އެޑިއުކޭޝަން މިނިސްޓްރީގެ ސްޓޭޓް މިނިސްޓަރ ރ.އުނގޫފާރު ކައުންސިލާ ބައްދަލުކުރައްވައިފި

މިނިސްޓްރީ އޮފް އެޑިޔުކޭޝަންގެ ސްޓޭޓް މިނިސްޓަރ ފާޠިމަތު ނަޞީރު އަދި މިނިސްޓްރީގެ ޓީމް މިއަދު ރ. އުނގޫފާރު ކައުންސިލާ ބައްދަލުކުރައްވައިފިއެވެ.

މި ބައްދަލުވުމުގައި، އެ ރަށު ސްކޫލާ ގުޅޭ އެކި ކަންކަމާ ގުޅޭ ގޮތުން ވަނީ މަޝްވަރާކުރައްވާފައެވެ. މި ބައްދަލުވުމުގައި އުނގޫފާރު  ކައުންސިލްގެ ރައީސް އަދި ކައުންސިލުގެ އެހެނިހެން ބޭފުޅުންވެސް ބައިވެރިވެފައިވެއެވެ.

ރާއްޖޭގެ ސްކޫލުތަކާ ގުޅޭ އެކި ކަންކަމާމެދު މަޝްވަރާކުރެއްވުމަށް، އެޑިޔުކޭޝަން މިނިސްޓްރީން ދަނީ ގިނަ ރަށްތަކެއްގެ ކައުންސިލާ ބައްދަލުކުރައްވަމުންނެވެ. އެގޮތުން، ރ. އިނގުރައިދޫ ކައުންސިލް، ފ.ބިލެތްދޫ ކައުންސިލް، ތ.ބުރުނީ ކައުންސިލް، ތ.ހިރިލަންދޫ ކައުންސިލް އަދި ގއ.ވިލިނގިލީ ކައުންސިލާ ބައްދަލުކުރައްވާ، އެ ރަށްތަކުގެ ސްކޫލާ ގުޅޭ އެކި ކަންކަމާމެދު ވަނީ މަޝްވަރާކުރައްވާފައެވެ.