ރޯދަމަހަށް ޚާއްޞަކޮށްގެން އެމްއެންޔޫ ކުޅުދުއްފުށީ ކެމްޕަހުން ދީނީ ނަސޭހަތް ދޭ ޕްރޮގްރާމެއް

ރޯދަމަހަށް ޚާއްޞަކޮށްގެން ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ)ގެ ކުޅުދުއްފުށީ ކެމްޕަހުން ދީނީ ނަސޭހަތް ދިނުމުގެ ސިލްސިލާ ޕްރޮގްރާމް ފަށައިފިއެވެ.

މި ޕްރޮގްރާމް ކުރިއަށް ގެންދާނެ ގޮތުގެ ތާވަލު އެ ކެމްޕަހުން މިހާރު ވަނީ އާންމުކޮށްފައެވެ.

ދަރިވަރުންނާއި މުވައްޒަފުންނާއި އަދި އާންމުންނަށް ވެސް ބައިވެރިވެވޭ ގޮތަށް ރޯދަމަހުގެ ތެރޭގައި ތިން ދަރުސެއް ބާއްވަން ވަނީ ތާވަލުކޮށްފައެވެ. ފުރަތަމަ ދަރުސް އޮތީ ރޭ 21:15ން 12:15 އަށެވެ. އައްޝައިޙް އަކުރަމް ހުސައިން ދަރުސް ދެއްވީ ރޯދަ ހިފަނީ ބަނޑުހެއްޔެ؟ މި މައުޟޫއަށެވެ. ދެވަނަ ދަރުސް މާރޗް މަހުގެ 11 ވަނަ ދުވަހުގެ ރޭ ޚާއްޞަ ކޮށްފައި ވަނީ ވަގުތުގެ މުހިންމު ކަމުގެ މައްޗަށެވެ. މި ދަރުސް ދެއްވަނީ އަލްފާޟިލް ޙަސަން ޞަބާހުއެވެ. ތިން ވަނަ ދަރުސް ޚާއްޞަ ކޮށްފައި ވަނީ ދެ ސުވަރުގެއާއި ފަށުވި ފޭރާމުގެ މައްޗަށެވެ. މި ދަރުސް ދެއްވަނީ ޑރ މުޙައްމަދު އުމަރެވެ. މި ދަރުސް އޮންނާނީ މާރޗް 18 ވަނަ ދުވަހުގެ ރޭ ގައެވެ.