް، ޗީފް އިންސްޕެކްޓަރ އޮފް ޕޮލިސް މުހައްމަދު ދިމްހާމްއާއި ދެ ސްކޫލުގެ އިސްވެރިން ބައިވެރިވެލެއްވިއެވެ.

ހަފްތާއެއްގެ މުއްދަތަށް މި ޕްރޮގްރާމް ކުރިއަށް ގެންދަނީ ފުލުހުންގެ ރޯޑް ސޭފްޓީ އެވެއަރނަސް އެންޑް ޕްރިވެންޝަނާއި އަމީނިއްޔާ ސްކޫލާއި އިސްކަންދަރު ސްކޫލް ގުޅިގެންނެވެ.

މި ޕްރޮގްރާމުގައި އެއްގަމު ދަތުރުފަތުރުގެ ގާނޫނާއި ގަވައިދުތަކަށް ދަރިވަރުން އަހުލުވެރި ކުރުވުމަށް މައުލޫމާތު ދޭނެއެވެ. އަދި ސްކޫލު ސަރަހައްދުގައި ޓްރެފިކް ބެލެހެއްޓުމަށް ދަރިވަރުން ތަމްރީނު ކުރާނެއެވެ. މީގެ އިތުރުން، ރިވެތި ބަހުން މުއާމަލާތު ކުރުމުގެ ހުނަރުތައް ދަސްކޮށްދިނުމުގެ އިތުރުން އަމިއްލަ ސަލާމަތާއި ރައްކާތެރިކަމަށް ސެލްފް ޑިފެންސް ކުލާސްތައް ވެސް ކުރިއަށް ގެންދާނެ ކަމަށް ފުލުހުން ބުނެއެވެ.