ޖަމާލުއްދީން ސްކޫލުގެ ވާހަކަދެއްކުމުގެ ގުލްފާމުގެ ނަތީޖާ ފާޅުކޮށްފި

ޖަމާލުއްދީން ސްކޫލުގެ ގްރޭޑް 1، 2 އަދި 3ގެ ދަރިވަރުންނަށް ހުޅުވާލައިގެން ކޮންމެ އަހަރަކު  ބާއްވަމުން އަންނަ "ވާހަކަދެއްކުންތެރިކަމުގެ ގުލްފާމު"ގެ ނަތީޖާ ފާޅުކޮށްފިއެވެ. ދަށު ގުރޭޑްތަކުގެ ދަރިވަރުން ވާހަކަދެއްކުންތެރިކަމަށް ޝައުގުވެރިކުރުވައި، މި ފަންނަށް ކުޅަދާނަ ދަރިވަރުންތަކެއް ނެރެދިނުމުގެ މަގުޞަދުގައި ޖަމާލުއްދީން ސްކޫލުން ކުރިއަށް ގެންދިޔަ މި ހަރަކާތުގެ މި އަހަރުގެ މި މުބާރާތުގައި ވެސް 145 ދަރިވަރަކު ވާދަކުރިއެވެ. މި އަހަރުގެ މުބާރާތް ވެސް ބޭއްވީ ދެ ބުރަކަށެވެ. ފުރަތަމަ ބުރުގައި ކޮންމެ ދަރިވަރަކަށް ބައިވެރިވުމުގެ ފުރުޞަތު ހުޅުވާލެވުނެވެ. ދެވަނަ ބުރުގައި ވާދަކުރީ ކޮންމެ ގުރޭޑަކުން އެންމެ މޮޅުކަމަށް ހޮވުނު 10 ދަރިވަރުންނެވެ.

މި މުބާރާތުން ކޮންމެ ގުރޭޑަކުން 1ވަނަ، 2ވަނަ އަދި ތިން ވަނަ ހޮވައި އިނާމުދެވުނެވެ. ވަނަވަނައަށް ދިޔަ ދަރިވަރުންނަށް އިނާމާއި ސެޓްފިކެޓް ހަވާލުކޮށްދެއްވީ އަލިމަސް އެކަޑެމީގެ ރައީސް އަޝްރަފް ޢަލީއެވެ.

މުބާރާތުގެ 1ވަނަ އަށް ހޮވުނު ދަރިވަރުން

ގުރޭޑް 1ން 1 ވަނަ: އައިދު ޢަބްދުﷲ ހަސަން 1އޭ

ގުރޭޑް 2ން 1 ވަނަ: ސާރާ މަޚްޒޫމް ސަލީމް. 2ބީ

ގުރޭޑް 3ން 1 ވަނަ: ފާޠިމަތު އައިމަލް ޙުސައިން،3އޭ

މުބާރާތުގެ 2 ވަނައަށް ހޮވުނު ދަރިވަރުން

ގުރޭޑް 1ން 2 ވަނަ: އިބްރާހީމް އައިހަމް ޙުސައިން، 1އޭ

ގުރޭޑް 2ން 2 ވަނަ: ނުޙްޔާ ޢަބްދުﷲ ޖަލާލް، 2ސީ

ގުރޭޑް3ން 2 ވަނަ: ނީމް ބިންތި އިސްމާޢީލް ނިމާލް، 3އެފް

މުބާރާތުން 3ވަނައަށް ހޮވުނު ދަރިވަރުން

ގުރޭޑް 1ން 3 ވަނަ: އައިޒިކް ޒަހީން ދޮންމަނިކު، 1އެފް

ގުރޭޑް 2ން 3 ވަނަ: ޔޫސުފު ޔުޢާން މުޙައްމަދު 2އީ

ގުރޭޑް 3ން 3 ވަނަ: ރާއިމް ޙުސައިން ޙަސަން 3ބީ

މި މުބާރާތަކީ 2014ވަނަ އަހަރުން ފެށިގެން ޖަމާލުއްދީން ސްކޫލުން ކުރިއަށްގެންދާ މުބާރާތެކެވެ.