ގދ. އަތޮޅު ތަޢުލީމީ މަރުކަޒުގެ ލައިބްރަރީ ތަރައްޤީކުރަން ދެ ފަރާތަކުން 125،000ރުފިޔާގެ އެހީތެރިކަމެއް ފޯރުކޮށްދީފިއެވެ. އެ މަރުކަޒުގެ ލައިބްރަރީ ޒަމާނާ އެއްގޮތަށް ބައްޓަން ކުރުމަށް ހިންގާ ޕްރޮޖެކްޓަށް ފައިސާގެ އެހީތެރިކަން ފޯރުކޮށްދީފައި ވަނީ ހުވަދު އަތޮޅުގައި ހިންގާ ރިސޯޓެއް ކަމުގައިވާ ރަފޭލްސް މޯލްޑިވްސްގެ އިތުރުން އެސްޓީއޯއިންނެވެ.
ތިނަދޫގައި ހުންނަ އެއަތޮޅު ތަޢުލީމީމަރުގެ ލައިބްރަރީ ތަރައްޤީ ކުރުމުގެ މަސައްކަތުގައި އިސްކޮށް މަސައްކަތް ކުރަނީ އެ މަރުކަޒުގެ އިސްދަރިވަރުންނެވެ. ރަފޭލްސްއިން ވަނީ ލައިބްރަރީ ތަރައްޤީކުރަން 75،000 ރުފިޔާގެ އެހީއެއް ވެދީފައެވެ. އެސްޓީއޯއިން ދީފައި ވަނީ 50،000ރުފިޔާއެވެ.
ގދ. އަތޮޅު ތަޢުލީމީމަރުކަޒުގެ ލައިބްރަރީ ތަރައްޤީކުރަނީ ދެ ބަޔަކަށް ބަހާލައިގެންނެވެ. އެއީ ދަރިވަރުންނަށް ލައިބްރަރީގެ ބޭނުން މިހާރަށްވުރެ ފުޅާކޮށް ހިފުމުގެ އިތުރުން ހިތްގައިމު މާހައުލެއްގައި ފޮތް ކިޔޭނެ އިންތިޒާމް ހަމަޖެއްސުމާއި އީ ލައިބްރަރީއެއްގެ ގޮތުގައި އެ ލައިބްރަރީ ހަމަޖެއްސުމެވެ.
ލައިބްރަރީ ތަރައްޤީކޮށް ހުޅުވާލާއިރު، މިހާރަށްވުރެ ގިނަ އަދަދެއްގެ ރެފަރެންސް ފޮތްތައްވެސް ހުންނާނެ ކަމަށް އެ މަރުކަޒުން މައުލޫމާތު ދެއެވެ.
advertisment
ހިޔާލު