ގދ.ތިނަދޫ ކައުންސިލުން، ޒުވާން އިމާމުން ތަމްރީންކުރުމުގެ ގޮތުން ފެށި "ކަސީދާ" ޕްރޮގްރާމް ނިންމުމުގެ ރަސްމިއްޔާތު ބާއްވައިފިއެވެ.
މި ރަސްމިއްޔާތު ޝަރަފްވެރިކޮށްދެއްވީ ގދ.ތިނަދޫ ކައުންސިލްގެ ރައީސް ސައުދް ޢަލީއެވެ. މި ޕްރޮގްރާމުން ދަސްވެނިވި 19 ދަރިވަރުންނަށް ވަނީ ހަނދާނީލިޔުން ހަވާލުކޮށްފައެވެ.
"ކަސީދާ" ޕްރޮގްރާމަކީ ސިލްސިލާ ޕްރޮގްރާމެއްކަމުން، ކޮންމެ ފަހަރަކުވެސް ތަފާތު ތަމްރީން ޕްރޮގްރާމުތައް ހިންގުމަށްވަނީ ރާވައިފައެވެ. އެގޮތުން، މިފަހަރު ވަނީ އިމާމުން ތަމްރީން ކުރުމުގެ އިތުރުން، ކަށުކަމާކެމީގެ ތަމްރީން ޕްރޮގްރާމު ތަކާއި ހުޠުބާކިޔުމުގެ ޕްރޮގްރާމުތައްވެސް ކުރިއަށްގެންގޮސްފައެވެ.
"ކަސީދާ" ގެ ފުރަތަމަ ޕްރޮގްރާމު ނިންމުމުގެ ރަސްމިއްޔާތުގައި ގިނަ ބައިވެރިން ބައިވެރިވެފައިވާއިރު، މިސްކިތްތަކުގެ މުދިމުންނާއި މިސްކިތްތަކުގައި އެކި ކަންކަމުގައި ހަރަކާތްތެރިވާ ފަރާތްތަކުގެ އިތުރުން އިސްރަށްވެހިން މި ރަސްމިއްޔާތު ގައި ބައިވެރިވިއެވެ.
މި ރަސްމިއްޔާތުގައި، އައު އިމާމުންނަށް ސެޓްފިކެޓް ހަވާލުކުރުމުގެ އިތުރުން، ޤުރުޢާނާ ބެހޭ މަރުކަޒުގެ ގޮފިން ލެވެލް 1 އަދި 2 ނިންމިފަރާތްތަކަށްވެސް ވަނީ ސެޓްފިކެޓް ހަވާލުކޮށްފައެވެ.
advertisment
ހިޔާލު