ހެލްތް ޕްރޮމޯޓިންގ ސްކޫލް ކޮންފަރެންސް ނިންމާލައިފި

ހެލްތް ޕްރޮމޯޓިންގ ސްކޫލް ކޮންފަރެންސް" މިއަދު ނިންމާލައިފިއެވެ.

މި ރަސްމިއްޔާތު ޝަރަފުވެރިކޮށްދެއްވީ ‪މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސްގެ ސްޓޭޓް މިނިސްޓަރ މުޙައްމަދު ޝިހާބެވެ.

‏މި ކޮންފަރެންސްގައި ބައިވެރިވެފައިވަނީ މާލޭ ސަރަޙައްދުގެ 17 ސްކޫލަކުން މުވައްޒަފުން، ދަރިވަރުން އަދި ބެލެނިވެރިން ހިމެނޭ ގޮތަށް ޖުމްލަ 136 ބައިވެރިންނެވެ. އަދި މީގެ އިތުރުން އަތޮޅުތެރެއިން ޖުމްލަ 79 ސްކޫލެއް އޮންލައިންކޮށް އޮބްޒާވަރުންގެ ގޮތުގައި ބައިވެރިވެފައިވެއެވެ.

‏މި ކޮންފަރެންސްގެ މައިގަނޑު މަޤުސަދަކީ ހެލްތް ޕްރޮމޯޓިންގ ސްކޫލް ޕޮލިސީ ތަންފީޒުކުރުމަށް ބާރުއެޅުމާއި، ކޮންފަރެންސްގައި ބައިވެރިވާ ސްކޫލުތަކުގައި ހެލްތް ޕްރޮމޯޓިންގ ސްކޫލުގެ ޑައިމެންޝަންތަކަށް ކޮށްފައިވާ މަސައްކަތްތައް ޙިއްޞާކޮށް،ސްކޫލުތަކުގެ މެދުގައި ތަޖުރިބާތައް ޙިއްޞާކުރުމެވެ.