އެޑިޔުކޭޝަން މިނިސްޓްރީން ބ.އަތޮޅު ދެ ސްކޫލަކަށް ސެޝަންތަކެއް ނަގައިދީފިއެވެ. މި ސެޝަންތައް ނަންގަވައިދެއްވީ އެޑިޔުކޭޝަން މިނިސްޓްރީގެ އެޑިޔުކޭޝަން އޮފިސަރ، ހުސްނޫ އަފްރޯޒްއެވެ.
މިއީ "ގޯލް ސެޓިން" އަދި "ޓީމް ބިލްޑިންގ" ގެ ސެޝަންތަކެކެވެ. މި ސެޝަންތައް ނަގައިދީފައިވަނީ ބ.އަތޮޅު މަދަރުސާ އަދި ބ.ގޮއިދޫ ސްކޫލުގެ ގްރޭޑް 10އެއްގެ ދަރިވަރުންނަށެވެ.
މި ސެޝަންތައް ނަންގަވައިދެއްވާފައިވަނީ އެކި ހަރަކާތްތަކާއެކީ ވަރަށް ޝައުޤުވެރިވާފަދަ ގޮތަކަށެވެ. މި ސެޝަނުގައި، ކޮންމެ ދަރިވަރެއްގެވެސް އަމާޒު ދެނެގަނެ، އެ އަމާޒަކަށް ވާސިލްވާނެ ގޮތްތަކާއި، ކަނޑައްތުކުރާނެ ކަންކަން ކިޔައިދީފައިވެއެވެ.
އަދި އެއްބައިވަންތަކަމާއި، ޓީމެއްގައި މަސައްކަތްކުރާއިރު ގެންގުޅެންވީ އާދަތައްވެސް ވަނީ މި ސެޝަންތަކުގެ ތެރެއިން ދަރިވަރުންނަށް ކިޔައިދީފައެވެ.
މި ސެޝަނުގައި ބ.އަތޮޅު މަދަރުސާގެ 11 ކުދިން ބައިވެރިވެފައިވާއިރު، ބ.ގޮއިދޫ ސްކޫލުގެ އަށް ދަރިވަރުން ވަނީ ބައިވެރިވެފައެވެ.
advertisment
ހިޔާލު