ރައީސްގެ ސްކޮލަރޝިޕް ސީއެޗްއެސްއީ ހުޅުމާލޭގެ ހަ ދަރިވަރުންނަށް، އޭލެވެލް އިމްތިޙާނުގެ އެންމެ ކާމިޔާބު ރާއްޖޭގެ ދަރިވަރަކީ އެ ސްކޫލުގެ ފާހިމް

• ފާހިމް ހޯދީ، ބައޮލޮޖީން ދުނިޔެއާއި ރާއްޖެއިން އެއްވަނަ، ހިސާބާއި ފިޒިކްސްއިން ދުނިޔެއިން 3ވަނަ އަދި ރާއްޖެއިން އެއްވަނަ، ކެމިސްޓްރީން ދުނިޔެއިން 4ވަނަ

• އޯލެވެލްއިން އެއްވަނަ ހޯދާ ރައީސުލްޖުމްހޫރިއްޔާގެ ސްކޮލަރޝިޕް ސީއެޗްއެސްއީ ހުޅުމާލެގެ 6 ދަރިވަރުންނަށް ލިބުނުއިރު، 15 ދަރިވަރަކު ދުނިޔެއާއި ރާއްޖޭގެ ގަދަ 10ގައި ހިމެނިފައިވޭ

ފާއިތުވި އަހަރު ބޭއްވި އޭލެވެލް އިމްތިޙާނުން އެންމެ ރަނގަޅު ނަތީޖާއެއް ހޯދި ދަރިވަރަކީ ސެންޓަރ ފޯރ ހަޔަރ ސެކަންޑްރީ އެޑިޔުކޭޝަން (ސީއެޗްއެސްއީ) މާލެ ގެ މުޙައްމަދު ފާޙިމް އިބްރާހިމެވެ.

ހަތަރު މާއްދާއިން ދުނިޔޭގެ ގަދަ ދިހައެއްގައި، އަދި ތިން މާއްދާއިން ރާއްޖޭގެ ގަދަ ދިހައެއްގައި ފާހިމް ހިމެނިފައެވެ. އޭލެވެލްގެ ޤައުމީ ގަދަ ދިހައެއްގެ އެއްވަނަ ވެސް ހޯދި ފާހިމް، ބައޮލޮޖީން ދުނިޔެއާއި ރާއްޖެއިން އެއްވަނަ ހޯދިއެވެ. މެތްސްއާއި ފިޒިކްސްއިން ދުނިޔެއިން 3ވަނަ ރާއްޖެއިން އެއްވަނަ ހޯދިއެވެ. ކެމިސްޓްރީން ލިބުނީ ދުނިޔެއިން 4ވަނައެވެ.

ކެމްބްރިޖްގެ އައުޓްސްޓޭންޑިންގ ޕިއަރސަން ލާނަރސްގެ 26 އެވޯޑް ސީއެޗްއެސްއީ ހުޅުމާލެގެ 15 ދަރިވަރުން ހޯދާފައިވެއެވެ. އޯލެވެލްގެ ޤައުމީ ގަދަ ދިހައެއްގައި ހިމެނިފައި ވަނީ އެ ސްކޫލުގެ 149 ދަރިވަރުންނެވެ.

އޯލެވެލް އިމްތިޙާން ގދ. އަތޮޅު ތަޢުލީމީ މަރުކަޒުން ނިންމި ފާހިމް، އިކޮނޮމިކްސްއިން ކެމްބްރިޖްގެ ބްރިލިއަންސް އެވޯޑް ހޯދާފައިވެއެވެ. އަދި ހިސާބާއި ފިޒިކްސްއިން ރާއްޖެއިން އެއްވަނަ ވެސް އޭނާ ހޯދާފައިވެއެވެ.

އޭލެވެލްގައި ދުނިޔެއާއި ރާއްޖޭގެ ގަދަ 10ގައި ހިމެނުނު ދަރިވަރުން:

* މުޙައްމަދު ފާހިމް އިބްރާޙިމް،

މެތްމެޓިކްސް- ދުނިޔެއިން 3ވަނަ ރާއްޖެއިން އެއްވަނަ-

ފިޒިކްސް- ދުނިޔެއިން 3ވަނަ ރާއްޖެއިން އެއްވަނަ

ބައޮލޮޖީ- ދުނިޔެއާއި ރާއްޖެއިން 1ވަނަ

ކެމިސްޓްރީން ދުނިޔެއިން 4ވަނަ

* އައިޝަތު ބަލްމާއު މުޙައްމަދު-

ދިވެހި – ރާއްޖެއިން އެއްވަނަ

ބައޮލޮޖީ- ދުނިޔެއިން 10ވަނަ

ކެމިސްޓްރީ ދުނިޔެއިން 7ވަނަ

* އާއްޒު އާދަމް ޚާލިދު،

ފާދަރ މެޓްމެޓިކްސް – ރާއްޖެއިން 1ވަނަ

* މުހައްމަދު ނަބީޙް އިބްރާހިމް،

ފިޒިކްސް- ދުނިޔެއިން 10ވަނަ

ކެމިސްޓްރީ- ދުނިޔެއިން 8ވަނަ

* ފާޠިމަތު ބިންތް މުޙައްމަދު ނިމާލް،

ބިޒްނަސް- ދުނިޔެއިން 6 ވަނަ،

އިކޮނޮމިކްސް- ދުނިޔެއިން 5ވަނަ،

* މުޙައްމަދު ދާހިޝް އުމަރު،

ބިޒްނަސް- ދުނިޔެއިން 8ވަނަ

* މުޙައްމަދު ރަފްޙާން

އިކޮނޮމިކްސް- ދުނިޔެއިން 5ވަނަ

* ޔާނިޝް މުޙައްމަދު އަބްދުﷲ،

އިކޮނޮމިކްސް- ދުނިޔެއިން 6ވަނަ

އެކައުންޓިންގ ދުނިޔެއިން 7ވަނަ

* އައިޝަތު ޖަންނަ ޖަމީލް

އިކޮނޮމިކްސް- ދުނިޔެއިން 10ވަނަ

އެކައުންޓިންގ ދުނިޔެއިން 4ވަނަ

* ރައްޔާން އަބްދުއް ރަޝީދު

އެކައުންޓިންގ- ދުނިޔެއިން 5ވަނަ

* އިބްރާހިމް ރިފާއު

އެކައުންޓިންގ ދުނިޔެއިން 8ވަނަ

* މަރިޔަމް ނަބީލާ ހަސަން

އެކައުންޓިންގ- ދުނިޔެއިން 8ވަނަ

* އައްޔޫބު ޝަހީބު

ބައޮލޮޖީ- ދުނިޔެއިން 2ވަނަ

ކެމިސްޓްރީ- ދުނިޔެއިން 4ވަނަ

* އައިޝަތު އީޝަލް އަޙްމަދު އަސްލަމް

ބައޮލޮޖީ- ދުނިޔެއިން 3ވަނަ

* އަޙްމަދު ސަލަފު ހާޝިމް

ބައޮލޮޖީ- ދުނިޔެއިން 9ވަނަ

ކެމިސްޓްރީ- ދުނިޔެއިން 6ވަނަ