އައި.ޔޫ.އެމް.އެސް.ޔޫ ބީޗް ހޭންޑްބޯޅަ ފިއެސްޓާގައި ބައިވެރިވާން ހުޅުވާލައިފި

ދިވެހިރައްޖޭގެ އިސްލާމި ޔުނިވަރސިޓީގެ ސްޓޫޑެންޓް ޔޫނިއަންއިން ބާއްވާ ބީޗް ހޭންޑްބޯޅަ ފިއެސްޓާގައި ބައިވެރިވުމުގެ ފުރުޞަތު ހުޅުވާލައިފިއެވެ.

މި މުބާރާތް ކުރިއަށް ގެންދަނީ، ޔުނިވަރސިޓީތަކާއި ކޮލެޖްތަކާއި މަތީ ތަޢުލީމު ފޯރުކޮށްދޭ މަރުކަޒުތަކުގެ އިތުރުން މަތީ ސާނަވީ ސްކޫލްތަކަށެވެ. މި މުބާރާތުގައި ބައިވެރިވުމުގެ ސުންގަޑިއަކީ ސެޕްޓެމްބަރު މަހުގެ 25 ވަނަ ދުވަހެވެ. ސުންގަޑި ހަމަވުމުގެ ކުރިން، ޓީމުތަކުގެ މޯލްޑްލިސްޓާއި ކުޅުންތެރިންގެ ތަފްޞީލު އޮންލައިންކޮށް ހުށަހެޅުއްވުމަށް ޖަމިއްޔާއިން އެދިފައިވެއެވެ.

މި މުބާރާތް ކުރިއަށް ގެންދަނީ ދެ ޑިވިޜަނަކަށް ބަހާލައިގެންނެވެ. އެއީ އަންހެން އަދި ފިރިހެން ޑިވިޜަނެވެ.

ބީޗް ހޭންޑްބޯޅަ މުބާރާތް ކުރިއަށް ގެންދާ ދެވަނަ އަހަރެވެ. މީގެ އިތުރުން ހޭންޑް ބޯޅަ މުބާރާތެއް އައިޔޫއެމްއެސްޔޫއިން ކުރިއަށް ގެންދެއެވެ. އެ މުބާރާތް ކުރިއަށް ގެންދާ މިއީ ހަތަރުވަނަ އަހަރެވެ.

އައިޔޫއެމްއެސްޔޫއިން ބީޗް ހޭންޑްބޯޅަ ފިއެސްޓާ ކުރިއަށް ގެންދަނީ ހޭންޑްބޯލް މޯލްޑިވްސް އާއި ގާފު ސްޕޯޓްސްގެ އެހީތެރިކަމާއެކުަގައެވެ.