ޕަބްލިކް ޕްރައިވެޓް ޕާޓްނަރޝިޕްގެ ދަށުން ހިންގާ ސްކޫލްތަކުގެ ދަރިވަރުންނަށް ފީ ދައްކާނީ، ސަރުކާރުގެ އޭލެވެލް ސްކޫލަކަށް އެޕްލައިކޮށް ޖާގަ ނުލިބިގެން މި މިނިސްޓްރީގެ ފަރާތުން އެފަދަ ސްކޫލަކަށް ފޮނުވާ ދަރިވަރުންނަށް ކަމަށް އެޑިޔުކޭޝަން މިނިސްޓަރު ވިދާޅުވެއްޖެއެވެ.
ފޭސްބުކު ޕޭޖުގައި މިނިސްޓަރު، ޑރ. އިސްމާއިލް ޝަފީޢު ވިދާޅުވެފައި ވަނީ، ޕަބްލިކް ޕްރައިވެޓް ޕާޓްނަރޝިޕްގެ ސްކޫލެއްގައި ކިޔަވަމުންދާ ދަރިވަރުންގެ ތެރެއިން މިހާރު ފީ ލިބެމުންދާ ދަރިވަރުންނަށް އެ ދަރިވަރުން ގްރޭޑް 12 ނިމެންދެން މި މިނިސްޓްރީގެ ފަރާތުން ފީ ދައްކަމުންގެންދާނެ ކަމަށެވެ.
މިނިސްޓަރު ވިދާޅުވީ، އެ ބަދަލު ގެނައީ މާލެ ސަރަހައްދުގައި ސީ.އެޗް.އެސް.އީ-މާލެ އަދި ސީ.އެޗް.އެސް.އީ-ހުޅުމާލޭގައި ކިޔެވުމުގެ ފުރުސަތު ތަނަވަސްވުމާ ގުޅިގެން ކަމަށެވެ. މި ބަދަލު ގެނައި ނަމަވެސް މާލޭގެ ކޮމިޔުނިޓީ ސްކޫލް (އަވަށު ސްކޫލް) ތަކަށް މިހާރުވެސް ފީ ލިބެމުންދާ އުސޫލުން ފީ ލިބޭނެ ކަމަށް މިނިސްޓަރު ވިދާޅުވެފައިވެއެވެ.
ސާނަވީ އިމްތިހާނުތަކުގެ ނަތީޖާލިބުމާއެކު މަތީ ސާނަވީއަށް ކިޔެވުމަށް ސަރުކާރުގެ ސްކޫލްތަކުން ކިޔެވުމުގެ ފުރުސަތުވަނީ ސަރުކާރުގެ ހުރިހާ ސްކޫލަކުން ހުޅުވާލާފައެވެ.
advertisment
ހިޔާލު