ބ. އަތޮޅު މަދަރުސާގެ މުދައްރިސުން އެ ސްކޫލުގެ ލައިބްރަރީއަށް 300 ފޮތް ހަދިޔާ ކޮށްފިއެވެ. މިއީ މުދައްރިސުންގެ ދުވަހާ ގުޅުވައިގެން އެސްކޫލަށާއި ދަރިވަރުންގެ އުނގެނުމަށް މުދައްރިސުންގެ ފަރާތުން ދިން ދީލަތި އެހީއެކެވެ.
" މުދައްރިސުންގެ ދުވަހު މުދައްރިސުން ބޭނުންވީ ސްކޫލާއި ދަރިވަރުންގެ އުނގެނުމާއި ކުރިއެރުމަށް މުހިންމު ކަމެއް ކޮށްދޭން. އެގޮތުން އެންމެ ރަނގަޅު ބޭނުންތެރި ކަމެއްގެ ގޮތުގައި މުދައްރިސުން ދެކުނީ ލައިބްރަރީއަށް ފޮތް ހަދިޔާ ކުރަން. މުދައްރިސުން ބޭނުންވީ ހުރިހާ ކުދިންނަށް ބޭނުން ކުރެވޭ ގިނަ ދުވަހަށް އޭގެ ބޭނުން ކުރެވޭނެ ހަދިޔާއަކަށް ވެސް ވާން" ބ. އަތޮޅު މަދަރުސާގެ ޕްރިންސިޕަލް ނާޒްނީން އަބްދުﷲ ދީދީ ވިދާޅުވިއެވެ.
އޭނާ ވިދާޅުވީ، މުދައްރިސުން ހަދިޔާ ކުރި ފޮތްތަކުގެ ތެރޭގައި ހުރިހާ ދަރިވަރުންނަށް ވެސް ބޭނުން ކުރެވޭނެ އެކި އުމުރުފުރައަށް ޚާއްޞަ ފޮތްތައް ހިމެނޭނެ ކަމަށާއި އޭގެ ތެރޭގައި އިނގިރޭސި ފޮތްތަކާއި ދިވެހި ފޮތްތައް ވެސް ހިމެނޭ ކަމަށެވެ.
ބ. އަތޮޅު މަދަރުސާގައި ފައުންޑޭޝް ސްޓޭޖުން ފެށިގެން ގުރޭޑް 10އާ ހަމައަށް 200 އެއްހާ ދަރިވަރުން ކިޔަވަމުން ގެންދެއެވެ.
advertisment
ހިޔާލު