އެންމެ ހިނިތުންވުމަކާއި ބުނެވޭ އެންމެ ބަހަކުން ވެސް، އަނެކާގެ ދިރިއުޅުން ބަދަލުވެދާނެކަން ހަނދާން ކުރަންޖެހޭނެ ކަމަށް އެޑިޔުކޭޝަން މިނިސްޓަރު ޑރ. އައިޝަތު އަލީ މިރޭ ވިދާޅުވެއްޖެއެވެ. އެކަމަނާ މިހެން ވިދާޅުވީ، ޏ. އަތޮޅު ތަޢުލީމީ މަރުކަޒަށް 40 އަހަރު ފުރުން ފާހާގަ ކުރުމުގެ ގޮތުން އެ މަރުކަޒުގައި މިރޭ ބެއްވި ޖަލްސާގައި ވާހަކަ ދައްކަވަމުންނެވެ.
ޙަޔާތުން މިސާލު ދައްކަވަމުން މިނިސްޓަރު ވިދާޅުވީ، އަބަދުވެސް އެނެކާއަށް އަޅާލައި، ނޭނގި ނަމަވެސް ހިތް ހެޔޮކަމާއެކު ވާހަކަ ދައްކާލުމުން ނުވަތަ ހެޔޮ ކަމެއް ކޮށްދިނުމުން އެ ޢަމަލުގެ ސަބަބުން އޭނާގެ މުޅި ޙަޔާތް ބަދަލުވެގެންދާ ކަމަށެވެ.
މިނިސްޓަރު ވިދާޅުވީ، މަދަރުސާއެއްގައި ދެވޭ ތަޢުލީމާއި ދަސްކޮށްދޭ ހުނަރުގެ އިތުރުން ދަރިވަރުން ކިބައިގައި ރިވެތި ސިފަތަކެއް ވެސް އަށަގަންނުވާ ކަމަށާއި، އޭގެ ތެރެއިން ކޮންމެ ދަރިވަރެއްގެ ގައިގައިވެސް ހުންނަން ޖެހޭނެ ސިފަތަކަކީ އެކަކު އަނެކަކަށް އަޅާލުމާއި އަނެކާއަށް ހެޔޮވުން ކަމަށެވެ.
މިނިސްޓަރު ޑރ. އައިޝަތު އަލީ އެކަމަނާގެ ވިސްނުމަށް ބޮޑު ބަދަލެއް ގެނައި ހާދިސާއަކަށް އިޝާރާތް ކުރައްވައި ވިދާޅުވީ، މީގެ ހަތް އަހަރު ކުރިން، ޕީއެޗްޑީ ހަދަމުންދިޔަ ދުވަސްވަރު، ސުޕަވައިޒަރާ ބައްދަލުކުރައްވަން އޮސްޓްރޭލިއާއަށް ވަޑައިގެންނެވި ކަމަށެވެ. އެ ދަތުރުގެ ތެރެއިން ރަހްމަތްތެރިންނާއެކު ނަގާފައިވާ ފޮޓޯތަކެއް ފޭސްބުކްގައި ހިއްސާކުރެއްވި ކަމަށެވެ. އޭގެ އެއްދުވަސްފަހުން އެފްބީއިން މެސެޖެއް ލިބިވަޑައިގެންނެވި ކަމަށާއި، އެ މެސެޖު ފޮނުވީ އޭނާއާއެކު 2007 ވަނަ އަހަރު އޮސްޓްރޭލިޔާގެ ކޯލްސް ސުޕަރމާރކެޓްގައި މަސައްކަތް ކުރި އެލިސް ކިޔާ ކުއްޖެއް ކަމަށެވެ. އޭރު އެނާގެ ޢުމުރަކީ ސޯޅަ އަހަރު ކަމަށެވެ. އެ މެސެޖުގައި އޭނާ އެދުނީ ބައްދަލު ކުރެއްވުމަށެވެ.
މިނިސްޓަރު ވިދާޅުވީ، މާސްޓަރސްއަށް ކިޔަވަމުން ދިޔަ ދުވަސްވަރު، އިތުރު ޢާމްދަނީއެއް ހެދުމުގެ ގޮތުން ސުޕަމާރކެޓެއްގައި މަސައްކަތް ކުރެއްވިއިރު، އެ ސްޕަމާކެޓްގައި ޕާޓް ޓައިމްކޮށް މަސައްކަތް ކުރަމުން ގެންދިޔަ ދަރިވަރުންގެ ސްޕްވައިޒަރެއްގެ ގޮތުގައި މަސައްކަތް ކުރެއްވީ އެކަމަނާ ކަމަށެވެ.
advertisment
ހިޔާލު