ވެލިޑޭޓް ކުރުމަށްފަހު ނުގެންގޮސް ހުރި ސަނަދުތައް ޖުލައި 31 ގެ ފަހުން ފައިލް ކުރަނީ

ވެލިޑޭޓް ކުރުމަށްފަހު ނުގެންގޮސް ހުރި ސަނަދުތައް ޖުލައި 31 ގެ ފަހުން ފައިލް ކުރާނެ ކަމަށް މޯލްޑިވްސް ކޮލިފިކޭޝަން އޮތޯރިޓީން ބުނެފިއެވެ.

އެ އޮތޯރިޓީން މިއަދު ނެރުނު އާންމު އިއުލާނެއްގައި ބުނެފައި ވަނީ، އެކިއެކި ފަރާތްތަކުން ހުށައަޅައިގެން ވެލިޑޭޓް ކޮށްފައިވާ ސަނަދުތަކުގެ ތެރޭގައި ކުރިން ވެލިޑޭޓް ކޮށްފައިވާ ސަނަދުތަކެއް ނުގެންގޮސްވާކަން ފާހަގަކުރެވިފައިވާ ކަމަށެވެ.

އެ އޮތޯރިޓީން ބުނީ، 31 ޑިސެމްބަރު 2022 ގެ ކުރިން ވެލިޑޭޓް ކޮށްފައިވާ ސަނަދުތަކާ އޭގެ ވެރިފަރާތުން 31 ޖުލައި 2025 ގެ ކުރިން ހަވާލުވުމަކީ އެ އޮތޯރިޓީގެ ވަރަށް ބޮޑު އެދުމެއް ކަމަށާއި އެ މުއްދަތުގައި ނުގެންދާ ސަނަދުތައް ފައިލްކުރަން ނިންމާފައިވާ ކަމަށެވެ.

ފައިލްކޮށްފައިވާ ސަނަދެއް 31 ޖުލައިގެ ފަހުން ބޭނުންވެއްޖެނަމަ އަލުން އާ އެޕްލިކޭޝަނެއްގެ ގޮތުގައި އެ އޮތޯރިޓީއަށް ހުށައަޅައިގެން ވެލިޑޭޓް ކުރުމުގެ ޕްރޮސެސް ކުރިއަށް ގެންދިއުމަށް އެދޭ ކަމަށް ވެސް އެ އިއުލާނުގައި ބުނެފައިވެއެވެ.

އަދި ވޭތުވެދިޔަ ދެ އަހަރުގެ ތެރޭގައި ވެލިޑޭޓްކޮށް ވެރިފަރާތުން ހަވާލު ނުވާ ސަނަދުތައް ވެސް ވީ އެންމެ އަވަހަކަށް ވެރިފަރާތުން ހަވާލުވުމަށް ވެސް އެމްކިޔުއޭއިން އެދިފައިވެއެވެ.