އުއްމީދަކީ އަންނަ އަހަރު ނިމުމުގެ ކުރިން ރާއްޖޭގެ ހުރިހާ ސްކޫލަކަށް ޒިޔާރަތްކޮށް ހާލަތު ދެނެގަތުން ކަމަށް އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވެއްޖެއެވެ.
ކުޑަކުދިންގެ ދުވަހު، ދިވެހިރާއްޖޭގެ އަޑުން ގެނެސްދިން "އަހާށޭ ބުނާނަން" ޕްރޮގްރާމުގައި ވާހަކަ ދައްކަވަމުން އެޑިޔުކޭޝަން މިނިސްޓަރު ވިދާޅުވީ، ސަރުކާރުގެ ބެލެމުގެ ދަށުން ކިޔަވައިދެމުން އަންނަ 2016 ސްކޫލް އެބަހުރި ކަމަށާއި އެ ސްކޫލްތަކުގެ ތެރެއިން މިހާތަނަށް 89 ސްކޫލަށް ދެވިއްޖެ ކަމަށެވެ. [
ކުޑަކުދިން ހުށައަޅައިދިން އެ ޕްރޮގްރާމުގައި މިނިސްޓަރު ވިދާޅުވީ، ސްކޫލްތަކަށް ޒިޔާރަތްކޮށް ޓީޗަރުންނާއި ވަކިން ބައްދަލުކޮށް އެމީހުންނަށް ދިމާވާ ދަތިތައް އޮޅުންފިލުވުމުގެ އިތުރުން ސްކޫލާއި ބެލެނިވެރިންނާއި ދަރިވަރުންނާ ބައްދަލުކޮށް މައުލޫމާތު ހޯދުން މުހިންމު ކަމަށެވެ.
" 2026 ވަނަ އަހަރު ނިމުމުގެ ކުރިން ހުރިހާ ސްކޫލަކަށް ޒިޔާރަތް ކުރުމަކީ އުއްމީދެއް ހުވަފެނެއް" ސްކޫލްތަކަށް ޒިޔާރަތް ކުރުމާ ގުޅޭ ގޮތުން ޕްރޮގްރާމް ހުށައެޅުމުގައި ބައިވެރިވި ކުއްޖަކު ކުރި ސުވާލުގެ ޖަވާބުގައި މިނިސްޓަރު ވިދާޅުވިއެވެ.
މިނިސްޓަރު ޑރ. އިސްމާއިލް ވިދާޅުވީ، ޓެކްނޮލޮޖީއާއެކު ކިޔަވައިދިނުމަށް ވަރަށް ބޮޑު ބަދަލެއް އަތުވެއްޖެކަމަށާއި ސްކޫލް ކޮމިއުނިޓީއާ ބައްދަލުކޮށް ލިބޭ މައުލޫމާތުގެ އަލީގައި ތައުލީމީދާއިރާގެ ލޯންގްޓާމް ޑިވެލޮޕްމަންޓް ޕްލޭންތައް އެކުލަވާލުމަކީ އުއްމީދެއް ކަމަށެވެ.
މި ޕްރޮގްރާމުގައި މިނިސްޓަރު ވިދާޅުވީ، އެޑިޔުޔުކޭޝަން މިނިސްޓްރީއާއި އެޑިޔުކޭޝަން މިނިސްޓަރުގެ އެންމެ ބޮޑު ޒިންމާއަކީ އެއްވެސް ކުއްޖަކު ބާކީނުކޮށް ތައުލީމު ފޮރުކޮށްދިނުން ކަމަށާއި އެކަން ކުރެވޭކަން ކަށަވަރު ކުރުން ކަމަށެވެ.
advertisment
ހިޔާލު