އަޙްމަދިއްޔާގެ ސާނަވީ ބައިގެ ކެޕްޓަނުންނަށް ޖައިޝާއާއި ޔާނިޝް

އަޙްމަދިއްޔާ އިންޓަރނޭޝަނަލް ސްކޫލުގެ ސާނަވީގެ ބައިގެ ކެޕްޓަނުންނަށް ފާޠިމަތު ޖައިޝާ އާސިމް އާއި މުޙައްމަދު ޔާނިޝް ހޮވިއްޖެއެވެ.

9 ދަރިވަރުން ވާދަކުރި އިންތިޙާބުން ޖައިޝާ އާއި ޔާނިޝް ކެޕްޓަން ކަމުގެ މަގާމަށް ހޮވުނީ  70.9 އިންސައްތަ ޕޮއިންޓް ހޯދައިގެންނެވެ. ޑެޕިޔުޓީ ކެޕްޓަނުންނަށް ހޮވުނީ، މަރިޔަމް އަރަފާ އިބްރާހީމްއާއި ޝައްޔާން ބިން ޝިފާޢެވެ.

ގޭމްސް ކެޕްޓަނުންނަށް ހޮވުނީ ކަލްސަމް ކައިނާ ނިމާލްއާއި ޔޫސުފް އިޒްޔާން ޙަސަނެވެ.

ކެޕްޓަނުން ހޮވުމުގައި، ކިޔެވުމަށް 30 އިންސައްތަ، ކާމިޔާބީ ތަކަށް 15 އިންސައްތަ، އިންޓަވިޔު އަށް 25 އިންސައްތަ، އަދި ދަރިވަރުންގެ ވޯޓަށް 30 އިންސައްތަ ކަނޑައަޅާފައިވެއެވެ.