ހުރަވީ ސްކޫލުން ކުޑަކުދިންގެ ދުވަސް ފާހަގަކުރީ ފެނާއި މަޖަލުގައި

ހުރަވީ ސްކޫލުން، މި އަހަރުގެ ކުޑަކުދިންގެ ދުވަސް ފާހަގަކުރީ ސަޕްރައިސް “ވޯޓަރ ޑޭ“ އަކުންނެވެ.

މި ދުވަހާ ގުޅިގެން، ތަފާތު އެކިއެކި ފެނުގެ ހަރަކާތްތައް މި ސްކޫލުންވަނީ ރާވާފައެވެ.

ތަފާތު ގްރޭޑް ތައް އެކި ދަންފަޅިތަކަކަށް ބަހާލެވިގެން، ނިމިދިޔަ ބުރާސްފަތި ދުވަހު ކުރިއަށްގެންދިޔަ މި ދުުވަހަކީ ކާމިޔާބު ދުވަހެއްކަން، އެކުދިންގެ މޫނުމަތިންވެސް ފެނިގެންގޮސްފައިވެއެވެ.

ކޮންމެ ދަންފަޅިއެއްވެސް ފެށިގެންދިޔައީ ދުވަހުގެ ޙާއްސަ އެސެމްބްލީއާއެކުގައެވެ. މި އެސެމްބްލީގައި، ޓީޗަރުންގެ ޓެލެންޓް ދައްކާލުމަށް، ސްޓޭޖް ޝޯއެއް ވަނީ ކުރިއަށްގެންގޮސްފައެވެ.

އެއަށްފަހުު ކުރިއަށްދިޔައީ ކްލާސްތަކުގެ ޕާޓީއެވެ. ޕާޓީއަށްފަހު، ދުވަހުގެ މައި ހަރަކާތްތައް ފެށިގެންދިޔައެވެ. މި ގޮތުން، ޕްރައިމެރީ ގްރޭޑްތަކަށް، ވޯޓަރ ސްލައިޑެއްވަނީ ތައްޔާރުކޮށްފައެވެ. އަދި އެކި ވައްތަރުގެ ވޯޓަރ ޕޫލްތައްވެސް ވަނީ ތައްޔާރުކުރެވިފައެވެ.

”ވަރަށް މަޖާ އުފާވެރި ދުވަހެއް. ކުދިންނަށްވެސް ޓީޗަރުންނަށްވެސް.. ކުދިން ސްކޫލަށް ވަންނަ މައި ގޭޓު ކައިރިވެސް ބޮޑު ފެން ޕޫލެއްތައްޔާރު ކޮއްފަވާނީ، މަތީ ފްލޯތަކުގައި ތިބެ ފެން ހޮޅިތަކުން ފެންވެސް ޖެހި.. ހަމަ ފުލް ވޯޓަރ ޑޭއެއް” ހުރަވީ ސްކޫލުގެ ޓީޗަރެއް އޭނާގެ އިހްސާސްތައް ހިއްސާކުރިއެވެ.

ސެކަންޑްރީ ގްރޭޑްތަކުގެ ދަރިަވރުންނަށްވެސް ގިނަ ހަރަކާތްތަކެއް ކުރިއަށްގެންގޮސްފައިވެއެވެ. އެގޮތުން، ފެންތައްޓެއް ކުދިންގެ ބޯ މަތިން ޕާސްކުރުމުގެ ހަރަކާތާއި ސްޕޮންޖެއް ފެނުން ފޯކޮށް، އެހެންދިމާލެއްގައި ހުންނަ ބާލިދީއަކަށް ފެލާލުމުގެ ހަރަކާތްވަނީ ކުރިއަށްގެންގޮސްފައެވެ. މިިއިން ކޮންމެ ހަރަކާތެއްވެސް ކުރިއަށްގެންގޮސްފަިއވަނީ ވަކި ވަގުތެއްގެ މުއްދަތަށެވެ.

މީގެ އިތުރުން، މި ހަރަކާތްތަކުގެ ތެރޭގައި ފެން ބަޑިން ފެން ޖެހުންވެސް ހިމެނެއެވެ.

ހުރަވީ ސްކޫލުުގެ ފެނުން ފުރިގެންދިޔަ މި ދުވަސް ފުރިހަމަވެގެންދިޔައީ ވެހުނު ވާރޭއާއެކުގައެވެ.