ނިއުމާމިސްއާއެކު ކެންވާގެ ބޭސިކްސް ދަސްކޮށްލަމާ!

މި އޮކްޓޯބަރ 16 އަދި 17 ގެ ޕްރޮގްރާމްގެ ބައިވެރިންނަށް ހިލޭ ފޮތްހެދުމުގެ ސެޝަންތަކުގައި ބައިވެރިވުމަށް ފުރުސަތު ލިބޭނެ!

ކެންވާ އަކީ މުދައްރިސުން، ދަރިވަރުން، ބެލެނިވެރިން، ވިޔަފާރިވެރިން، އޮފީސްތަކުގެ ބޭނުންތަކަށް ވެސް ފައިދާހުރި ވަސީލަތެކެވެ. މިއީ ވަރަށް ފަސޭހައިން ބޭނުންކުރެވޭ އަދި ރީތި ޑިޒައިންތައް ހެދުމަށް ބޭނުންތެރި ވަސީލަތެކެވެ.
ކެންވާ އަކީ 2013 ވަނަ އަހަރު ތައާރަފުކުރެވުނު އޮންލައިން ގްރެފިކް ޑިޒައިން ޕްލެޓްފޯމެކެވެ. މިއީ ޕްރޮފެޝަނަލް ޑިޒައިން ސޮފްޓްވެއަރއެއްގެ ތަޖުރިބާއެއް ނެތިވެސް ފަސޭހަކަމާއެކު ރީތި ޑިޒައިންތައް އުފެއްދުމަށް ބޭނުންކުރެވޭ ވަސީލަތެކެވެ. މި ޕްލެޓްފޯމް ވެބް ބްރައުޒަރ އަދި މޮބައިލް އެޕް މެދުވެރިކޮށް، "ޑްރެގް-އެންޑް-ޑްރޮޕް" (އެއްޗެހި ދަމައިގެން ގެންގޮސް ގުޅުވާލެވޭ) އުސޫލުން ބޭނުންކުރެވެއެވެ.

ކެންވާގެ މުހިންމު ފީޗަރތައް

ތައްޔާރީ ޓެމްޕްލޭޓްތައް: ސޯޝަލް މީޑިއާ ގްރަފިކްސް، ޕްރެޒެންޓޭޝަން، ޕޯސްޓަރު، ލިޔެކިޔުންތައް އަދި ވީޑިއޯ ހެދުމަށް ބޭނުންކުރެވޭ މިލިއަނުން ގިނަ ބަދަލުކުރެވޭ ޓެމްޕްލޭޓްތައް.
ޑްރެގް-އެންޑް-ޑްރޮޕް އެޑިޓަރު: ސާދާ ވަސީލަތްތައް ބޭނުންކޮށްގެން ލިޔުން، ބައްޓަންތައް، ފޮޓޯ، އިލަސްޓްރޭޝަން އަދި އޯޑިއޯ ކްލިޕްތައް އެތުރުން.
އޭއައި (AI) ވަސީލަތްތައް (Magic Studio): ލިޔާ އެއްޗަކުން ފޮޓޯ އުފެއްދުމާއި، ލިޔުންތައް އިސްލާހުކުރުމާއި، އޮޓޯއިން ތަރުޖަމާކުރުމާއި، ގްރަފިކްސްތައް އޮޓޮމެޓިކުން އެޑިޓްކުރުން.
އެކުގައި މަސައްކަތްކުރުމުގެ ވަސީލަތްތައް: އެއް ވަގުތެއްގައި ގިނަ މީހުންނަށް އެކުވެރިވެގެން އެޑިޓްކުރުމާއި، ކޮމެންޓްކުރުމާއި، ޓީމު ބްރޭންޑް ކިޓް (ލޯގޯ، ކުލަތައް، ފޮންޓް) ބެލެހެއްޓުން.
ޑައުންލޯޑް އަދި ޝެއަރކުރުން: PNG, JPG, PDF, SVG, އަދި MP4 ފޯމެޓްތަކުން ޑައުންލޯޑްކުރުމާއި، ސޯޝަލް މީޑިއާއަށް ސީދާ ޝެޑިއުލްކުރުން ނުވަތަ ޕްރިންޓްކުރުމަށް އޯޑަރުކުރުން.

މުހިންމު ފައިދާތައް:

ވަގުތު ސަލާމަތްވުން: ތައްޔާރީ ޓެމްޕްލޭޓްތައް ބޭނުންކޮށްގެން ޕޯސްޓަރު، ފްލަޔަރު، އިސްތިހާރު، ސީވީ އަދި ޕްރެޒެންޓޭޝަން ކުޑަ ވަގުކޮޅެއްގެ ތެރޭ ތައްޔާރުކުރެވޭ.
ޑިޖިޓަލް ހުނަރު އަދި އޭއައި (AI): ޑިޖިޓަލް ވަސީލަތްތަކަށް އަހުލުވެރިވެ، އޭއައި ފީޗަރތައް ބޭނުންކޮށްގެން އުފެއްދުންތެރިކަން ކުރިއަރާނެ.
ބްރޭންޑިންގ އާއި ސޯޝަލް މީޑިއާ: ލޯގޯ، ބިޒްނަސް ކާޑު، އަދި ސޯޝަލް މީޑިއާ ޕޯސްޓްތައް ޑިޒައިންކުރެވޭ.

މުދައްރިސުންނަށް ހާއްސަ:
ފިލާވަޅުތައް ޝައުގުވެރިކުރުމަށާއި، ކްލާސްރޫމް ޑިސްޕްލޭތައް ހެދުމަށާއި، އެކުވެރި މުދައްރިސުންނާ ވަސީލަތްތައް ހިއްސާކުރުމަށް އެހީތެރިވެދެއެވެ. ރެޑީމޭޑް ވޯރކްޝީޓް، ރެޑީމޭޑް ޕްރެޒެންޓޭޝަން ފަދަ އެއްޗެހި ފަސޭހަކަމާއެކު ލިބެންހުރެއެވެ. މުދައްރިސުންނަށް މުޅިއުމުރަށް ކެންވާ ހިލޭ ލިބެއެވެ.

ބައިވެރިވާން ބޭނުންވާނަމަ މި ލިންކު މެދުވެރިކޮށް ރަޖިސްޓްރީ ކުރެވޭނެއެވެ. މި ކުލާސްތައް ކުރިއަށް ގެންދަނީ އޮކްޓޯބަރު މަހުގެ 16އަދި 17 ވަނަ ދުވަހުގެ ރޭ 8:30ގައެވެ.