ބްރައިޓްވޭއިން އެއްވަނަ ޔަޒާންއަށް، ދެވަނަ އީޝަލްއަށް ތިންވަނަ ލީންއަށް

ހުޅުމާލޭގައި ހުންނަ ބްރައިޓްވޭ އިންޓަރނޭޝަނަލް ސްކޫލުން ފާއިތުވި 2025-2024 ވަނަ އަހަރުގެ އެންމެ މޮޅު ދަރިވަރުގެ މަޤާމް ޔަޒާން އަބްދުﷲ ސާއިދު ހޯދައިފިއެވެ. އެންމެ މޮޅު ދަރިވަރުންގެ ދެވަނަ ހޯދީ މަރިޔަމް އީޝަލް އިހުސާނެވެ. ތިންވަނަ ހޯދީ ފާތިމަތު ލީން ރިލްވާނެއެވެ.

ބްރައިޓްވޭގެ އަހަރީ އިނާމް ދިނުމުގެ ރަސްމިއްޔާތު ޝަރަފުވެރިކޮށްދެއްވީ ދިވެހިރާއްޖޭގެ އިސްލާމީ ޔުނިވަރސިޓީގެ ވައިސް ޗާންސެލަރު ޑރ. އަލީ ޒާހިރެވެ.

އެއްވަނަ ހޯދި ޔަޒާނަށް ސްކޫލްގެ ފެންވަރުގައި ހަތަރުވަނަ، އޯލެވެލްގެ ޤައުމީ ގަދަ ދިހައެއްގެ ދެވަނަ ލިބިފައިވެއެވެ. 9 އޭ ސްޓަރ އާއި އެއް އޭ ހޯދައި، ބްރައިޓްވޭއިން ޑިސްޓިންކްޝަން އެވޯޑް ވެސް އޭނާ ހޯދާފައިވެއެވެ.

ޔަޒާން ވަނީ، ޖޫނިއަރ ޕްރިފެކްޓެއްގެ އިތުރުން ޑެޕިޔުޓީ ސްކޫލް ކެޕްޓަނެއްގެ ޒިންމާ އަދާކޮށްފައެވެ. ސްކޫލް ނިންމާލީ ކެޕްޓަންކަމުގެ ފަޚުރިވެރި ކަމާއެކުގައެވެ. މަދަރުސީ ދަތުރުގައި ޔަޒާނަކީ މަޑުމައިތިރިކަމާއި، އޯގާތެރިކަމާއި ނަމޫނާ ދައްކައިދިން ދަރިވަރެކެވެ. ގުރުއާން މުބާރާތްތަކާއި ސަސްމޯ އަދި ސައިމޯގައި އެ ސްކޫލް ތަމްސީލުކޮށް ރަނގަޅު ނަތީޖާތަކެއް ހޯދިއެވެ. އިނގިރޭސި ކްލަބްގެ އެކްޓިވް މެމްބަރެއްގެ އިތުރުން ވޯލްޑް ސްކޮލާރސް ކަޕްގައި ވެސް ބައިވެރިވެ، ސަރަހައްދީ އަދި ބައިނަލްއަގުވާމީ ފެންވަރުގައި ވާދަކޮށްފައިވެއެވެ.

އައިޕީއެސްއެލްއީ އިން އައުޓްސްޓޭންޑިންގ ސަބްޖެކްޓް ޕާފޯމަންސް ސެޓްފިކެޓް އަދި އައިޕީއެސްއެލްއީ އިން އައުޓްސްޓޭންޑިންގ ސަބްޖެކްޓް ޕާފޯމަންސް ސެޓްފިކެޓް އަދި ސެޓްފިކެޓް އޮފް މެރިޓް ހާސިލުކޮށް، އައިޕީއެސްއެލްއީ އިން އައިޕީއެސްއެލްއީ ފާސްކުރި ފުރަތަމަ ދަރިވަރުންގެ ގްރޫޕުގައި އޭނާ ހިމެނިފައިވެއެވެ.

