އެމްއެންޔޫގެ ދަރިވަރުންގެ ޖަމިއްޔާ އާ ދައުރަކަށް އިފްތިތާޙްކޮށް ރައީސް އަކަށް މިޝްޢަލް

ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޖަމިއްޔާ (އެމްއެންޔޫއެސްޔޫ) އާ ދައުރަކަށް އިފްތިތާޙުކޮށްފިއެވެ. އެ ޖަމިއްޔާގެ ރައީސް އަކަށް އިންތިޚާބު ކުރީ އިބްރާހިމް މިޝަލް މޫސާއެވެ. އާ ދައުރަކަށް އެމްއެންޔޫއެސްޔޫ އިފްތިތާޙުކޮށް ދެއްވީ ޤައުމީ ޔުނިވަރސިޓީގެ ވައިސް ޗާންސެލަރު ޑރ. އައިޝަތު ޝެހެނާޒު އާދަމެވެ.

އިންތިޚާބު ވުމަށްފަހު، އެ ޖަމިއްޔާގެ ރައީސް މިޝަލް ފާހަގަ ކުރި ގޮތުގައި އެ ޖަމިއްޔާ މިއަދު އޮތް ހިސާބަށް އާދެވުނި ގިނަ ބައެއްގެ މަސައްކަތުން ކަމަށާއި މަސައްކަތް ކުރާނީ ފާއިތުވި އަހަރު ފަށާފައި ހުރި ކަންތައްތައް އެއަށްވުރެ ފުރިހަމައަށް ކުރިއަށް ގެންދަން ކަމަށެވެ. އަދި ވިދާޅުވީ އެކަން ޙާޞިލް ކުރެވޭނީ ގުޅިގެން ކުރެވޭ މަސައްކަތްތަކުން ކަމަށެވެ.

އެމްއެންޔޫއެސްޔޫގެ ހިންގާ ކޮމިޓީއަށް ހޮވުނު މެމްބަރުން:

1- ރައީސް: އިބްރާހިމް މިޝްޢަލް މޫސާ

2- ނައިބް ރައީސް ( އިތުރު ހަރަކާތް) މުޙައްމަދު އަޔާޝް އަލީ

3- ނައިބް ރައީސް ( ޢިލްމީ) ޢާއިޝަތު އަފްނާން އިސްޙާޤް

4- ނައިބް ރައީސް ( ގޮފިތައް) މުޙައްމަދު ހިޒްޔަމް ޙާމިދު

5- ސެކެރެޓަރީ: އާމިނަތު އާޔާ އިޤްބާލް

6- އެސިސްޓެންޓް ސެކެރެޓަރީ: އާއިޝަތު އަލްޔާ އާރިފު

7- ޚަދާންދާރު: އަޙްމަދު ސަމީހް

8- މީޑިއާ ކޯޓިނޭޓަރު: މޫސާ މާހީ މުހައްމަދު

މި ރަސްމިއްޔާތުގައި ވާހަކަ ދައްކަވަމުން މިޝަލް ވަނީ 13 ވަނަ ދައުރު ހިންގާ ކޮމެޓީގެ އެޑްވައިޒަރީ ބޯޑު އިއުލާންކުރައްވާފަ އެވެ.

13 ވަނަ ދައުރުގެ އެޑްވައިޒަރީ ބޯޑު މެމްބަރުން:

އަރުޝަދު އަޝްރަފް (ހަވަނަ ދައުރުގެ ރައީސް)

މުޙައްމަދު ޝާން އާމިރު (ހަތްވަނަ ދައުރުގެ ރައީސް)

އަލީ ޝަމްޢޫން (އަށްވަނަ ދައުރުގެ ރައީސް)

އަބްދުﷲ ޝަހުނީޒް (ނުވަވަނަ ދައުރުގެ ރައީސް)

ޖައިޝް އަލީ ވަހީދު (ބާރަވަނަ ދައުރުގެ ރައީސް)

ހުސެއިން އަލީ (ނުވަވަނަ ދައުރުގެ ނައިބު ރައީސް)

އަހުމަދު ޝާން (ޔޫނިއަންގެ ދެވަނަ އަށް އެންމެ މަތީ ޝަރަފުގެ ވެރިޔާ)

އެމް.އެން.ޔޫ.އެސް.ޔޫ 13 ވަނަ ދައުރުގެ ހިންގާ ކޮމެޓީ އިފްތިތާހުކުރި ޖަލްސާގައި ވަނީ މިދިޔަ އަހަރުތަކުގައި އެމް.އެން.ޔޫ.އެސް.ޔޫ އަށް މަސައްކަތްކޮށްދެއްވި ފަރާތްތަކަށް އެވޯޑް ދީފަ އެވެ. މީގެ އިތުރުން މި ރަސްމިއްޔާތުގައި ވަނީ އެމް.އެން.ޔޫ.އެސް.ޔޫގެ މިއަހަރުގެ އެންމެ ހަރަކާތްތެރި ގޮފިތަކަށް ވަނަ ދީފަ އެވެ.