އިންޓަރ ސްކޫލް ހޭންޑްބޯޅަ މުބާރާތުގެ ފިރިހެން ޑިޒިޜަންގެ 15 އަހަރުން ދަށާއި 17 އަހަރުން ދަށުގެ ޗެމްޕިއަންކަން ޖަމާލުއްދީން ސްކޫލުން ހޯދައިފިއެވެ.
15 އަހަރުން ދަށުގެ ޗެމްޕިއަންކަން ޖަމާލުއްދީން ސްކޫލުން ހޯދީ ރޭ ކުޅުނު ފައިނަލުގައި އަމީނިއްޔާ ސްކޫލާ ވާދަކޮށް 18-21ންނެވެ. މި މެޗްގެ މޮޅު ކުޅުންތެރިއަކީ ޖަމާލުއްދީނުގެ ޖޯރީ ނަމްބަރު 1 އަހުމަދު އަކުމަލް ނަސީރެވެ.
17 އަހަރުން ދަށުގެ ޗެމްޕިއަންކަން ޖަމާލުއްދީން ސްކޫލުން ހޯދީ ރޭ ކުޅުނު ފައިނަލުގައި އިސްކަންދަރު ސްކުލާ ވާދަކޮށް 18-26 ންނެވެ. މި މެޗްގެ މޮޅު ކުޅުންތެރިއަކީ ޖޯރީ ނަމްބަރު، 12 އަލްދާން އައިކް ރަމީޒެވެ.
15 އަހަރުން ދަށުގެ އެންމެ މޮޅު ތިން ކުޅުންތެރިންނަކީ ޖަމާލުއްދީނުގެ، ޖޯރީ ނަމްބަރު 6 އަލްހާން ފައިސަލް އަމީންއާއި އަމީނިއްޔާގެ، ޖޯޒީ ނަމްބަރު 2 އަކްހިލް އިހުސާންއާއި ޖަމާލުއްދީން ސްކޫލްގެ، ޖޯޒީ ނަމްބަރު 3 އިނާން ތޮލްހަތު މުޙައްމަދެވެ.
17 އަހަރުން ދަށުގެ އެންމެ މޮޅު ތިން ކުޅުންތެރިންނަކީ ޖަމާލުއްދީނުގެ އަލްދާން އައިކް ރަމީޒާއި އިސްކަންދަރު ސްކޫލްގެ، ޖޯޒީ ނަމްބަރު 5 ސައްޔިތު ސަލާހުއްދީނާއި ޖަމާލުއްދީނުގެ، ޖޯޒީ ނަމްބަރު 1 އަބްދުﷲ ރަޒީފު މުޙައްމަދެވެ.
advertisment
ހިޔާލު