ދެވަނަ ހޯދި އީޝާލް އަކީ ތައުލީމީ އަދި އެކްސްޓްރާ ކަރިކިއުލަރ ލައިފްގެ ހުރިހާ ދާއިރާއަކުން ވެސް ރަނގަޅު ނަތީޖާއެއް ހޯދަން މަސައްކަތް ކުރި ދަރިވަރެކެވެ.

ތަޢުލީމީ ގޮތުން ސްކޫލު ފެންވަރުގެ ގަދަ 10 އިން 1 ވަނަ އީޝާލް ހޯދިއިރު،  އޯލެވެލް ނެޝަނަލް ޓޮޕް 10 ގެ 4 ވަނަ އީޝަލްއަށް ލިބިފައިވެއެވެ.
2021-2023 ދިރާސީ އަހަރު ޖޫނިއަރ ޕްރިފެކްޓްގެ މަޤާމާއި، 2023-24 ވަނަ އަހަރުގެ ދިރާސީ އަހަރު ޑެޕިޔުޓީ އެކެޑެމިކް ޕްރިފެކްޓްގެ މަޤާމާއި، 2024-25 ވަނަ އަހަރު ސްކޫލްގެ ކެޕްޓަނެއްގެ މަޤާމުގައި މަސައްކަތްކުރެއްވި ދުވަސްވަރު އޭނާގެ ލީޑަޝިޕްގެ ހުނަރު ވަނީ ފާހަގަވެފައެވެ. ލީޑާޝިޕްގެ އިތުރުން، އީޝާލް ވަނީ ތަފާތު ކޯ-ކަރިކިއުލަރ ހަރަކާތްތަކުގައި ހަރަކާތްތެރިކަމާއެކު ބައިވެރިވެ، އިންޓަރހައުސް އަދި އިންޓަރ ސްކޫލް މުބާރާތްތަކުގައި ބައިވެރިވެފައިވެއެވެ. 2024-25 ވަނަ އަހަރުގެ ވޯލްޑް ސްކޮލާރސް ކަޕްގެ ސަރަހައްދީ ބުރުގައި އެ ސްކޫލް ތަމްސީލުކޮށްފައެވެ. އަދި އައިޕީއެސްއެލްއީގައި ވެސް އޭނާ ވަނީ ކާމިޔާބީ ހޯދާފަ އެވެ.

ތިންވަނަ ލިބުނު ލީންއަށް އޯލެވެލްގެ ގަދަ 10 ގެ ފަސް ވަނަ ލިބިފައިވެއެވެ. ޖޫނިއަރ ޕްރިފެކްޓް (2021-2023)، ޑެޕިއުޓީ ސްޕޯޓްސް ކެޕްޓަން (2023-24) އަދި އެންމެ ފަހުން ސްޕޯޓްސް ކެޕްޓަންގެ މަގާމު (2024-25) ގެ މަގާމު އަދާކޮށްފައިވެއެވެ. މީގެ އިތުރުން އިންޓަރ ހައުސް އަދި އިންޓަރ ސްކޫލް މުބާރާތްތަކުގައި ވެސް އޭނާ ވަނީ ބައިވެރިވެފައެވެ.  ވޯލްޑް ސްކޮލާރސް ކަޕް (2022-2024) ގެ ސަރަހައްދީ ބުރުތަކާއި، ސްކޫލްގެ އަހަރީ ޤުރުއާން މުބާރާތްތަކާއި، ސައިންސް އެކްސްޕޯ އަދި ރޮބޮޓިކްސް މުބާރާތްތަކުގައި ގަވާއިދުން ބައިވެރިވެފައިވެއެވެ. މީގެ އިތުރުން ސިންގަޕޫރުގެ ޕްރައިމަރީ ސްކޫލް ލީވިން އެގްޒަމިނޭޝަންގެ ބައިނަލްއަޤުވާމީ ވާޝަން އައިޕީއެސްއެލްއީ ކާމިޔާބުކަމާއެކު ފުރިހަމަ ކޮށްފައިވެއެވެ.

ބްރައިޓްވޭއަކީ ސިންގަޕޫރުގެ ކަރިކިއުލަށް ރާއްޖޭގައި ކިޔަވައިދޭ ހަމައެކަނި ސްކޫލެވެ.