މިދިޔަ އަހަރު ބޭއްވި މަތީ ސާނަވީ ނިންމާ އިމްތިޙާނުތަކުން ޤައުމީ ގަދަ ދިހައެއްގައި ޖަލާލުއްދީނުގެ 17 ދަރިވަރުން ހިމެނިއްޖެއެވެ. މިއީ 2023 ވަނަ އަހަރާ އަޅާބަލާއިރު، 4 ދަރިވަރުންގެ އިތުރުވުމެކެވެ. އެ އަހަރު ގަދަ ދިހައެއްގައި ހިމެނުނީ އެ ސްކޫލުގެ 13 ދަރިވަރުންނެވެ.
މިދިޔަ އަހަރުގެ ނަތީޖާއަކީ މަތި ސާނަވީގައި އެ ސްކޫލުން ހޯދި އެންމެ ރަނގަޅު ނަތީޖާއެވެ.
ރިޗެކް ކުރަން ޖެހިއްޖެ ހާލަތެއްގައި މި ނަތީޖާއަށް ބަދަލު އައުމަކީ އެކަށީގެންވާ ކަމެކެވެ.
17 ދަރިވަރުންގެ ތެރެއިން ގަދަ ދިހައެއްގެ އެއްވަނައިގައި ދަރިވަރަކު ނުހިމެނޭއިރު، ދެ ވަނަގައި ހިމެނުނީ އަހުމަދު ޔާސީން އިބްރާހީމް
އެކަންޏެވެ.
އޭލެވެލްގެ ގަދަ ދިހައެއްގައި ހިމެނުނު ދަރިވަރުން:
އަހުމަދު ޔާސީން އިބްރާހީމް- ދެވަނަ
އައިޝަތު ހަނާން އިލްޔާސް- ތިންވަނަ
އަޙްމަދު ރަޒާން އާދަން- ތިންވަނަ
ރީޝާން އިބްރާހިމް- ތިންވަނަ
މުޙައްމަދު ސާދިން މޫސާ- ހަތަރުވަނަ
އާމިނަތު ޝިއުމާ އަބްދުއްރަޝީދު- ހަތަރުވަނަ
މަރިޔަމް މަނާލް މަމްދޫޙް- ފަސްވަނަ
އާމިނަތު އަލީ- ފަސްވަނަ
މަލްސާ އަޙްމަދު – ހަވަނަ
މުހައްމަދު އައިމަން އާދަމް- ހަވަނަ
މަރިޔަމް އިބާދާ އަބޫބަކުރު- ހަތްވަނަ
އިބްރާޙިމް މާހިލް އަބްދުﷲ- ހަތްވަނަ
މުހައްމަދު ޒައިދު އަބުދުއްސަމަދު- ހަތްވަނަ
މަރިޔަމް އަޒުހާ މުޙައްމަދު- ނުވަވަނަ
މުޙައްމަދު އުނައިޝް- ނުވަވަނަ
ޣާނިތު އާދަމް- ނުވަވަނަ
އަހުމަދު ޔައިޝް މުހައްމަދު- ދިހަވަނަ
މި ނަތީޖާ ހިއްސާކުރަމުން ޖަލާލުއްދިން ސްކޫލުން ބުނެފައި ވަނީ، 2024 އޮކްޓޯބަރ/ނޮވެންބަރގައި ބޭއްވުނު އެޑެކްސެލް އޭލެވެލް އަދި އެޗް،އެސް،ސީ އިމްތިޙާނުތަކުގައި ބައިވެރިވި ދަރިވަރުންގެ ތެރެއިން ޖަލާލުއްދީން ސްކޫލްގެ 17 ދަރިވަރުން މިވަނީ ޤައުމީ ގަދަ ދިހަވަނައިން ޖާގަ ކަށަވަރުކޮށް ޖަލާލުއްދީން ސްކޫލްގެ ތާރީޚުގައި އެ ދަރިވަރުންގެ ނަން ރަންއަކުރުން ފަވާލެވޭނެ ކަމަށެވެ. ވަކިން ޚާއްޞަކޮށް އޭގެތެރެއިން 6 ދަރިވަރަކު ހައި އެޗީވާރސް ސްކޮލަރޝިޕް ޙާޞިލްވާ މިންވަރުގެ ނަތީޖާ ހޯދާފައިވާ ކަމަށެވެ. އެހެންވެ އެ ދަރިވަރުންގެ މަސައްކަތަށް ތަޢުރީފްކުރާ ޙާލު އައްސަރިބަހާއި ސާބަސް ރައްދުކުރާ ކަމަށެވެ.
މި ފުރުޞަތުގައި ދަރިވަރުން ހޯދި ފުރިހަމަ ކާމިޔާބީ ފާހަގަކޮށް ދަރިވަރުންނަށާއި ބެލެނިވެރިންނަށް އަދި މުދައްރިސުންނަށް ޝުކުރާއި ތަހުނިޔާ ދަންނަވާ ކަމަށް ވެސް އެ ޕޯސްޓްގައި ބުނެފައިވެއެވެ.
" ޖަލާލުއްދީން ސްކޫލް ޙާޞިލްކުރާ މިފަދަ ފަޚުރުވެރި ކޮންމެ ކާމިޔާބީއަކުން ދައްކައިދެނީ ދަރިވަރުންގެ ހިތްވަރާއި މިންނެތް މަސައްކަތަކެވެ. މުދައްރިސުންގެ އަގުނުކުރެވޭ ގުރުބާނީއެވެ. ބެލެނިވެރިން އަޅުގަނޑުމެންނަށް ކުރެއްވި ފުރިހަމަ އިތުބާރެވެ.
މާތް ﷲ، އަޅުގަނޑުމެން އެންމެން ގުޅިގެން މި ކުރާ މަސައްކަތުގައި ބަރަކާތްލައްވައި އަޅުގަނޑުމެންގެ ކާމިޔާބުތައް ފަށްފަށްކުރައްވާށި" އެ ޕޯސްޓް ނިންމާލަމުން ބުނެފައިވެއެވެ.
advertisment
ހިޔާލު